.:Radio Timor Kmanek Lian Nain Feto
.:: 2017 Tinan Sagrada Escritura : Moris Ba Biblia, Iha Biblia, Ho Biblia, No Husi Biblia ::.


Programa Detalho

EM DEUS NADA É IMPOSSIVEL

Image 03

LEITURA DOMINGO COMUM XVII

Cântico da Entrada: Maromak horik iha Nia kadunan Santo, Maromak hadia fatin ba ema kiak, Haraik moris no kbiit ba nia povo.

Primeira Leitura: Lia husi Livro Liurai sira nian (2Rs 4, 42-44).

Iha loron hirak neba, ema ida mai husi knua Baal-Saliza lori, mai fo Maromak emar Eliseu, pão nebe sira halo ho ai-fuan foun nian. Nia lori pão cevada fuan ruanulu, ho trigo foun kaut ida. Eliseu dehan ba nia atan:”fo han ema sira nee hotu”. Maibé, nia atan hateten ba nia:”Oinsa mak hau bele fo han ema atus ida, ho deit buat oitoan nee?” Eliseu dehan teni:”Fo han ba ema sira nee hotu basá, Maromak dehan:’”sira sei han too bosu, too resin’”. Nunee, nia atan fo han duni sira. Ema sira nee han duni too bosu, nudar Maromak lia tun nanis. Maromak Futar Lia

 

Salmo Responsorial (Sal 144(145), 10-11. 15-16. 17-18

Refrão: Nai Ita loke Ita Liman, Ita Boot fo han ami. Repete-se

  1. Nai, ema sei fo agradece Ita Boot;

Ita emar sei hahi Ita Boot.

Sira sei haklaken Ita Reino nia glória,

Sira sei haktuir buat foun hirak Ita halo. refrão

  1. Ho Fiar metin, sira foti matan ba Ita;

Too loron, Ita haraik ai-han ba sira hotu.

Nai, Ita loke liman hodi fo han halo bosu

Buat moris tomak. refrão

  1. Nai, halo buat tomak tuir lialos,

Halo buat hotu ho laran luak;

Besik ba ema be harohan,

Besik ba ema sira hotu be harohan tebes. Refrão

 

Segunda Leitura: Lia husi são Paulo nia surat ba sarani sira iha Êfeso; (Ef 4, 1-6).

Maun alin sira: Hau dadur hela, tanba Maromak; hau dehan hela ba imi atu moris tuir lolos dalan nebe Maromak hatudu imi atu lao tuir. Imi sei moris hodi hatene haraik-an; imi sei moris ho haraik-an; imi se moris ho laran maus, imi sei buka hatene terus ba malu. Imi sei hatene terus malu ho laran luak. Imi sei hakas-an atu moris ho laran no neon ida deit, hodi hamutuk iha dame laran. Imi isin lolon ida deit, espírito ida deit, nudar ho laran metin hein moris foun ida deit. Nai ida deit, fiar ida deit, baptismo ida deit. Maromak ida deit, nebe ema hothotu nia Aman, boot liu hotu, horik iha ema tomak, serviço iha ema hotu no iha ema hotu hetan Nia. Maromak Futar Lia.

 

 

Aclamação: Profeta Boot ida mosu iha ita leet; Maromak mai haree nia povo.

Evangelho: (Jo 6,1-15) Nai Jesus Cristo nia Evangelho nudar são João haktuir;

