.:Radio Timor Kmanek Lian Nain Feto
.:: 2017 Tinan Sagrada Escritura : Moris Ba Biblia, Iha Biblia, Ho Biblia, No Husi Biblia ::.


Programa Detalho

RONA NO HALO TUIR

Image 03

HAU NIA INAN NO MAUN ALIN SIRA MAK; SIRA NEBE RONA NO HALO TUIR MAROMAK NIA LIAFUAN

 (Husi Fatubay Costa)

 Maluk leitor doben sira mak Cristo hadomi. Espera ami hasoru fali ho ita boot sira iha condição diak no saudável nafatin hamutuk ho ida-idak nia família no maun alin sira liu husi webiste RTK ida nee. Ita reflecte hamutuk Nai Maromak nia futar lia fuan iha ita nia programa diário LIA KSOLOK BA MORIS edição ohin, loron Terça-Feira Domingo ba dala XXV tempo Comum Ano B nian.

Ita nia Tema reflexão ba biban ida nee mak; RONA NO HALO TUIR. Base husi tema nee foti husi Passagem Evangelho Lucas nian cap 8, vers. 19 too 21.

 

Nudar sarani de modo específico hanesan aluno, ami sei hanoin nafatinMaktoban Pe. DR. Domingos Sequeira nia lia-menon badak bainhira fo tiha explicação kona ba disciplina eh matéria husi nia especialidade, nia sempre husu imi rona ka lae? Ami hatan, ami rona Amu. Maibé, nia liatun tenik La’os rona deit. Tan rona deit la to’o; rona no halo tuir. Lia-menon maktoban nailulik nee lori ita atu ba haklean liu tan ita nia partilha kona ba Liturgia Maromak nia Futar Liafuan loron ohin, iha neba Jesus rasik hateten: Hau nia inan no maun alin sira mak hirak nebe rona Maromak nia liafuan no halo tuir iha nia moris.

  

Nudar ita aprende no hatene; verbo katak ação. Jesus nia liafuan nee oferece mai ita verbo importante rua. Verbo escutar eh rona no ida seluk halo tuir ou cumprir ka pôr em prática. Ponto elaborado primeiro; rona. Rona faz parte iha ema nia moris. loron ba loron ema rona liu husi tilun rua nebe Maromak haraik, rona no continua rona buat barak; excepto/kecuali knananuk artista Timoroan ida nebe dehan mate ona rai taka tilun labele rona ina lou. Ohin Jesus convida ita atu rona Nia; ita husu tan sa ita preciso rona Jesus? Evangelho sasin no responde iha momento hafoin Jesus simu tiha Baptismo iha mota Jordão, hanesan mos quando Jesus nakfilak-An iha foho Tabor nia tutun, Aman Maromak liu husi símbolo manu pombo no kalohan haksek ita tilun dehan Nee Hau nia Oan Doben, imi rona Nia ba!(cfr. Mc 9,7; Mt 17,15 no Lc 9,35). Nee duni, rona Jesus nia Futar liafuan mak sai sasukat ba ita nia fiar, explica Pe. Martinho Gusmão iha nia Agenda 2015, Fiar Ida, Neon Ida.

 

Ponto elaborado segundo nian mak cumprir ou halo tuir. Hafoin ita rona Jesus nia futar liafuan. Tuir mai ita sei halo saida? São Tiago nia carta fo naroman dehan:“Hendaklah kamu menjadi pelaku firman dan bukan hanya pendengar saja; sebab jika tidak demikian kamu menipu diri sendiri” (Tg 1,22). Katak ita nia fiar buras no sai matak malirin tanba ação rona. Maibé, ita nia fiar sei hetan nia fuan tebar iha ação moris tuir. Ponto segundo nee mak baibain ita hanaran comprimisso; significa ita obedece no halo Maromak nia Liafuan nee, sai ita nia liafuan rasik. Menjadi pendengar dan pelaku firman Allah – Ser ouvinte e ao mesmo tempo ser executador ou Homem da Palavra de Deus, hanesan Virgem Maria. Nia sai Maromak nia Inan uluk knanain tanba Nia rona no halo tuir Maromak nia Liafuan (cfr.Lc1,38). Nee duni, Jesus nia resposta; Hau nia inan no maun alin sira mak sira nebe rona no halo tuir Maromak nia liafuan – hakarak hanorin mai ita katak Jesus la despreza nia inan no maun alin sira, maibé atu fo louvor liu tan ba Virgem Maria nebe ita precisa respeita laos deit tanba Nia kous no hahoris Jesus, maibé tanba uluk liu Nia obedece ba Maromak nia vontade.

