.:Radio Timor Kmanek Lian Nain Feto
.:: 2017 Tinan Sagrada Escritura : Moris Ba Biblia, Iha Biblia, Ho Biblia, No Husi Biblia ::.


Programa Detalho

“JESUS MAK PAO MORIS”.

Image 03

Belun Católica doben sira hotu, ohin ita tama ba domingo sanulu resin-sia tempo  bai-bain nian. Iha leitura sira, liu-liu evangelho koalia mai ita kona ba “PÃO MORIS KA PÃO DA VIDA”, nebe lori ita hodi reflete kona ba Pão ida nebe fo moris mai ita nia isin no klamar hodi garante ba moris rohan laek.Será que ita hotu iha consciência kona ba Pao ida nee/ ita buka deit pao sira nebé habosu kabun ba loron baluk ninia laran deit.

 Maluk Católica sira hotu,Pão moris nian nebé ita hakarak temi iha ita ninia reflexão nee, laós Pão bai-bain nebé ita sosa iha loja/mercado sira nebé bele habosu ita ninia kabun iha horas balun nia laran. Pão iha contexto ida nee, ita koalia kona ba Pão Moris nian. La seluk, la let no único Jesus Cristo mak Pão Moris.  Atu responde ba convite nebé Cristo rasi, dehan iha leten kona ba nia-An nudar Pão moris ida nee,  ita precisa iha preparação ida nebé bot no santo. Hanesan são Paulo dehan iha ninia carta ba sarani sira iha Corinto “Ema nebé han Pão ida nee no hemu kalis ida ne ho laran la los sei hatan ba nai nia isin no ran, ema ida-idak sei buka hatene nia an no tuir mai han Pão nee no hemu tua ne, basa ema nebé han no hemu hodi la hanoin isin nee, han no hemu todan ba nia an. (cf. 1cor 11:27-29)”. São Paulo ninia hanourin nee, hakarak fo atenção ba ita fiar nain sira atu tau iha concideração liu husi ita ninia fiar, katak; Pão nebé ita simu iha comunhão, laós Pão bai-bain. Maibé, Pão nebe ita simu iha comunhão, Pão integral, Cristo nia Isin no Ran nebe fo moris rohan laek mai ita. Igreja católica iha ninia doutrina hanourin mai ita fiar nain sira klean liu tan, hodi dehan “Pela consagração, opera-se a transubstanciação do pão e do vinho no corpo e no sangue de Cristo. Sob as species consagradas do pão e do vinho,o proprio Cristo, vivo e glorioso, está presente de modo verdadeiro, real e substancial, como o seu corpo e o seu sangue, com a sua alma e a sua divindade(cf.CIC1413)”.Roman doutrinal nee, hanesan resposta ida hodi reforça liafuan nebe São Paulo rasik, dehan:Pão nebé ita simu iha Sacramento Eucaristia, ninia substância laós Pão bai-bain. Maibé, nakfilak ona ba Cristo rasik ninia Isin nebé fo moris mai ita, ita ninia acto ka hahalok sira nebé ita halo mak determina ita ninia-an katak’ ita soi/lae ba ai han ka Pão moris ida ne. Ita presija iha preparação no iha condição ida nebé diak no equilíbrio iha fiar nebé bot no metin ba nai Maromak atu bele simu Pão moris ida ne nudar aihan espíritual nian ba ita ninia isin no klamar iha moris rohan laek nebé ita idak-idak sei ba hasoru nee. 

