.:Radio Timor Kmanek Lian Nain Feto
.:: 2017 Tinan Sagrada Escritura : Moris Ba Biblia, Iha Biblia, Ho Biblia, No Husi Biblia ::.


Programa Detalho

APRENDE HALO BUAT DIAK, DEFENDE JUSTIÇA

Image 03

LIA KSOLOK BA MORIS

(2Cor 6: 1-10. Sl, 98: 1,2-3 ab,3cd-4. Mt 5: 38-42)

 

Moris iha dame no domin nia laran mak ita hotu-hotu nia esperança iha moris nee. Maibé, atu ba hetan dame no domin iha ita  ambiente moris nian/iha ita nia sociedade ita precisa reconcilia ho Maromak, ho ita nia maluk sira e ao mesmo ho ita nia-an rasik. Nee, mak dalan fundamental nebe lori ita ba hetan dame ida nebe autêntico. Ita labele moris iha dame nia laran, se wainhira ita rasik sei rai hela ódio iha ita nia fuan laran.  

Atu lori sociedade ida ba moris iha dame, ita precisa atu respeita dignidade ema ida-idak nian, hodi considera totalidade husi ema nia-an, basa, ema nia-an  consagrado no exige ita hotu-hotu nia auto de conhecemento hodi reconhece no valoriza. Tamba bee, mak S. Paulo iha ninia carta ba sarani sira iha Roma, dehan: “Se ó nia funu maluk hamlaha fo ninia hahan, se nia hamrok fo nia hemu (cf. Rm 12: 20).

São Paulo ninia hanorin nee, relevante tebes ba ita nia fiar nain sira, atu prática iha moris nee.  Maibé, iha experiência moris nian, dificil tebes ba ita atu simu ita nia maluk sira nebe halo sala, nunee, dificil tebes mos  ba ba ita atu fo perdão ba sira. Quanto mais ita aceita violência no rai ódio iha ita nia fuan no laran, automáticamente ita sei hasoru problema barak iha moris nee, ódio malu, separação, descriminação, la simu malu, opressão, la respeita direitos humanos, exploração econónimca, exploitação sexual no pornografia, abortos no dalan sira seluk tan, hodi estraga ema seluk nia vida.

Realidade actuais hirak nee, acontece iha moris nee tamba ita nia-an nebe hafalun ona ho ódio no vingança, ódio/vingança sai hanesan toman ida nebe haktabir metin ona iha ita nia-an. Nee, laos civilização humana, maibé, nee decadência ida hodi hatur ita nia maluk sira seluk sai inimigo ba ita. Profeta Jeremias, profeta ida nebe mak defende valores humanos no hakrak lori povo Maromak nian, atu moris iha situação ida nebe nakonu ho domin no dame. Nunee, profete Jeremias, iha ninia knaar profético, dehan: “Aprende halo buat diak, defende juntiça, ajuda ema nebe oprimidos, protege direitos oan kiak sira nian, defende mos feto faluk sira (cf. Jer 9:12)”. Roman doutrinal nee, convida ita atu hatene hadomi malu, hodi hatur moris nee hanesan Maromak oan. Maibé, experiência moris nian, ita la moris tuir valores sira nebe fo folin ba moris, tamba ita sente hanesan naha todan boot ida nebe hanehan hela iha ita nia-an.    

Maromak cria no hakiak ita ho ita ida-idak nia cultura. Exemplo, Cultura ida nebe too agora ita sei halao nafatin mak nahe bit boot, hodi libur hamutuk, tur hamutuk hodi resolve problema nebe ita hasoru iha moris nee, li-liu problema nebe hafalun ita ho conflito sira. Liu husi nahe bit boot, ita koalia hamutuk no buka dalan hodi resolve ita nia problema. Nee, cultura ida no certamente cultura ida nee, diferencia ho cultura husi rai seluk nian. Maibé, geralmente atu dehan katak; liu husi cultura nebe ita iha mak hatudu ita nia imagem nudar povo Maromak nian no ita nia identidade. Maibé, iha realiade moris nian, ho ita ninia egoismo, ho ita ninia hanoin variadas sira nebe lakohi moris iha domin no dame e ao mesmo tempo completea ho ita nia aceitação ba violência, ita rasik hamosu problema/comflito iha moris nee.

