.:Radio Timor Kmanek Lian Nain Feto
.:: 2017 Tinan Sagrada Escritura : Moris Ba Biblia, Iha Biblia, Ho Biblia, No Husi Biblia ::.


Programa Detalho

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, NIA

Image 03

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, NIA SEI LA HAMROK TAN(JO 6,20-24)

 

Olá Maluk ouvintes doben sira! Ita boot sira diak ka lae? Ami laran metin katak ita boot sira moris iha condição saudável nafatin hanesan ho ami nebé horas nee serviço dadaun iha edifício rtk nian. Reflexão Hafunan Fiar edição Domingo semana nee, texto hakerek husi Fatubay.

 

Evangelho

Nai Jesus Cristo nia Evangelho Nudar São João (Jo 6, 24-35) haktuir:

Iha tempo nebá, ema sira haree katak Jesus ho nia Escolante sira la iha ona tasi ibun. Tan nee, sira sa’e hotu ba ro, he’an too Cafarnaum atu buka Jesus. Hetan tiha Jesus iha tasi sorin balu ba, sira dehan ba Nia: “Mestre, Ita too iha nee houri bain hira?” Jesus lia tun ba sira: “Hau dehan tebes ba imi: imi buka Hau, laós tan imi haree milagre sira, maibé, tan imi han pão too bosu didiak. Imi sei kaer serviço, laós tan ba ai-han nebé mohu, maibé, tan ai-han nebé la mohu tinan ba tinan. Ai-han nee, Mane Maksoin mak sei haraik ba imi. Ba Mane Maksoin nee duni, mak Aman Maromak tau marca. Sira hasae  lia ba Nia, dehan: “Ami sei halo lós sá atu kaer Maromak nia serviço?” Jesus lia tun ba sira: “Maromak nia serviço mak ida nee: Imi fiar Ema nebé Nia haruka mai”. Sira hasae fali lia ba Nia: “Ita halo milagre sá, atu ami haree hodi fiar? Ita halo buat foun sá? Iha rai fuik-maran ami nia bei-ala sira han Maná, nudar Escritura hateten: Sira han pão ida tun housi lalehan”. Jesus lia tun ba sira: “Hau dehan tebes ba imi: laós Moises mak fo ba imi pão be tun housi lalehan. Maromak nia ai-han mak tun housi lalehan, atu fo moris ba mundo”. Sira dehan ba Nia: “Nai, haraik nafatin ai-han nee mai ami!” Jesus hatán ba sira: “Hau mak ai-han moris nian: Ema nebé hakbesik mai Hau, nia sei la hamlaha tan; ema nebé fiar Hau, nia sei la hamrook tan”. Lia Maksoin.*** (Chandra)

 

 

Ita nia ukun nain balun comenta dehan uluk ita nia bei-ala sira mate tanba hahan la iha; iha ita nia tempo ohin loron hahan resin no hahan hirak nee mak oho fali ita. Consequência husi hahan resin sira nee mos halo líder balun mos afirma; horas nee dadaun iha ita nia rain ema rico barak mak moras no sira nia hahan mak ema kiak sira nia hahan; hanesan halo dieta, han deit modo daan, la tau masin, masako no mina. Han no hemu nee necessidade essencial ita ema nian. Maromak mos hatene no sempre preocupa. Maibé ita nia lia-husu mak nee tansa Maromak preocupa? Hatene ba katak Maromak além de preocupa ho ita nia isin-lolon, Nia (Maromak) mos preocupa liutan ho ita nia necessidade espiritual...

 

Hau mak ai-han moris nian, ema nebe hakbesik Hau, nia sei la hamlaha tan; ema nebe fiar iha Hau, nia sei la hamrok tan(Jo 6,20-24)

 

Tema: “Igreja mak Povo Israel foun”  

 

Ilustração; Revista Cruzada iha nia página balun haktuir história ida nunee: Jovem ida nebe perseguido husi grupo desconhecido nebe tenta no hakarak tebes atu halakon nia vida. Atu salva nia vida, jovem nee halai subar iha gruta ida nia laran. Grupo desconhecido continua buka nia iha gruta nia sorin. Tama tiha iha gruta laran nia hein ho neon sala tebtebes. Iha momento nee mak nia hasa’e oração badak ida nunee:”Maromak bele buat hotu, haruka netik ita nia Anjo nain rua atu satan eh taka tiha dalan tama mai gruta, atu nunee sira labele oho hau”. Bainhira rona ema hakbesik ona mai iha nia subar fatin, derepente mosu labadai ida nebe halimar hodi hahu halo nia knuuk. Hare tiha labadai nee, Jovem continua suspira hodi dehan tan nunee: Nai hau husu Anjo la’os labadai. Nia dehan tan, Nai ho ita nia força tomak tau hela muro ida iha dalan tama mai gruta laran, atu sira labele hetan hodi oho hau. Nia dehan nunee hela, labadai mos continua halo nafatin. Bainhira grupo desconhecido sira to’o dadaun iha gruta oin labadai mos remata nia serviço hodi taka tiha dalan atu tama ba gruta laran. Ida husi sira dehan ita tama cek tok iha gruta laran! Seluk hatan fali, heiii belun ó la haré katak se dalan tama ba ne la diak, tanba labadai taka hela nee. Nee katak, kleur ona mak la iha ema ruma tama ba laran, satan jovem nebe ita duni dadaun nee. Diak liu ita ba buka fali nia iha fatin seluk. Hafoin sira continua ba fali fatin seluk.....

