.:Radio Timor Kmanek Lian Nain Feto
.:: 2017 Tinan Sagrada Escritura : Moris Ba Biblia, Iha Biblia, Ho Biblia, No Husi Biblia ::.


Programa Detalho

LA’OS SIRA NEBE ISIN DIAK MAK BUKA DOUTOR, MAIBÉ, SIRA NEBE MORAS

Image 03

 

LA’OS SIRA NEBE ISIN DIAK MAK BUKA DOUTOR, MAIBÉ, SIRA NEBE MORAS

( Husi FRANET)

(Mt 9:9-13)

Leitor RTK doben sira,........! ita hotu hatene kona ba hospital no clínica sira. Hospital no clínaca sira nudar fatin/lugar nebe bele tulun/fornece condição atu ema moras bele hetan tratamento digno. Nunee, bele recupera hikas saúde. Maibé, dala barak mos mak ita iha hábitu ida lakohi ou recusa ba halo tratamento, tamba ita considera katak; ita saudável hela.

Maibé, uma vez que ita nia moras descobre, grave/demasiado, tarde ona ba ita atu halo tratamento. Iha ita nia moris, dala ruma ou dala wain, ita recusa atu tuir/buka no hakbesik ba Jesus, tamba ita rasik hola ona posição autodefesa hodi dehan katak; ita nem comete menor pecado iha moris. Fariseu no Escriba sira, considera sira nia-an, hanesan ema los liu, la iha pecado no nem menor pecado. Nunee, sira fo conceito ba pecador sira significa; pecador sira difícil atu transforma moris, difícil atu nakfilak fuan no pecador sira nia moris aat liu fali fariseu no escriba sira. Fariseu sira considera ema salan nain/pecador sira, difícil atu converte-an.

Leitor website RTK doben sira mak Cristo hadomi….dia 21 de Setembro Santa Igreja, celebra festa São Mateus, Apostólo no Evangelista. Evangelho ba loron nee, apresenta momos oinsa, descontentamento Fariseu no Escriba sira nian, tamba Jesus han hamutuk ho ema salan nain ida; liliu Mateus nebe conhecido ho cobrador do imposto iha altura neba. Claro que, ita hotu hatene katak; serviço Mateus nian nee, hetan stigma Negativa iha Fariseu no escriba sira nia consideração. Tuir lógica ema fariseu no escriba sira nian. Imperador Romano ho nia emar sera nee mesak gentio deit. Ema gentio sira considerado sala nain tanba sira la fiar Maromak. Nunee, ema Judeu nebe serviço ba imperador Romano nudar cobrador imposto, nia mos sala nain.

 Jesus quebra iha costume aat nee tamba Jesus ba han hamutuk fali hamutuk ho Mateus inclui Mateus nia maluk cobrador imposto sira seluk. Fariseu sira crítica no la simu situação nee. Sira julga no condena Mateus ho cobrador sira hanesan ema salan nain, inclui mos crítica Jesus nudar mestre nebe contra tradição judaica. Fariseu ho Escriba sira considera sira nia-an hanesan ser nebe verdadeiro liu, emanebe cumpri tebtebes lei Moises nian.

 

Maluk leitor sira.........! Jesus iha ninia missão evangélica, nafatin hanoirin ita atu hatudu ita nia laran luak ba ita nia maluk sira, ba funu maluk sira, sala nain sira no sira nebe ódio ita. La bele julga ema seluk wainhira ita nia-an seidauk beres. Ita bele haree momos ida nee, iha Evangelho São Lucas nian, nebe Cristo rasik dehan: “Keta hanoin aat ema, no ema sei la hanoin aat imi, keta dun matak ema, no ema sei la duun matak imi, fo perdua ba, no imi sei hetan perdua (cf. Lc 6:37).

Maluk leitor doben sira mak Cristo hadomi......! Jesus hatene hanoin aat fariseu no escriba sira nian, basá, sira considera Mateus hanesan ema salan nain no Jesus la marece atu han hamutuk ho ema salan nain nee. Nunee, Jesus lia tun ba sira, hodi dehan: “Ha’u mai laós atu bolu ema los sira, maibé,bolu ema maksalak sira. Papa Francisco, reflecte klean ba mensagem evangélica nee, convida povo Maromak nian no mos ita hotu nebe tuir Jesus atu fahe misericórdia Maromak nian ba ita nia maluk sira. Fahe liu husi ita nia moris lor-loron, iha ita nia liafaun no hahalok sira..hatene hadomi, hatene perdua, hatene simu no hatene mos agradece. Tamba nee mak iha exortação apostólica Evangelii Gaudium; Sua Santidade Papa Francisco, dehan momos katak; “Jesus hakarak ita tama iha ema tomak nia  miséria (cf. EG 268). Significa, Jesus hakarak atu atu ita hakbesik ba maluk salan nain sira, la’os ho aitude ida nebe gosta condena/crítica maibé, hakbesik ho mansidao no respeito.