Comunhão sai tiha ona nudar ita nia força, nebe rforça ita iha dalan moris nian e ao mesmo hakbit ita iha tempo dificil sira, nebe ita hasoru iha moris nee. Maromak haruka ona mai ita Pão moris nebé revela iha divindade Cristo nian, nudar aihan moris nebé saran ninia moris ba ita ninia moris no Cristo sai Pão moris real mai ita. Será que ita rasik consciênte ida nee, hodi fiar??? Ka ita sente hanesan buat bain-bain ida no husi tempo hirak nee liu let deit iha ita ninia moris no ikus mai ita hela deit ho penyesalan ka baku rentos no ita hela deit ho salamKASET,  Kasian Engkau Terlambat. Liafuan ida kaset nee, keta hela ho ita buka hakas an atu hela deit ho liafuan BULAK Buka Lalais Cristo.Atu nune Pão moris nee lori ita ba moris rohan laek hamutuk ho moris nee nia Nain. Família Católica doben sira hotu, mak Cristo hadomi. Ciência no tecnologia mundo ohin loron nian, lori ita ba realidade seluk ida nebé halo ita rasik dúvida ho moris nee hodi husu, Maromak  iha ka lae???? Pergunta nee, laos foin acontece no nee mos laos ona estranho ka foun mai ita, basa iha passagem badak evangelista são João nian ba loron ohin kedas hahu ho dúvida ka pergunta nebé ema judeu sira halo hodi mur-mura Jesus dehan: Nia laos Jesus, José nia oan? Ita hatene nia aman no inan. Nusa mak nia bele dehan; Hau Pão moris tun husi lalehan? Maluk sarani doben sira hotu, realidade nebé iha leten oras nee mosu namanas hela iha ita ninia let, hod tau questão oin-oin ba fiar sarani nian até fila kotuk ba Maromak hodi hewai Nia no lao ses husi obrigação nudar sarani fiar nain. Ita ninia questão humano sira nee iha ninia razão ida nebé sukat ba sukat mai lori ita ses husi ita ninia obrigação, tamba deit ossan nia halolok halo ita husik tia ita ninia fiar hodi ba tuir testemunho falso sira atu  bele hetan ossan hirak nee hotu questao de prazer humano ka gosto mundo nian. Maibé, moris rohan laek ne ninia garante nee la iha testamunho falso hirak nee maibe iha Cristo be ita tau duvida ba nee, iha Cristo be ema tau Questão ba nee. 

Sarani doben sira, Pimeira Leitura ba domingo semana nee nian, haktuir mai ita oinsá Nai haruka ninia anjo atu fanu Eliás hodi han Pão no be nebé nia prepara ona, ita hare katak; Elias la iha ona esperiência ba ninia viagem tomak moris nian, sente fraco, la iha kbi’it, iha momento sira ne mak Maromak besik ba nia, fo coragem, esperança ba moris loron aban nian. São Paulo fali ninia carta ba sarani sira iha Êfeso nia, dehan: “reconciliação mak dalan único atu ba halibur an hamutuk ho Maromak, husik hahalok at sira, hirus, hotan, no rai odio, basa Cristo ida be saran Moris mai ita nee hakarak iha hotu libur hamutuk ho nia iha Maromak futar oin nabilan”.  Husi passagem rua iha leten, husik hela lia esperanca mai ita tuir liafuan nebe Cristo rasik dehan “Mai besik Ha’u, imi hotu nebe kolen no terus, Ha’u sei fo kman ba imi (cf. Mt 11:28)”. Lia konvida ida nee, atu lori ita ba compriende lolos Cristo ninia pessoa nudar Maromak Oan nebe mai mundo atu ori Moris no salvação, basá, Cristo mak Pão moris nebé fo moris hanesan Nia rasik dehan ona mai ita. 

Ita kona ba Nai Maromak la resolve ita ninia problema humano sira, maibé, aumenta tan ita ninia problema sira no halo ita mak stress ka la livre ho ita ninia decisão. Tamba Maromak la obriga ita atu la fiar iha Nia no la tau problema ba ita ninia fiar ne rasik, maibé, ita ninia problema mak nee ita livre ka lae ho ita ninia decisão sira nebé ita iha nee. Leitura dehan momos mai ita, kata; “Ema Nebé Fiar, Ema Ne Hetan Moris Rohan Laek”.Será que ita ninia questão sira ne lori ita ba moris rohan laek? Reflete ba no husu ba ita idak-idak nia an. Santo Tomas de Aquino, dehan  “O Modo De Agir Segue O Modo De Ser”. Santo Tomas atu dehan mai ita, katak; ita ninia hahalok ka maneira sira tuir ita ninia ser, basa ita ninia hahalok moris nian sira nee hotu mak manifesta ita ninia ser nudar ema criatura Maromak nian. Se nunee, ita husu tok ba ita ninia-an, perante hau ninia moris nee hau hatudu ona hau ninia ser nudar criatura Maromak nian nebé los, moris tuir ukun fuar sira, e seidauk hodi manifeta fali iha hau ninia an buat seluk ida nebé lori hau tau pergunta bot ba Maromak. 

