.:Radio Timor Kmanek Lian Nain Feto
.:: 2017 Tinan Sagrada Escritura : Moris Ba Biblia, Iha Biblia, Ho Biblia, No Husi Biblia ::.


Programa Detalho

BUAT NEBE MAROMAK LIBUR HAMUTUK, EMA IDA LABELE HAKETAK

Image 03

       Cada ema sempre iha fraqueza humana, no fraqueza hirak nee mak dala barak halo ita sente la folin buat ida, maibe Maromak fo folin mai ita halo ita moris iha mundo ne’e. Nune’e mak quando ita contempla buat hirak ne’e ita fo valor ba ita nia fiar, ita nia moris biar la halo tan buat ida, pelo menos ita buka atu cumpre netik ita nia obrigação hanesan adora Nai Maromak, hahí Maromak nia Glória, haklaken Maromak nia naran, tamba Maromak mak halo moris iha mundo ne’e, Dom Basílio do Nascimento actual Bispo Baucau no Administrador Apostólico Diocese Dili nian, hateten liafuan hirak nee iha nia homilia bainhira celebra missa santa iha Igreja Balide hodi simu Cruz Jovem ho Ilas Nain Feto. buat nebe maromak libur hamutuk, ema ida labele haketak (MC 10,9)

        Lor-loron, liuhusi média ou meios comunicação sira nebe ita acompanha, ita sempre haré no lé hetan notícia balun nebe diretamente toca konaba tragédia iha cada família; hanesan oan feto balun lakon tanba ema naok hafoin oho, laen baku nia fen, oan feto balun hetan abuso sexual, divórcio, kama rua eh separação, no crise sira seluk. Dalabarak equipa redação coloca notícia hirak nee la’os nudar notícia complementar maibé sai fali headline eh notícia principal. Além de fenómeno hirak nebe ita temi iha leten, iha sorin seluk, ita mos bele hare ho matan rasik katak, família lubuk ida mak hala’o sira nia moris iha situação harmonia nia laran, rona malu, bainhira halo plano ruma sira sempre bolu malu hafoin tur, hanoin, tetu no hakotu decisão hamutuk; bainhira mosu problema ruma, sira sempre buka atu perdua malu, masque sira hatene katak nee todan. Balun celebra bodas de prata eh tinan 25 ou tinan osan mean ba sira nia casamento; casais balun nebe masque otas ona maibé ba nebe deit sira sempre la’o hamutuk. Husi sira nia oin, hakerek hela luta ida nebe naruk, halo ita hotu sente admirado teb-tebes ba sira nia fidelidade, pasciência, esperança nebe sira tane ho domin nebe nunca mohu, nudar base ba sira nia moris. Sira nia moris no presença sai nudar graça no exemplo kmanek ba oan no beioan sira. Sira firme no fiél iha sira nia promessa matrimonial, tanba sira hatene katak promessa matrimónio nee iha folin boot, digno no santo nebe Uma Kreda continua hala’o tuir Nai Jesus nia liafuan nudar Evangelho 27 nebe dehan “Buat nebe Maromak libur hamutuk, ema ida labele haketak”.

    Primeira leitura nebe hasai husi Livro Santo, Génesis nian haktuir mai ita konaba criação; iha nebe Maromak cria buat hotu husi laiha sai iha ho Nia liafuan rasik, inclui ita ema nia existência, hafoin haraik ba ema knaar ida atu fo naran. Passagem completa dehan: hodi rai, halo tiha balada hothotu iha ai-laran, no manu hothotu be semo iha leten, Nai Maromak lori sira ba mane nia oin, atu nia hanaran sira ida-idak. Fó naran ou hanaran tuir hanoin Bíblico equivale ou contém sentido nebe hanesan ho ukun. Maibé ksolok mane nian ladauk completa tan nia laiha belun ida hanesan ho nia. Nunee, hodi knosen, nebe hasai husi mane nia knotak, Nai Maromak halo maluk ida, no fó ba mane, nebe nia fo naran feto, tanba nia mai husi mane. Tanba nee mak mane sei husik aman inan, atu bele hourik hamutuk ho nia fen. Sira nain rua sei sai ema isin ida deit. Evangelho domingo ba dala 27 nian nebe hasai husi Evangelho S. Marcos capítulo10, vers. 1 to’o 12 paralelo ho Evangelho S. Mateus capítulo 18, vers. 1 to’o 12. Iha nebe convida ita atu tau ita nia atenção ba questão divórcio ou perceraian.