Maluk leitor sira.....! Salvação nee acontece wainhira ita hatan liafaun “Sim” hodi tuir Jesus iha moris tomak, nakfila ita nia fuan no laran hodi moris tuir Maromak nia ukun. Mateus, nia knaar hanesan cobradores de imposto maibé, tuir Jeus tamba nia hatene katak; Jesus mak dalan único nebe bele muda nia moris. Mateus hatudu ona exemplo furak ba ita fiar nain. Ita ema salan nain, Maromak la sura ita nia salan. Maromak fo folin ba ita nia conversão. Tamba nee, ita buka atu la bele crítia ou condena ita nia maluk sira, hanesan fariseu no escriba sira. Crítica nebe constructiva diak maibé crítica nebe la folin ba ita nia moris, ita nia moris nee la hetan mundança. Wainhira ita hetene reflecte ba moris nee rasik, ita rasik bele muda hahalok sira nebe la tulun, hahalok nebe la fahe domin Maromak nian, hahalok sira nebe la bele muda hanoin, la bele muda buat barak iha moris......Nai Maromak nia futar lia fuan hanesan roman ida hodi sukit ita neon no haroman ita nia moris ba dalan nudar sarani nebe fiel no respeita ema seluk. Jesus mai iha mundo hodi halibur ita sala nain sira, sira nebe isin diak ona ou moris tuir ona Maromak nia ukun fuan sira hetan ona roman ida nee. Tanba nee mak Jesus dehan:” la’os sira nebe isin diak mak buka doutor, maibé, sira nebe moras”*** Assim Seja. (Franet).

 

 

 





Komentario :


Prense Komentario :
Naran :
Website :
Komentario
 
 (Hatama kode 6 iha leten)

 

Notisia Seluk

CONSELHO IMPRENSA INFORMA SERVIÇO BA PRESIDENTE DA REPÚBLICA

RTKNews,(edição Sexta-Feira 16/03/2018); Dili-Presidente Conselho Imprensa/ Virgilio da Silva ...

EX-PRIMEIRO MINISTRO LANÇA PLANO AÇÃO NACIONAL RESOLUÇÃO CONSELHO SEGURANÇA ONU 1325

RTK News, edição Sexta Feira 21-10-2016 :  Primeiro Ministro Rui Maria de Araújo Quinta feira nee ...

CHAMADA HODI CESSAR-FOGO IHA FUNU IÊMEN NIAN, WAINHIRA LIUTIHA BOMBARDEIO

RTKNews,(edição Terça  Feira 18/10/2016);Dili-SBS World News Radio: ...

ATAQUE CONTRA ACAMPAMENTOS ISIS NIAN, LAOS HO VINGANÇA

RTKNews,(edição Terça  Feira 18/10/2016);Dili-Rádio ...

Programa Seluk

RONA NO HALO TUIR

HAU NIA INAN NO MAUN ALIN SIRA MAK; SIRA NEBE RONA NO HALO TUIR MAROMAK NIA LIAFUAN  (Husi ...

“JESUS MAK PAO MORIS”.

Belun Católica doben sira hotu, ohin ita tama ba domingo sanulu resin-sia tempo  ...

“EMA NEBE HAN AI-HAN NEE, NIA SEI MORIS BA NAFATIN”

LEITURA NO REFLEXÃO BA DOMINGO XIX TEMPO COMUM Primeira Leitura Lia hosi Livru Liurai sira ...

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, NIA

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, ...

IMI BUKA HAU, ...TAN IMI HAN PÃO TOO BOSU DIDIAK

LEITURA BA DOMINGO XVIII TEMPO (COMUM) BAIBAIN. Primeira Leitura: Lia housi Livro Êxodo (Ex ...

Hit Counter

Visita Ohin Loron : 41
Total Visitor : 1406513
Hits Ohin Loron : 103
Total Hits : 10149853
Online Hela : 16