Maluk sarani doben sira, salmista ohin loron ninia knananuk nebe dehan imi koko ba hodi hare Nai Nia diak oinsa, salmista nee husik hela ninia esperiência murak nebe nia passa tia hona hodi sente Nai Nia diak sira iha ninia moris, salmista ne husu atu ita hotu tau iha neon no banati iha fiar hahalok Kmanek sira hodi moris tuir Nai ninia ukun fuan sira nudar kmanek ida atu hodi kok Nai nia diak. Ne mak mensagem nebe salmista ne husik hela ba ita. Molok lori ita bot sira ba rohan husi reflexão nee, hau lori ita hotu ba conclusão badak nebe dehan Cristo mak Aihan Moris nebe tun duni husi lalehan mai husi Aman tamba nia misericórdia no domin rohan laek mai ita. Pão nebe Iha altar leten nailulik sira hasae nudar sacrifício, laós ona Pão bain-bain. Maibé, ita ninia fiar mak halo nakfilak tia ba “substancia” foun katak Cristo nia Isin ka Pão moris rohan laek, nebe presente real iha ita nia vida tomak nudar ema fiar nain. Fr. Vito Salvador.

 




Notisia Seluk :

    Komentario :


    Prense Komentario :
    Naran :
    Website :
    Komentario
     
     (Hatama kode 6 iha leten)

     

    Notisia Seluk

    CHAMADA HODI CESSAR-FOGO IHA FUNU IÊMEN NIAN, WAINHIRA LIUTIHA BOMBARDEIO

    RTKNews,(edição Terça  Feira 18/10/2016);Dili-SBS World News Radio: ...

    ATAQUE CONTRA ACAMPAMENTOS ISIS NIAN, LAOS HO VINGANÇA

    RTKNews,(edição Terça  Feira 18/10/2016);Dili-Rádio ...

    PRESIDENTE FUNDAÇÃO GRAÇA DEUS RECONHESE RELATÓRIO PESQUIZA NEBE PÚBLICA IHA MÉDIA LALOS

    RTKNews,(edição Terça-feira,18/10/2016);Dili– Relaciona ho resultado ...

    TIMOR LESTE PERCISA IHA HELICOPTRE NO RO BOOT

    RTKNews,(edição Terça  Feira 18/10/2016);Dili-Tersa feira nee (18-10-16) ...

    Programa Seluk

    RONA NO HALO TUIR

    HAU NIA INAN NO MAUN ALIN SIRA MAK; SIRA NEBE RONA NO HALO TUIR MAROMAK NIA LIAFUAN  (Husi ...

    “JESUS MAK PAO MORIS”.

    Belun Católica doben sira hotu, ohin ita tama ba domingo sanulu resin-sia tempo  ...

    “EMA NEBE HAN AI-HAN NEE, NIA SEI MORIS BA NAFATIN”

    LEITURA NO REFLEXÃO BA DOMINGO XIX TEMPO COMUM Primeira Leitura Lia hosi Livru Liurai sira ...

    HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, NIA

    HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, ...

    IMI BUKA HAU, ...TAN IMI HAN PÃO TOO BOSU DIDIAK

    LEITURA BA DOMINGO XVIII TEMPO (COMUM) BAIBAIN. Primeira Leitura: Lia housi Livro Êxodo (Ex ...

    Hit Counter

    Visita Ohin Loron : 2277
    Total Visitor : 1177675
    Hits Ohin Loron : 10178
    Total Hits : 8872534
    Online Hela : 21