Iha tempo neba, Jesus liu tiha ba Tasi Galileia, katak tasi Tiberíades nia sorin balu ba. Ema lubun boot tuir Nia, tan sira haree milagre hirak Jesus halo ba ema moras. Jesus sae tiha ba foho leten, hodi tuur hamutuk ho nia escolante sira iha neba. Páscoa, katak judeu sira nia festa, besik dadaun ona. Jesus haree katak, ema lubun boot mai hasoru Nia, Nia lia tun ba Filipe, hodi dehan:”ita sei sosa los pão iha nebe, hodi fo han ema sira nee?” Jesus koalia nunee atu koko nia, basá, Nia hatene tiha ona atu halo saida. Filipe hatan dehan:”Pão osan atus rua nian mos sei la too, atu bele ida idak simu baluk oan ida”. André, Simão Pedro nia alin hatete ba Jesus:”iha nee, labarik oan ida iha pão cevada fuan lima no ikan kiik rua. Maibé, nee too oinsa ba ema sira nee hotu?” Jesus lia tun dehan:”haruka ema sira nee tuur tiha hotu”. Iha fatin nebá, duut barak.  Ema sira tuur tiha hotu. Mane deit, sura too besik rihun lima. Jesus kaer tiha pão hirak nee, fo agradece Maromak, hodi fahe ba ema sira. Ikan sira mos Jesus halo hanesan nee. Ema sira hotu han too bosu. Hafoin, Jesus lia tun ba escolante sira:”imi ba halibur baluk oan sira nebe han la hotu, atu keta lakon rohan oak ida”. Escolante sira halibur duni pão cevada fuan lima nia rohan-rohan sira nebe ema han la hotu, hodi tau hamutuk ba luhu sanulu resin rua. Haree milagre nebe Jesus halo, ema sira hateten ba malu:”tebes, ida nee mak profeta nebe atu mai iha mundo”. Maibé, Jesus hatene katak, sira atu mai hola Nia hodi foti ba Liurai, Nia hadook-an mesmesak fali ba foho.  

Lia Maksoin.

 

Reflexão;

Madre Teresa de Calcutá dala ida hateten:”Lembra-se que; As mãos que ajudam são mais sagradas do que os lábios que rezam”. Se lia fuan madre Teresa de Calcutá nee ita lee, sem halo refelxão ho fuan, ita bele interpreta sala hodi dehan; ajuda ema mak importante no oração la importante. Tuir lolos, madre Teresa nia afirmação nee hakarak concretisa deit analogia Latina nebe hateten; ORA et LABORA//ORAR e TRABALHAR//BERDOA dan BEKERJA.

Iha relato Evangelho sira, ita bele nota momos oinsa Nai Jesus rasik aplica lalaok rua nee durante cumpri missão iha mundo. Iha passagem balu, Jesus sempre haketak-An ba fatin hakmatek hodi halo oração. Iha passagem balu, Jesus halao nia missão (serviço) hodi hanorin doutrina, halo milagre, cura ema moras no saran-An ba mate hodi soi ema barak. Nunee, lalaok ORA et LABORA hatudu momos iha Jesus nia SER tomak.

Iha situação desesperado nia laran Eliseu nia atan dúvida katak oinsa nia bele fo han ema barak ho pão oitoan. Maibé, ho ordem husi Maromak nebe koalia husi Eliseu nia ibun, ema barak nee bele hetan hahan naton. Evangelho Domingo semana XVII nee mos completa fali deit evento, nebe acontece uluk liu ona iha tinan rihun resin liu ba molok Jesus Cristo mai iha mundo, nudar haktuir iha primeira Leitura. Iha Evangelho Domingo semana nee, são João hakerek katak, Jesus rasik fo ordem ba nia apóstolo sira hodi fo han ema rihun resin ho pão fuan hira deit. Jesus sente laran nakraik ho ema wain nebe tuir Nia. Tan nee mak Jesus haruka apóstolo sira hodi fo han ema hirak nee. Amu Papa Francisco mos reflecte passagem Evangélica nee hodi dehan:”Ser guardião é guardar as pessoas, cuidar carinhosamente de todas elas e cada uma, especialmente das crianças, dos idosos, daqueles que são mais frágeis e que muitas vezes estão na periferia do nosso coração”.

Iha Evangelho nebe ita rona cada loron, ita sempre rona ema barak sempre hobur tuir Jesus maske motivação la hanesan. Balu tuir Jesus tanba haree milagre Jesus halo, balu sai espião hodi buka Jesus nia parte fraca hodi condena, barak liu hobur Jesus tanba sente hakmatek ho mensagem nebe Jesus hanorin. Tanba nee mak amu Papa Francsico sempre dehan:” Aquele que vem em nome do SENHOR, aquele que nos vem trazer a Paz”.

