.:Radio Timor Kmanek Lian Nain Feto
.:: 2017 Tinan Sagrada Escritura : Moris Ba Biblia, Iha Biblia, Ho Biblia, No Husi Biblia ::.


Programa Detalho

RONA LIAFUAN HODI HALO TUIR

Image 03

Olá leitor rtk doben sira! uluk knanain ita nobun ho lian ida deit hatutur ita nia obrigado ba Maromak tan dom da vida nebe ita hotu simu no halao desde ohin dadersan to’o momento kmanek nee. Nunee ba moris loron ohin, ita ida-idak sei hakas an atu senti Maromak nia presença iha ita nia leet. Nia hela ita nia fuan laran. Atu senti nia presença ida ne’e mak ita preciso rona nia Futar Liafuan. No buat nebe Nia hakarak husi ita mak ida ne’e Hakarak ita tau laran metin (confia) iha Nia no hala’o iha ita nia moris saida mak Maromak liuhusi Jesus Cristo hanorin. Aproveita momento nee mak ami hakarak convida maluk sira atu fo netik tempo minuto ida rua hamutuk ho Maromak nebe Santa Kreda liuhusi liturgia da Palavra oferece mai ita hodi refleta ba ita nia moris.

 “sira nee mak hau nia inan no hau nia maun alin sira”(Mt 12,50). Citação husi passgem Evangelho nee mak sai nudar ponto de partilha ba ita nia sorumutu edição loron ohin

Doben le-nain RTK lian nain Feto sira hotu! Matenek nain sira kona ba Bíblia nian afirma katak existe linha vertente importante rua iha Nai Jesus Cristo nia-An; ida bolu Filho Unigénito no ida seluk hanaran Filho Primogénito. Ponto dahuluk; Filho Unigénito iha nee hakarak fo-hanoin mai ita katak Cristo Jesus mak Oan Mane Mesak (Putra Tunggal) nebe Aman Maromak tan hadomi tebes mundo, haruka mai atu ema hotu nebe fiar iha Nia la bele lakon, maibe hetan moris rohan laek (cfr. Jo 3,16). São Marcos iha nia intervenção declara mos katak Jesus mak Aman Maromak nia Oan Doben nebe ita preciso rona Nia (cfr. Mc 9,7 ou Mt 3,17). Nunee Aman Maromak la iha tan ona oan mane seluk além de Cristo. Husi nee mak ita compreende katak Filho Unigénito sublinha liu relação entre Aman Maromak ho Jesus nudar Filho Único, Oan Mane Mesak.

Tuir mai, leitor RTK lian nain feto doben sira! ita hakat ba ponto daruak; Filho Primogénito. Hanoin balun husi Livro Salmo nian nebe bele halo ita compreende kona ba ponto nee mak Cristo Jesus é o Filho Primogénito entre entre os mortos e os vivos. Significa Jesus mak Oan Mane uluk liu ema hothotu tanto sira nebe moris no mate tiha ona iha período antes de Cristo no mos ita hirak nebe moris no sei moris iha período depois de Cristo(cfr. 1Cor 15, 20. 23); Então, ponto nee fo-hanoin mai ita kona ba relação entre ita ema ho Maromak. Habadak lia ita bele dehan Buat nebe halo ita compreende liu tan mak nee Jesus iha natureza rua, natureza divina, Nia mak Filho Unigénito(Filho Único, Oan Mane Mesak). Jesus mos iha natureza humana, Nia mak Filho Primogénito(Oan Mane uluk liu ema hothotu). Ita hotu mak oan fudin Maromak nian husi a morte do Filho Unigénito dará a vida aos filhos adoptivos de Deus.

