.:Radio Timor Kmanek Lian Nain Feto
.:: 2017 Tinan Sagrada Escritura : Moris Ba Biblia, Iha Biblia, Ho Biblia, No Husi Biblia ::.


Programa Detalho

EMA HALIBUR RIKU SOIN BULAK RAI

Image 03

LEITURA BA DOMINGO XVI TEMPO BAIBAIN .

Cântico da  entrada                                                                           Maromak, mai tulun Hau, Nai tahan Hau nia moris. Ho neon no laran Hau hasae sacrifício ba Ita, hananu ba Ita, tan Ita laran luak.(Sal. 53, 6.8)

 

Primeira Leitura: Lia housi Livro Profeta Jeremias:( Jer. 23, 1-6)

Maromak lia tun nunee: “Susar tebes, imi sira be bibi-atan nebe halakon, halo namkari Hau nia bibi sira!” Nai, Israel nia Maromak, lia tun nunee kona ba bibi-atan sira nebe tau matan ba Hau nia povo: Imi mak halo namkari no duni sai Hau nia bibi sira, imi la tau matan ba Hau nia bibi sira. La buat ida! Hau sei castigo imi nia hahalok aat – nee Maromak futar lia. Hau rasik sei halibur hamutuk Hau nia bibi sira, nebe sei hela, halibur sira housi rai-rai, lori fali sira ba sira nia duut. Sira sei bokur, sira sei sai barak. Hau sei fo bibi-Atan ba sira, nebe sei lori sira ba duut, sira sei la tauk tan ona, sira sei la hakfodak tan ona. Sira ida sei la lakon tan – Nai futar lia. Nai Maromak dehan teni: “Loron sei too, Hau sei fo oan Mane ida kmanek teb-tebes ba David. Oan nee sei sai Liurai. Nia sei ukun ho matenek, Nia sei ukun lolos ho justiça iha nia Reino. Iha Nia ukun, Reino Judá sei hetan salvação. Iha nia ukun Israel sei hetan hakmatek. Iha tempo nee mak ema sei hanaran Nia: JAVÉ ita nia justiça”. Maromak Futar Lia.

 

Salmo Responsorial

Refrão: Nai hatudu dalan mai Hau; Hau sei la kuran buat ida. repete-se

Nai Hau mahein, Hau la kuran buat ida.

Nia halo Hau hela halimar iha duut matak.

Nia lori Hau ba wé mos liu, hodi fo hikas kbiit mai Hau. Refrão

 

Nia lori Hau housi dalan diak liu atu hahí nia naran.

Hau sei liu housi rai naruk, maibé la tauk:

Ita boot hamutuk ho Hau, Hau laran metin ba Ita aitonka. Refrão

 

Iha Hau funu-balun sira oin Ita tau mesa ho ai-han wa’in.

Hau cális naresin; mina morin unção suli Hau ulun. Refrão

 

Ita domin, Ita laran luak la’o ho Hau iha Hau nia moris.

Hau sei horik iha Nai nia uman loro-loron iha Hau nia moris tomak. refrão

 

Segunda Leitura; Lia housi São Paulo nia surat ba sarani sira iha Êfeso (Ef. 2, 13-18):

Maun alin sira: Maske uluk imi moris dook housi Maromak, ohin loron, ho Cristo, imi hakbesik ona ba Maromak, tan Cristo futar ran. Tebes duni, Cristo mak ita nia dame. Cristo mak halibur hamutuk judeu no gentio sira, hodi halo sira sai povo ida deit. Cristo halakon sira nia hirus malu; Nia saran nia futar Isin, hodi halakon Moisés nia ukun fuan no hanourin. Nunee, Cristo hodi nia an rasik, halibur hamutuk judeu no gentio sira, hodi halo sira sai ema foun ida deit. Nunee mak Cristo hetan duni dame ba sira. Ema sira hotu nebe hamutuk sai nudar isin lolon ida deit, Cristo, hodi Nia cruz halo sira dame malu ho Maromak. Cristo, ho nia an rasik halakon sira nia hirus. Cristo mai haraik dame ba imi sira nebe uluk moris dook; haraik mos ba sira nebe moris besik nanis Maromak. Hodi Cristo mak ita hotu-hotu bele hakbesik ba Maromak Aman, tuir Espírito ida deit. Maromak Futar Lia.