 

Ema balun dehan kebutuhan ou necessidade básica sira além de uma, hatais no han-hemu nian, ita nudar ema mos hamlaha no hamrok ba necessidade básica sira seluk hanesan domin no proteção. Oan sira preciso domin no proteção husi inan aman sira; ema kiak sira preciso domin no proteção husi ema riku sira; ema simples sira necessita domin no protecção husi ema liman kroat sira. Ita liga karik história iha leten, ita bele dehan Maromak nunca taka matan bainhira ita kuran necessidade iha ita nia moris. Tan Maromak mak ita nia ai-han moris nebe habosu ita nia hamlaha no hamrok isin no klamar nian dala ida. Diak ona ita hetan isin diak, maibé Maromak fo ba ita buat seluk nebe diak liu, ne mak Jesus além de fo hahan ba ita, Nia mos sai ai-han ba ita, hanesan ohin Evangelho dehan mai ita Hau mak ai-han moris nian, ema nebe hakbesik Hau, nia sei la hamlaha tan; ema nebe fiar iha Hau, nia sei la hamrok tan.

 

Santa Kreda liu husi liturgia Maromak nia Futar liafuan Domingo nee nian repete mensagem essencial husi leitura sira domingo semana kotuk nian. iha nebe Maromak fó han ba Nia povo. Eh Maromak haraik ai-han moris rohan-laek nian ba Nia povo.

Jesus dehan  Hau mak ai-han moris nian, ema nebe hakbesik Hau, nia sei la hamlaha tan; ema nebe fiar iha Hau, nia sei la hamrok tan.

Pormenor balun nebe ami hakarak partilha relaciona ho leitura sira iha Domingo XVIII nee mak: Primeiro, Leitura dahuluk haktuir mai ita konaba preocupação Maromak nian ba Nia povo. Maromak hakarak tebes haraik ba Nia povo ho domin hahan nebe fo moris. Maromak halo ida nee la’os atu habosu ou laos atu satisfaz deit ser humano nia hamlaha no hamrok isin lolon Ninia povo; maibé liliu Maromak tulun Ninia povo atu hala’o moris sai maduro liutan iha hanoin, hodi sobu rahun mentalidade egoista nian ikus mai nakfilak povo nia consciência ba moris nebe iha folin hamutuk ho maluk sira seluk.

Segundo ponto,  Iha Evangelho, Jesus hatudu Nia An hanesan Hahan, Jesus mak pão moris nebe tun husi Lalehan atu fó moris ba mundo. Hirak nebe tuir Nia, Jesus husu atu bele simu pão nebe Nia rasik haraik. Oinsá atu simu Jesus hanesan pão moris, dalan nebe Nia hatudu nee mak rona Liafuan sira nebe Nia hateten sai, hafoin halot iha fuan laran hotu tiha fo folin ba idaidak nia moris. nee mak sinal ema nia hakbesik an no símbolo fé nebe ema hakarak manifesta ba Maromak nudar condição atu combate hamrok no hamlaha ema nian. 

Terceiro ponto mak nee;Jesus mak ita nia ai-han moris (Pão vivo). Iha início Evangelho SÃO João nebe ita hanoin iha Domingo nee nian, hateten sai mai ita konaba oinsá ema barak nebe hetan ona hahan husi Jesus((Cfr. Jo 6,1-15). Ema barak buka Nia iha Cafarnaum. Hafoin sira hetan fali Nia iha tasi ibun. Hanesan Evangelho domingo uluk conta mai ita katak ema hirak nee mak sira nebe, hafoin han to’o bosu sira mak hakarak foti Jesus ba sira nia liurai. Maibé Jesus tan hatene sira nia plano, Nia hases an husi sira leet. Iha momento nee mak acontece debate ida entre sira ho Jesus. Iha nee hatudu momos hakarak lolos ema hirak nee nian.  Saida mak acontece bainhira hetan fali Jesus iha tasi sorin balun,,,sira husu bainhira mak Nia to’o iha nee? Ema hirak nee admira, liutan nee sira hakarak duni atu foti Jesus ba sira nia líder. Tan se sira nia hakarak nee realiza duni, pasti sira hanoin katak ita la preciso ona serviço ita tuir deit Nia, pasti ita sei bosu loron kalan. Ba nee mak Jesus hakfodak ho sira, Jesus dehan sira buka mak ema ida nebe fo hahan, laos ida nebe lori sinal sira. Pe. Martinho Gusmão iha nia Agenda 2015 explica ema tuir Jesus atu hetan milagre. Milagre nee mak Jesus nakfilak pão fuan lima no ikan rua hodi fahe ba ema nain rihun lima, sira han to’o bosu. Ida nee mak sai fali motivo essencial ba ema sira nebe hakarak la;o tuir Jesus. Maibé sira rasik la descobre hetan sinal husi milagre nebe Jesus halo. Aliás sira tuir Jesus la’os tanba fiar. Afinal lolos fiar mak sai nudar obra ida be folin liu ba Jesus fiar iha Ida nebe Nia haruka mai.