Família le-nain RTK doben sira! Liuhusi Evangelho S. Mateus nian ohin, hakarak hanorin ba ema Judeu sira, Apóstolo sira inclui ita hotu kona ba a verdadeira família de Jesus, Jesus nia família nebe lolos. Jesus oferece mai ita definição foun kona ba família; Família la’os deit vínculo humano eh ikatan manusiawi tuir isin no ran nian, maibé família lolos nebe Cristo harí mak comunhão ema hohotu nebe rona no halo tuir Maromak nia hakarak. Hanesan Jesus dehan ohin “Hau nia inan no maun alin sira mak hirak nebe rona no halo tuir Maromak nia hakarak iha moris”. Jesus la nega nem despreza nia família tuir ran nian, maibé louva liu tan Maria nia posição nebe aceita Maromak nia vontade, ata oan mak nee, halo tuir deit Ita liafuan ba (cfr.Lc 1,38), inclui harí fali fraternidade foun, atu ema hotu hare malu hanesan maun alin...

Nunee, maluk sira nebe acessa ba Rádio ONLINE RTK nian! Condição atu sai Maromak nia família lolos la’os hare husi parte isin ou ran nian maibé husi fiar nian hodi rona no tau iha vida prática Maromak nia hakarak. Condição nee considerado nudar garantia nebe Cristo, husi Nia moris, mate no ressurreição foti hikas ita ema nia dignidade be folin laek sai nudar oan fudin eh oan hakiak Família lolos Maromak nian.

Le-nain sira!Carta S. Tiago 1, 22-25 hameno mai ita nunee “buka hakas an atu sai ema nebe halo tuir liafuan ba, laos deit rona nia, hodi bosok imi an. Basa ema rona deit liafuan karik, maibé la halo tuir nia, ema nee hanesan ema nebe hateke ba nia oin iha espelho no hare duni nia oin rasik. Nia hare tiha didiak nia oin, hafoin haluhan kedas nia ilas oinsa los....ema nebe halo tuir Maromak nia ukun fuan, ema nee sei hetan bênção iha buat hotu be nia halo”.

Espera reflexão nee refresca liu tan ita nia fé... semoga........ChickyFatubay





Komentario :


Prense Komentario :
Naran :
Website :
Komentario
 
 (Hatama kode 6 iha leten)

 

Notisia Seluk

CONSELHO IMPRENSA INFORMA SERVIÇO BA PRESIDENTE DA REPÚBLICA

RTKNews,(edição Sexta-Feira 16/03/2018); Dili-Presidente Conselho Imprensa/ Virgilio da Silva ...

EX-PRIMEIRO MINISTRO LANÇA PLANO AÇÃO NACIONAL RESOLUÇÃO CONSELHO SEGURANÇA ONU 1325

RTK News, edição Sexta Feira 21-10-2016 :  Primeiro Ministro Rui Maria de Araújo Quinta feira nee ...

CHAMADA HODI CESSAR-FOGO IHA FUNU IÊMEN NIAN, WAINHIRA LIUTIHA BOMBARDEIO

RTKNews,(edição Terça  Feira 18/10/2016);Dili-SBS World News Radio: ...

ATAQUE CONTRA ACAMPAMENTOS ISIS NIAN, LAOS HO VINGANÇA

RTKNews,(edição Terça  Feira 18/10/2016);Dili-Rádio ...

Programa Seluk

RONA NO HALO TUIR

HAU NIA INAN NO MAUN ALIN SIRA MAK; SIRA NEBE RONA NO HALO TUIR MAROMAK NIA LIAFUAN  (Husi ...

“JESUS MAK PAO MORIS”.

Belun Católica doben sira hotu, ohin ita tama ba domingo sanulu resin-sia tempo  ...

“EMA NEBE HAN AI-HAN NEE, NIA SEI MORIS BA NAFATIN”

LEITURA NO REFLEXÃO BA DOMINGO XIX TEMPO COMUM Primeira Leitura Lia hosi Livru Liurai sira ...

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, NIA

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, ...

IMI BUKA HAU, ...TAN IMI HAN PÃO TOO BOSU DIDIAK

LEITURA BA DOMINGO XVIII TEMPO (COMUM) BAIBAIN. Primeira Leitura: Lia housi Livro Êxodo (Ex ...

Hit Counter

Visita Ohin Loron : 2
Total Visitor : 1406473
Hits Ohin Loron : 3
Total Hits : 10149752
Online Hela : 12