Nunee, milagre nebe Jesus hatudu iha Evangelho Domingo semana nee nian, husi hela lição boot ida kona ba oinsa ita compartilha eh fahe buat balu nebe ita iha ba ema nebe precisa. Hodi h atan ba sociedade ohin loron, amu Papa Francisco sempre bolu atenção hodi dehan; sociedade ohin loron, ema buka osan bulak rai hodi haluha tiha Jesus. Ema balu buka halibur riku soin ba nia-an deit hodi halo ema seluk sai vítima husi processo desenvolvimento.

Nudar sarani, ita precisa cria balanço entre oração ho serviço (ORA et LABORA), precisa serviço hodi sustenta Maromak maibé, precisa mos halo caridade hodi ajuda ema balu nebe precisa tulun hus ita. Se ita reza deit hodi la halo caridade, ita nia oração nee bidon mamuk boot ida. Tanba nee mak madre Teresa de Calcutá deha:” :”Lembra-se que; As mãos que ajudam são mai sagradas do que os lábios que rezam”. Madre Teresa de Calcutá dehan lia hira nee tanba nia hatuur nia esperança iha Salmo nebe dehan:”Nai Ita loke Ita Liman, Ita Boot fo han ami”(Sl 144(145)). Lalaok oração no serviço nee sai nudar base fundamental ba obrigação sarani nian. Tan neemak são Paulo koalia ba sarani Êfeso sira hodi hameno katak:”hau dehan hela ba imi atu moris tuir lolos dalan nebe Maromak hatudu imi atu lao tuir”. Papa Francisco dala ida tan  hameno:“Cultivem a amizade com Jesus, verdadeiro amigo, que sempre estarás com voces nos momentos felizes e também nas dificuldades”. ORA et LABORA*** (IGNASBAFS).

 

 

 

 

 

 

 

 

 

 

 

 

 

 

 





Komentario :


Prense Komentario :
Naran :
Website :
Komentario
 
 (Hatama kode 6 iha leten)

 

Notisia Seluk

CHAMADA HODI CESSAR-FOGO IHA FUNU IÊMEN NIAN, WAINHIRA LIUTIHA BOMBARDEIO

RTKNews,(edição Terça  Feira 18/10/2016);Dili-SBS World News Radio: ...

ATAQUE CONTRA ACAMPAMENTOS ISIS NIAN, LAOS HO VINGANÇA

RTKNews,(edição Terça  Feira 18/10/2016);Dili-Rádio ...

PRESIDENTE FUNDAÇÃO GRAÇA DEUS RECONHESE RELATÓRIO PESQUIZA NEBE PÚBLICA IHA MÉDIA LALOS

RTKNews,(edição Terça-feira,18/10/2016);Dili– Relaciona ho resultado ...

TIMOR LESTE PERCISA IHA HELICOPTRE NO RO BOOT

RTKNews,(edição Terça  Feira 18/10/2016);Dili-Tersa feira nee (18-10-16) ...

Programa Seluk

RONA NO HALO TUIR

HAU NIA INAN NO MAUN ALIN SIRA MAK; SIRA NEBE RONA NO HALO TUIR MAROMAK NIA LIAFUAN  (Husi ...

“JESUS MAK PAO MORIS”.

Belun Católica doben sira hotu, ohin ita tama ba domingo sanulu resin-sia tempo  ...

“EMA NEBE HAN AI-HAN NEE, NIA SEI MORIS BA NAFATIN”

LEITURA NO REFLEXÃO BA DOMINGO XIX TEMPO COMUM Primeira Leitura Lia hosi Livru Liurai sira ...

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, NIA

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, ...

IMI BUKA HAU, ...TAN IMI HAN PÃO TOO BOSU DIDIAK

LEITURA BA DOMINGO XVIII TEMPO (COMUM) BAIBAIN. Primeira Leitura: Lia housi Livro Êxodo (Ex ...

Hit Counter

Visita Ohin Loron : 1017
Total Visitor : 1324489
Hits Ohin Loron : 3669
Total Hits : 9653587
Online Hela : 12