 

Aclamação/Aleluia

Refrão: Nai lia tun: “Hau nia bibi sira rona Hau lian, Hau hatene sira, sira lao tuir Hau”. Refrão

 

Evangelho Nai Jesus Cristo nia Evangelho nudar São Marcos haktuir Mc. 6, 30-34:

Iha tempo neba, Apóstolo sira mai tur haleu tiha Jesus, hodi haktuir sai ba Nia, buat hotu sira halo no hanourin. Jesus lia tun ba sira, dehan: “Imi mai, Ita lao mesak ba fatin ida, atu tur halimar wituan”. Tan ema sira be ba mai wain tebes, sira la biban atu han.  Tan nee sira sae ró. Hodi hadook-an tiha ba fatin mesak ida. Haree sira dada-an, ema barak hatene ona. Nunee,  housi cidade hotu-hotu, ema barak halai housi rai, too uluk tiha fatin neba. Tun housi ró Jesus haree kedas ema lubun boot. Nia hanoin tebes ema sira nee, basá, sira hanesan bibi sira nebe bibi-atan laek. Nia hahú hanourin sira kleur. Lia Maksoyn.

 

 

Reflexão: Iha nia carta ba sarani sira iha Êfeso, são Paulo loke ho saudação de amizade nian hodi hakerek:” Maun alin sira: Maske uluk imi moris dook housi Maromak, ohin loron, ho Cristo, imi hakbesik ona ba Maromak,…. ;Tebes duni, Cristo mak ita nia dame” (Ef 2,13-14). Evangelho Domingo semana nee mos relata mai ita kona ba oinsa povo barak halai buka tuir Jesus. Evangelho haktuir katak ema barak halai liu husi dalan terik hodi ba too uluk fatin nebe Jesus ho apóstolo sira atu ba descansa tan sira fiar katak iha Jesus mak sira bele sente hakmatek (Dame/Felicidade). Santo Agostinho iha nia oração confissão hatete katak:”Nai hau la klamar la hakmatek, wainhira seidauk descansa iha Ita Mahan”.

Filósofo Aristoteles iha ninia pensamento moral explica katak: ema nudar Criatura (ser) hodi ba hetan ksolok (o homem é o ser para obter a felicidade); no atu hetan ksolok ida nee, ema precisa cumpri norma moral sira nebe estabelece iha sociedade. Jesus Cristo fali hateten katak; atu hetan ksolok rohan laek. Ema precisa lori nia CRUZ (hatene halo sacrifício/prática lalaok Caridade/ la comete corrupção) hodi tuir Jesus. Se ema la cumpri ida nee, nia la merece hetan ksolok rohan laek nee.

Amu Papa Francisco iha ninia visita pastoral ba nação America Latina sira, sempre koalia makas hodi explica katak; mundo ohin loron, ema buka osan no halibur riku soin bulak rai hodi haluha tiha JESUS. Tan nee mak Papa Francisco hameno dehan:”A nossa alegria não nasce do facto de possuirmos muitas coisas, mas de termos encontrado uma pessoa; JESUS”.

Coincide ho amu Papa Francisco nia lia menon nee, Lider Espiritual Tibet; Dalai Lama iha nia mensagem ba ema sira mundo ohin loron nian hatete katak:”As pessoas perdem a saúde para juntar o dinheiro. Depois perdem dinheiro para recuperar a saúde. E por pensarem ansiosamnete no futuro. Esquecem o presente de tal forma que acabam por não viver o presente nem o futuro. E vivem como se nunca fossem morrer. E morrrem como se nunca tivessem vivido”.//Orang-orang kehilangan kesehatan demi mengumpulkan uang. Kemudian menghabiskan uang untuk mengobati penyakit (kesehatan), hanya karena terlalu tergesa gesa memikirkan masa depan. Mereka melupakan  saat ini sedemikian rupa sehingga kehilangan masa kini maupun masa depan. Dan mereka Hidup rakus seperti tak akan pernah mati, bahkan mati pun seperti orang yang tak pernah hidup.

Ema nia kaan ten hirak nee hotu tanba ema nunca sente suficiente ho buat nebe agora sira hetan. mentalidade hanesan nee mak horas nee corruptor ho  selingkuh dor barak adopta iha sira nia moris. Até balun sei dehan tan katak; Moris nee goza tiha kedas, mate tiha hela deit naran. Los duni, Maromak cria ita atu goza moris nee maibé goza tuir nia regra. Nudar sarani Católico, precisa goza moris tuir Maromak nia ukun fuan sira.

Dala ita tan ita precisa hanoin fila fali filósofo Aristóteles nia pensamento nebe hatete katak:”(o homem é o ser para obter a felicidade); no atu hetan ksolok (felicidade) ida nee, ema precisa cumpri norma moral sira nebe estabelece iha sociedade. CRUZ nebe Jesus apresenta ba ita mak hahalok sacrifício. Exemplo concreto husi sacrifício nee mak; governante balu sente iha tendência atu prática corrupção ka halo suborno karik; nia ho neon ida deit jura ba nia-an katak nia lakohi comete hahalok nee. Nia iha tendência atu selingkuh karik, nia tenke hatete kedas; hau lakohi selingkuh tan. Nee mak cumprimenta norma moral nebe Aristóteles apresenta.