 

Mensagem lolos husi Milagre nebe Jesus halo hodi fo han ema rihun lima nee, importante la’os atu hatudu Jesus nia kbiit no serviço caritativa, maibé atu loke ema sira nia neon konaba acontecimento passado nian nebe Maromak hatun hahan, haraik maná ba Nia povo bainhira lao iha rai fuik maran hafoin sai husi moris atan iha rai Egipto no lori sira ba terra prometida. 

 

Oinsá mak ita bele compreende katak ita hakbesik no fiar iha Jesus atu combate ita nia hamlaha no hamrok isin lolon no klamar nian? Ita aprende husi S. Paulo, liu husi Segunda leitura nebe haktada netik mai ita katak bainhira fiar ba Jesus, necessita tebes atu transforma idaidak nia an husi ema tuan ba ema foun. ba nee mak S. Paulo iha nia carta ba sarani sira iha Efeso dehan hatais hikas ema foun nian, hamoris nudar Maromak nia ilas. Ida nebe simu Jesus hanesan pão nebe fó moris no sadere ba Nia, automaticamente iha nia sei acontece mudanção da vida. Matenek nain balun dehan Cristão não é moda, mas é mudança da vida. Padre diocesano ida mos dala ida afirma Cristão nebe declara nia an katak nia fiar iha Jesus maibé nunca muda nia vida, nee la’os Cristo nebe nia fiar.   

 

Hau mak ai-han moris nian, ema nebe hakbesik Hau, nia sei la hamlaha tan; ema nebe fiar iha Hau, nia sei la hamrok tan. Se iha ita nia moris, Jesus laos ita nia Aihan nebe fó moris ba ita nia moris ohin loron no abanbainrua nian, se tan mak ita sei hakbesik no fiar. Jesus husu nafatin ita atu hatudu sinal providência eh Maromak nia liman kbiit nain ba maluk sira hotu, atu iha ita nia an ho ita nia penampilan, ita nia maneira de hatais, koalia, hamnasa masque kik no folin laek maibé ema seluk bele koko nia folin iha fatin ho tempo hotu ita horik ba.  Assim seja.

MaloaDili,02/08/2015/ftby





Komentario :


Prense Komentario :
Naran :
Website :
Komentario
 
 (Hatama kode 6 iha leten)

 

Notisia Seluk

CHAMADA HODI CESSAR-FOGO IHA FUNU IÊMEN NIAN, WAINHIRA LIUTIHA BOMBARDEIO

RTKNews,(edição Terça  Feira 18/10/2016);Dili-SBS World News Radio: ...

ATAQUE CONTRA ACAMPAMENTOS ISIS NIAN, LAOS HO VINGANÇA

RTKNews,(edição Terça  Feira 18/10/2016);Dili-Rádio ...

PRESIDENTE FUNDAÇÃO GRAÇA DEUS RECONHESE RELATÓRIO PESQUIZA NEBE PÚBLICA IHA MÉDIA LALOS

RTKNews,(edição Terça-feira,18/10/2016);Dili– Relaciona ho resultado ...

TIMOR LESTE PERCISA IHA HELICOPTRE NO RO BOOT

RTKNews,(edição Terça  Feira 18/10/2016);Dili-Tersa feira nee (18-10-16) ...

Programa Seluk

RONA NO HALO TUIR

HAU NIA INAN NO MAUN ALIN SIRA MAK; SIRA NEBE RONA NO HALO TUIR MAROMAK NIA LIAFUAN  (Husi ...

“JESUS MAK PAO MORIS”.

Belun Católica doben sira hotu, ohin ita tama ba domingo sanulu resin-sia tempo  ...

“EMA NEBE HAN AI-HAN NEE, NIA SEI MORIS BA NAFATIN”

LEITURA NO REFLEXÃO BA DOMINGO XIX TEMPO COMUM Primeira Leitura Lia hosi Livru Liurai sira ...

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, NIA

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, ...

IMI BUKA HAU, ...TAN IMI HAN PÃO TOO BOSU DIDIAK

LEITURA BA DOMINGO XVIII TEMPO (COMUM) BAIBAIN. Primeira Leitura: Lia housi Livro Êxodo (Ex ...

Hit Counter

Visita Ohin Loron : 52
Total Visitor : 1278231
Hits Ohin Loron : 81
Total Hits : 9439437
Online Hela : 9