     Husi nee automaticamente ita mos hetan oportunidade atu hanoin mos konaba valor fidelidade iha moris kaben-nain sira nian. Pormenor sira nebe ita preciso haré mak hanesan tuir mai: pormenor primeiro) Pergunta. Pergunta nee mai husi fariseu balun. To’o tiha Jesus, husu nunee mane ruma bele soe nia fen? (cfr. Mc 10,2). Sira husu nunee, atu koko deit Jesus. Nee hakarak fo-hanoin mai ita katak tuir lolos pergunta ida nee la’os problema boot ba ema Judeu sira, sátan fariseu sira nebe hatene lalaok ukun fuan Moisés nian, tanba sira hatene Moises nia ukun-fuan nebe fo-licença atu mane ruma bele soe nia fen.

   Tan nee mak Jesus mos husu ba sira Moisés haruka imi atu halo oinsá? Sira hatan Moises haruka fo surat soe malu, atu haketak malu. Resposta nebe fariseu sira fo-sai nee refere ba lei iha nebe historiador Josefo, moris iha época Depois de Cristo, hanaran “a lei dos judeus, lei judeu sira nian”; Base husi lei nee mak iha livro Deuteronômio 24,1-4 nebe hateten katak:“Apabila seseorang mengambil seorang perempuan dan menjadi suaminya, dan jika kemudian ia tidak menyukai lagi perempuan itu, sebab didapatinya yang tidak senonoh padanya, lalu ia menulis surat cerai dan menyerahkannya ke tangan perempuan itu, sesudah itu menyuruh dia pergi dari rumahnya”. Katak mane ruma bele soe nia fen kaben hodi hakerek carta legal soe malu nian hafoin fo ba nia fen kaben quando nia fen kaben halo sala liliu moris hamutuk ho ema seluk, eh sala adultério. Ita hakat ba pormenor segundo); Jesus nia resposta. Jesus nia reposta lolos, tan imi nia laran to’os mak Moises fo ukun fuan ida nee. Ho liafuan seluk, hahú kedas Moisés hasai surat soe malu nian, ba sira – ida nee mak lei absoluta; sira considera nudar ukun fuan nebe los ona no diak liu, maibé agora, Nai Jesus nia resposta hakarak halos liutan ukun fuan nee. Tanba Maromak nia hakarak houri uluk kedas la’os hanesan ho Judeu sira nia laran to’os, ikus mai Moisés hasa’e ukun fuan nebe permite atu mane ida bele soe nia fen. Maibé lolos, ida nebe soin iha Maromak nia vontade mak buat nebe Maromak libur hamutuk, ema ida labele haketak. Buat nebe Maromak libur hamutuk, ema ida labele haketak. Nai Jesus nia resposta nee hatur mai ita pontos balun nebe ita preciso tau iha consideração: ida) Nai Jesus nia resposta nee bazeia iha livro Génesis capítulo 2, hakarak atu confirma matrimónio nia definição no haklaken sai atu ema labele fahe unidade entre mane ida ho feto ida nebe kesi hamutuk ona. Ita hatene katak fariseu sira nebe hasa’e lia nee, hakarak atu koko deit Jesus. Hodi ikus mai bele hetan Jesus nia salan, hafoin fo possibilidade ba sira atu condena Jesus tanba desobediência ba lei Moisés nian. Tan sira hakarak Jesus sobu lei Moises nian. Maibé Jesus firme ou la nakdoko ho sira nia intenção no tentação. Ba nee mak Evangelho S. Mateus sasin teni katak Jesus mai la’os atu halakon lei, maibé Nia mai atu cumpre lolos lei (cfr. Mt 5,17). Jesus nia resposta lori ita nia hanoin atu fila fali ba jardim Éden, la’os ba foho Sinai. Ponto rua ba Jesus nia resposta mak nee, Nai Maromak mak autor ba matrimónio, katak Maromak rasik mak harí Matrimónio. No Matrimónio nebe Maromak harí nee santo no iha carácter monogâmico katak mane ida ho feto ida – tanba Maromak la cria ou halo feto rua hodi fo ba Adão. La’os nain tolu, maibé sira nain rua, sei sai ema isin ida deit.