 

Doben Leitor website RTK sira mak Cristo hadomi! Ação rona no halo tuir Maromak nia liafuan mak sai nudar ita nia obrigação. Ação rua nee importante, no la bele haketak. Tanba ita iha problema atu rona karik, automaticamente sei dificulta ita nia ação halo tuir. Sebaliknya, ita rona diak karik, ita mos sei cumpri ho diak liu tan ita nia obrigação nudar sarani. Ikus mai, dengan sendirinya(automaticamente) ita sei hola parte iha família Maromak nian. Hatene ba katak! Tuhan selalu ada bagi kita setiap waktu...Maromak sempre iha tempo ba ita, mas que ita la iha tempo ba Nia. Pergunta ba ita nia reflexão, dala hira ona mak ita fo leet oitoan hodi hamutuk atu rona Maromak nia Futar lia iha minuto ida ou rua nia laran hafoin tau iha vida prática?

 

Leitor doben sira................!Ita nia hasoru malu iha programa LKBM edição loron ohin to’o ba ne’e deit.

 

Ita boot sira bele telephone directamente ou bele haruka mensagem mai deit número Radio Timor Kmanek nian +670 78234594, se iha sugestão ka crítica ruma ba progresso no benefício programa reflexão ida nee, bele halo comentário/feedback mai deit website www.rtk.tl ou inbox mai Facebook rtk.lian nain feto. Lalehan hahi, rai sei tane.

 





Komentario :


Prense Komentario :
Naran :
Website :
Komentario
 
 (Hatama kode 6 iha leten)

 

Notisia Seluk

CHAMADA HODI CESSAR-FOGO IHA FUNU IÊMEN NIAN, WAINHIRA LIUTIHA BOMBARDEIO

RTKNews,(edição Terça  Feira 18/10/2016);Dili-SBS World News Radio: ...

ATAQUE CONTRA ACAMPAMENTOS ISIS NIAN, LAOS HO VINGANÇA

RTKNews,(edição Terça  Feira 18/10/2016);Dili-Rádio ...

PRESIDENTE FUNDAÇÃO GRAÇA DEUS RECONHESE RELATÓRIO PESQUIZA NEBE PÚBLICA IHA MÉDIA LALOS

RTKNews,(edição Terça-feira,18/10/2016);Dili– Relaciona ho resultado ...

TIMOR LESTE PERCISA IHA HELICOPTRE NO RO BOOT

RTKNews,(edição Terça  Feira 18/10/2016);Dili-Tersa feira nee (18-10-16) ...

Programa Seluk

RONA NO HALO TUIR

HAU NIA INAN NO MAUN ALIN SIRA MAK; SIRA NEBE RONA NO HALO TUIR MAROMAK NIA LIAFUAN  (Husi ...

“JESUS MAK PAO MORIS”.

Belun Católica doben sira hotu, ohin ita tama ba domingo sanulu resin-sia tempo  ...

“EMA NEBE HAN AI-HAN NEE, NIA SEI MORIS BA NAFATIN”

LEITURA NO REFLEXÃO BA DOMINGO XIX TEMPO COMUM Primeira Leitura Lia hosi Livru Liurai sira ...

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, NIA

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, ...

IMI BUKA HAU, ...TAN IMI HAN PÃO TOO BOSU DIDIAK

LEITURA BA DOMINGO XVIII TEMPO (COMUM) BAIBAIN. Primeira Leitura: Lia housi Livro Êxodo (Ex ...

Hit Counter

Visita Ohin Loron : 2277
Total Visitor : 1177675
Hits Ohin Loron : 10190
Total Hits : 8872546
Online Hela : 19