Nai Jesus rasik dala ida hatan ba jovem nebe la hetan felicidade (ksolok) iha nia moris dehan; se o hakarak tuir Hau, ba faan tiha o nia riku soin sira hodi fahe ba ema kiak no mai tuir Hau.

Evangelho Domingo semana nee, merce liu ba ukun nain sira nebe liman foer karik hodi toma atenção. Naok osan estado nee diak maibé, ita haluha katak ita naok dadaun ita nai maluk sira nebe tuir los sira mos iha direito hetan osan nebe ita naok.

Governo Romano ho ema Judeu sira talvés halo povo sira sente enjua ona. Tan nee mak sira buka hakmatek iha Jesus Cristo nia hanorin sira; basá, Jesus haree sira hanesan bibi sira nebe bibi-atan laek (-povo nebe la iha ukun nain). Maromak mos haksiak ukun nain sira iha Profeta Jeremias iha nia tempo hodi dehan;”…Susar tebes, imi sira…nebe halakon, halo namkari Hau nia bibi sira!... Imi mak halo namkari no duni sai Hau nia bibi sira, imi la tau matan ba Hau nia bibi sira. La buat ida! Hau sei castigo imi nia hahalok aat”. Ba ida nee Maromak Koalia nanais ba profeta Jeremias dehan:”Hau rasik sei halibur hamutuk Hau nia bibi sira, nebe sei hela, halibur sira housi rai-rai, lori fali sira ba sira nia duut. Sira sei bokur, sira sei sai barak”. Hodi Cumpri liafuan ida nee mak Jesus rasik sai hanesan figura central iha Evangelho semana nee hodi halibur povo nebe abandonado. Tan Jesus rasik haree sira hanesan bibi hirak nebe bibi atan la tau matan (povo abandonado). Povo nia esperanca hetan nia expressao iha Salmo semana nee no fo aten brani ba ita nobun hodi dehan:”Nai, hatudu dalan mai Hau; Hau sei la kuran buat ida”. Ohin loron, ho Cristo, imi hakbesik ona ba Maromak basá, Só iha deit Maromak mak ita bele sente hakmatek. ***(Ignas Lopes BAFS).

 





Komentario :


Prense Komentario :
Naran :
Website :
Komentario
 
 (Hatama kode 6 iha leten)

 

Notisia Seluk

CONSELHO IMPRENSA INFORMA SERVIÇO BA PRESIDENTE DA REPÚBLICA

RTKNews,(edição Sexta-Feira 16/03/2018); Dili-Presidente Conselho Imprensa/ Virgilio da Silva ...

EX-PRIMEIRO MINISTRO LANÇA PLANO AÇÃO NACIONAL RESOLUÇÃO CONSELHO SEGURANÇA ONU 1325

RTK News, edição Sexta Feira 21-10-2016 :  Primeiro Ministro Rui Maria de Araújo Quinta feira nee ...

CHAMADA HODI CESSAR-FOGO IHA FUNU IÊMEN NIAN, WAINHIRA LIUTIHA BOMBARDEIO

RTKNews,(edição Terça  Feira 18/10/2016);Dili-SBS World News Radio: ...

ATAQUE CONTRA ACAMPAMENTOS ISIS NIAN, LAOS HO VINGANÇA

RTKNews,(edição Terça  Feira 18/10/2016);Dili-Rádio ...

Programa Seluk

RONA NO HALO TUIR

HAU NIA INAN NO MAUN ALIN SIRA MAK; SIRA NEBE RONA NO HALO TUIR MAROMAK NIA LIAFUAN  (Husi ...

“JESUS MAK PAO MORIS”.

Belun Católica doben sira hotu, ohin ita tama ba domingo sanulu resin-sia tempo  ...

“EMA NEBE HAN AI-HAN NEE, NIA SEI MORIS BA NAFATIN”

LEITURA NO REFLEXÃO BA DOMINGO XIX TEMPO COMUM Primeira Leitura Lia hosi Livru Liurai sira ...

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, NIA

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, ...

IMI BUKA HAU, ...TAN IMI HAN PÃO TOO BOSU DIDIAK

LEITURA BA DOMINGO XVIII TEMPO (COMUM) BAIBAIN. Primeira Leitura: Lia housi Livro Êxodo (Ex ...

Hit Counter

Visita Ohin Loron : 505
Total Visitor : 1496423
Hits Ohin Loron : 3500
Total Hits : 10648261
Online Hela : 2