   Kaer passagem ida nee, Uma Kreda fo-sai katak propriedade husi casamento mak unidade no indissolubilidade, nudar hakerek iha Direito Canônico número 1056 nebe dehan As propriedades essenciais do matrimônio são a unidade e a indissolubilidade que, no matrimônio cristão, recebem firmeza especial em virtude do sacramento. Unidade katak domin ida nebe metin no excusivo entre fen-laen to’o mate. Indissolubilidade katak feto ida ho mane ruma liuhusi sacramento kaben moris hamutuk sira labele ona haketak malu to’o mate, hanesan Nai Jesus dehan buat nebe Maromak kesi hamutuk, ema labele haketak. Igreja Católica nebe desempenha ordem nebe Jesus haraik, atu defende nafatin a unidade de um só homem e uma só mulher, ou unidade entre mane ida ho feto ida no defende monogamia, rejeita totalmente poligamia. Hafoin Uma Kreda mos hamatan amor fiel casais sira nian; ba ida nee, Concílio Vaticano II iha Constituição Gaudium et Spes afirma hodi dehan: “Domin ida nebe los, mak domin ida nebe metin nafatin iha promessa sacramento matrimónio nian nebe simu ona, hodi fidelidade nafatin ba amor fiel no exclusivo nebe defende amor conjugal no indissoluvelmente (cf. GS 49)”. Declaração nee hakarak fo-hanoin mai ita katak Concílio defende prática monogamia, união entre mane ida ho feto ida.

     Monogamia nebe Igreja kaer metin atu hatudu deit ‘mistério boot vínculo entre Cristo ho nia Igreja’ (cfr. Ef 5, 2a. Cont. vers. 21 to’o 33). Lição sira nebe ita hakatak foti nudar proveito espiritual bazeia ba leitura sira domingo semana nee nian mak hanesan tuir: Ida, mane ruma bele soe nia fen? Feriseu sira nia pergunta nee mos bele acontece iha família timoroan bal-balun. Maibé além de pergunta mane ruma bele soe nia fen? Iha possibilidade hodi hamosu tan sanak ida nebe dehan feto ruma bele soe nia laen? Perante pergunta hirak nee, Jesus responde mai ita tan imi nia laran to’os mak Moises fo ukun fuan ida nee. Katak Maromak nia hakarak houri uluk kedas la’os hanesan ho Judeu sira nia laran to’os, ikus mai Moisés hasa’e ukun fuan nebe permite atu mane ida bele soe nia fen. Tanba, lolos, ida nebe soin iha Maromak nia vontade mak buat nebe Maromak libur hamutuk, ema ida labele haketak. Maibé saida mak acontece ba kaben-nain timoroan sira? Toman ida timoroan sira nian hateten:“wainhira mane ou laen sira rona buat ruma, liliu rona Maromak nia ukun fuan, tama husi tilun sorin los no sai fali husi tilun sorin karuk; enquanto feto sira nebe rona Maromak nia ukun fuan – tama husi sira nia tilun rua no sai fali husi sira nia ibun’. Consequência concreta ita bele observa mak nee mane kaben-nain balun quando tur hamutuk, sira sempre koalia konaba serviço, osan no família nia susar. Além de nee, sira mos conta konaba divertimento favorito nebe sira gosta hanesan joga carta, bola guling, beliar, futu-manu, no sel-seluk tan. Iha sorin seluk, bainhira feto sira tur hamutuk, sira sempre koalia konaba buat oioin deit, hanesan hatais, hahan, uma, careta, motor, maibé dala ruma mos sira koalia konaba ema seluk, konaba buat nebe ladun diak, nebe ema costume dehan conta no mete ho ema seluk nia vida. Experiência hirak nee mak bele apoio parte mane kaben-nain no feto kaben-nain, to’o momento ida quando mosu lia la tuir malu, sira hakarak husu haketak an ou separação, balun divórcio eh soe malu. Hatan ba problema hirak nee mak ita hare hetan iha lição daruak nebe ita hotu liliu kaben-nain sira preciso tau iha consideração ba Nai Jesus nia liafuan Buat nebe Maromak libur hamutuk, ema labele haketak. Uma Kreda defende unidade feto ida ho mane ida (monogamia), evita poligamia de modo especial rejeita feto nebe iha mane liu ida ou poliandria katak união em que uma só mulher é ligada a dois ou mais maridos ao mesmo tempo, união nebe feto ida halo ho mane rua ou mane barak nudar nia laen. Rejeita mos Poliginia nebe significa o homem possui duas ou mais esposas. Mane ida nebe iha feto rua ou barak. Neduni, poligamia liuhusi ramo rua poliandria no poliginia sai nudar acto sira nebe contra no harahun matrimónio cristão, tanba mane ida iha feto kaben liu ida ou feto ida nebe iha mane kaben liu ida.

