Sabadu, 04 Julhu 2020, OTL
Breaking News


LIA KSOLOK BA MORIS (LKBM); Segunda Feira, 9 de Marco de 2015

Maluk sarani doben sira hotu mak Cristo hadomi. Primeiro seguidores Cristo nian, hanesan  “Pessoas do Caminho”. Nebe lao ba mundo ida nebe melhor/ideal, hodi hasoru Reino ida, ida nee mak “Reinado de Deus”. Ita nebe simu ona Sacramento Baptimos, hanesan mos (Pessoas do Caminho. Significa,, sai ona seguidores Cristo nian no lao ona iha direcção ida, direção tuir Jesus. Direcção tuir Jesus “Sim”, maibe dificil tebes atu fo resposta ida nebe certeza/ permanente hodi hatan ba ita nia identidade hanesan pessoas do Caminho…Jesus iha ninia missão evangélica nafatin lao hodi continua habelar Nai nia Reino ba povo hotu sem distinção, nunee nafatin haburas/habot ema nia fiar. Moris ho fiar ida nebe metin/klean ba Nai Maromak iha Maromak Nia Oan Mane Mesak “Ita nain Jesus Cristo” sai hanesan dalan central nebe lori ba hetan ksolok no salvação.  Maibé, fiar ida nee wainhira ita hatur deit iha liafuan, seidauk soin ba ita hodi sai hanesan seguidores Cristo nian ida nebe los. Seguidores Cristo nian ida nebe los mak hamutuk ho Cristo, iha lia-fuan no hahalok, rona, halo tuir ukun fuan tomak, rai confiança tomak ba Nia no simu iha ita nia moris tomak hanesan ita nia we matan ba ita nia moris nebe sei la nahas tan. Jesus iha ninia missão evangélica nafatin lao ba fatin hotu-hotu hodi habelar Nai nia lia-fuan no convida nafatin fiar nain sira hodi ba hetan moris ida nebe digno. Iha passagem evangélica loron ohin nian, apresenta mai ita: Ema Sinagoga sira la simu Jesus no duni sai Nia. Certamante iha nee, ema Sinagoga sira apresenta ona atitude ida nebe sai husi sira nia laran rasik, hodi manifesta sira nia fuan ida nebe tos hodi lakohi simu  misericórdia no convite Nai nian ba moris. Dignidade vida hatur ema iha posição hanesan Maromak oan. Graça no misericórdia, Maromak haraik ba ema hot-hotu ho domin nebe klean tebes. Nai nafatin bolu ema hotu-hotu  hodi ba participa iha Santidade Maromak nian. Importante mak oinsa loke ita nia fuan no laran, fo fatin ba Maromak  hodi horik ba.  Ita nia moris nee iha folin, wainhira ita hatene lao hamutuk ho Maromak iha moris tomak no ita nia moris bele iha mudança wainhira ita hatene “simu, hahi no hanai” Ida nebe fo iis no moris mai mai ita. “Fo iis no moris ida ne’e, Mak Nai Maromak Aman domin nain, nebe revela Nia-an tomak iha Nia Oan Mane Jesus Cristo nebe tama iha ita nia história moris nian”. Hanesan baptizado Católico no seguidores Cristo nian,, buka atu fo nafatin fatin ba Maromak hodi horik, li-liu horik iha ita nia fuan ida nebe kmook, husi nee mak hanorin mos ita hodi sai Apóstolo ba maluk sira seluk, hodi continua habelar nafatin Nai nia liafuan ba ita nia maluk sira. Nunee ikus mai, ita bele passa ho diak “Uma experiência de ir além de si mesmo para colocar a sua esperança e confiança no mistério transcedente que chamamos Deus”.

Agora dadaun ita sei lao hela iha ambiente Quaresma nian. Quaresma mak tempo oportuno ba ita hodi halo reflexão ba nia moris. Liu tan nee, converte-an, hakribit ita salan sira,,hodi loke nafatin ita nia fuan no laran no simu nafatin Nai iha ita nia moris tomak hanesan fonte ba ita nia moris ida nee. Passagem evangélica ba loron ohin nian, apresenta mai ita ema Sinagoga sira la simu Jesus no duni sai Jesus husi Sinagoga. Identidade hanesan sarani ida nebe los mak buka orienta nafatin ita nia moris ida nee ba Maromak hodi rona no halo tuir Maromak nia ukun-fuan no vontade sira hodi hahi no hanai nafatin iha moris tomak, ita bele hahi no hanai wainhira ita sei moris iha mundo, wainhira ita mate ona, tempo ba ita la iha ona atu fila hikas hodi hahi no hanai Nai. Tamba nee, hakman-an ba no loke fuan no laran hodi rona no moris tuir nafatin Nai nia ukun sira iha ita nia moris tomak……….! adeus.

Franet

Dili, 09-03-2015