   Lição datoluk Nai Jesus dehan buat nebe Maromak kesi hamutuk, ema labele haketak. Nee mak base ba propriedade Sacramento Matrimónio nian: unidade no indissolubilidade. Katak mane ida ho feto ida liuhusi Sacramento Kaben hakotu lia atu moris hamutuk nudar fen-laen to’o mate. Dalan oinsá mak família kaben-nain sira bele moris hamutuk nudar fen-laen to’o mate? S. Paulo nia surat ba sarani sira iha Efeso responde mai ita dehan Imi buka moris tuir dalan domin nian. Hanesan Cristo nebe hadomi ita to’o fo Nia An to mate tan ita. Imi buka haraik an ba malu, hodi hamtauk Cristo. Fen sira buka rona, sira nia laen, nudar rona tuir Nai, basá laen mak fen nia Chefe, hanesan Cristo mak Igreja nia chefe, Igreja Cristo nia isin lolon, Cristo mak Igreja nia Maksoi. Nudar Igreja haraik an ba Cristo. Nunee mos fen sira buka halo tuir ba sira nia laen iha buat hothotu. Laen sira buka hadomi imi nia fen hanesan Cristo hadomi Igreja. Laen sira sei hadomi sira nia fen hanesan sira an rasik. Ita bele habadak Paulo Apóstolo nia hanorin nee iha Papa Francisco nia conselho iha liafuan importante tolu: ida) Halo favor ou licença; por exemplo laen ida nebe haruka nia fen atu halo be manas ruma atu hemu, uluk knanain laen sei dehan: halo favor ou favor ida – halo café copu ida mai hau lai! La’os, hau atu hemu café, halo lalais fo hau! Rua: Obrigado; por exemplo: fen nebe prepara tiha matabixo, almoço ou jantar, laen precisa dehan: obrigado barak ba buat hotu; no tolu mak Desculpa. Halo sala ruma karik, sei husu desculpa ba malu. Ita difícil perdua maluk sira; maibé difícil la significa impossível, ita aprende took husi S. Francisco de Assis nebe sai kiak iha iha rikusoin, maibé rico iha laran sadia no laran kmaus ba ema kiak no mukit sira inclui ba animal no ai-horis tomak. Tan hothotu mesak criatura Maromak nian. Ita nia Nação no ita nia Igreja Timor Leste sei hetan nafatin privilégio ida iha mundo nudar país mais Católico iha Ásia, quanto mais, ita Timor oan sai cidadão 100% hodi cumpri lei sira sira nebe consagra ona ita nia Constituição RDTL no sai mos Cristão Católico 100% hodi cumpre mos ita nia obrigação nudar sarani hodi lao tuir disciplina Uma Kreda Católica horseik, ohin no ba nafatin. Semoga... Maloa – Dili, 02/10/2015/ftby





Komentario :


Prense Komentario :
Naran :
Website :
Komentario
 
 (Hatama kode 6 iha leten)

 

Notisia Seluk

CONSELHO IMPRENSA INFORMA SERVIÇO BA PRESIDENTE DA REPÚBLICA

RTKNews,(edição Sexta-Feira 16/03/2018); Dili-Presidente Conselho Imprensa/ Virgilio da Silva ...

EX-PRIMEIRO MINISTRO LANÇA PLANO AÇÃO NACIONAL RESOLUÇÃO CONSELHO SEGURANÇA ONU 1325

RTK News, edição Sexta Feira 21-10-2016 :  Primeiro Ministro Rui Maria de Araújo Quinta feira nee ...

CHAMADA HODI CESSAR-FOGO IHA FUNU IÊMEN NIAN, WAINHIRA LIUTIHA BOMBARDEIO

RTKNews,(edição Terça  Feira 18/10/2016);Dili-SBS World News Radio: ...

ATAQUE CONTRA ACAMPAMENTOS ISIS NIAN, LAOS HO VINGANÇA

RTKNews,(edição Terça  Feira 18/10/2016);Dili-Rádio ...

Programa Seluk

RONA NO HALO TUIR

HAU NIA INAN NO MAUN ALIN SIRA MAK; SIRA NEBE RONA NO HALO TUIR MAROMAK NIA LIAFUAN  (Husi ...

“JESUS MAK PAO MORIS”.

Belun Católica doben sira hotu, ohin ita tama ba domingo sanulu resin-sia tempo  ...

“EMA NEBE HAN AI-HAN NEE, NIA SEI MORIS BA NAFATIN”

LEITURA NO REFLEXÃO BA DOMINGO XIX TEMPO COMUM Primeira Leitura Lia hosi Livru Liurai sira ...

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, NIA

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, ...

IMI BUKA HAU, ...TAN IMI HAN PÃO TOO BOSU DIDIAK

LEITURA BA DOMINGO XVIII TEMPO (COMUM) BAIBAIN. Primeira Leitura: Lia housi Livro Êxodo (Ex ...

Hit Counter

Visita Ohin Loron : 505
Total Visitor : 1496423
Hits Ohin Loron : 3507
Total Hits : 10648268
Online Hela : 2