Nunee, resultado ikus husik hela mate no ita rasik cria/hamosu inimigo iha moris nee, tamba iha ita nia-an nakonu ho ódio/vingança. Nee, realidade moris nebe ita halao iha moris nee no hola parte ona ita nia moris. Maibé, Maromak ida domin nain hamosu cultura ida nebe hakuak cultura hotu-hotu. Ida nee mak domin. Husi nee, Maromak lori ita ba dame malu ho ita nia maluk sira no klean liu lori ba dame malu ho Maromak nebe sai centro domin nian ba ita nia moris. Domin Maromak nian ida nee, revela iha ninia oan Mane mesak ita Nain Jesus Cristo. Nunee, Jesus Cristo Maromak ida nee, tama iha ita nia história moris nian, hodi convida ita ba dame malu no simu malu nudar maun alin. Tamba nee, mak iha passagem evangélica ba loron ohin nian, Jesus Cristo rasik dehan: “Imi rona ema uluk dehan, Matan selu ho matan, nehan selu ho nehan. Maibé, hau dehan ba imi “Keta simu hasouru ema aat. Ema ruma basa karik o nia hasan los, sei tan o nia hasan karuk ba nia. Ema ruma hakarak haksesuk malu ho ó atu hadau o nia faru karik, fo tan ó nia tais ba nia. Ema ruma obriga karik o atu lao kilómetro ida, lao ho nia cilómetro rua ba. Fo ba ema nebe husu, keta fila kotuk ba ida nebe hakarak empresta buat ruma”.  

 

Mensagem central husi evangelho nee toca duni ba ita nia moris, ita nia moris ida nebe dalaruma   dificil tebes ba ita atu simu ita nia maluk sira seluk, maluk sira nebe kuran liu iha sira nia moris, quanto mais simu ita nia maluk sira nebe halo sala mai ita, nee impossível tebes. Evangelho ba loron nian, Jesus hakarak hanorin ita, atu hamos iha nia fuan no laran nebe hahalok ódio/vingança nebe ita kuda ita nia fuan no laran.

Ódio/vingança laos fruto ba desenvolvimento/sociedade nian. Nee, moras ida. Moras ida nebe ita precisa hasai husi ita nia-an, hodi haburas valores humanos iha moris nee, hodi tulun malu, ajuda malu no simu malu nudar maun-alin. Husi nee, mak lori ita ba moris iha sociedade ida nebe nakonu ho domin, dame no verdadeiramente humano. Tamba nee, mak iha evangelho ba loron ohin nian, Jesus nafatin hanorin ita atu fo ba ema seluk buat nebe ema seluk husu no keta fila kotuk ba ida nebe hakrak impresta buat ruma husi ita.  Habadak reflexão, hakarak dehan katak, evangelho ba loron ohin nian, Jesus hanorin ita atu hadomi ita nia maluk sira, fo perdão ba ita nia maluk sira nebe halo sala hasoru ita/inimigo no ajuda ita nia maluk sira seluk nebe moris iha susar/terus/abandonado/deseperado nst. Mesmo que, sira nee todan ba ita atu halao iha moris. Maibé, ita buka atu moris tuir. Basá, husi nee mak lori ita ba hola parte iha santidade Maromak nian, hodi hatudu momos ita nia identidade hanesan Maromak oan. Assim seja. ***Franet***

 

 





Komentario :


Prense Komentario :
Naran :
Website :
Komentario
 
 (Hatama kode 6 iha leten)

 

Notisia Seluk

CONSELHO IMPRENSA INFORMA SERVIÇO BA PRESIDENTE DA REPÚBLICA

RTKNews,(edição Sexta-Feira 16/03/2018); Dili-Presidente Conselho Imprensa/ Virgilio da Silva ...

EX-PRIMEIRO MINISTRO LANÇA PLANO AÇÃO NACIONAL RESOLUÇÃO CONSELHO SEGURANÇA ONU 1325

RTK News, edição Sexta Feira 21-10-2016 :  Primeiro Ministro Rui Maria de Araújo Quinta feira nee ...

CHAMADA HODI CESSAR-FOGO IHA FUNU IÊMEN NIAN, WAINHIRA LIUTIHA BOMBARDEIO

RTKNews,(edição Terça  Feira 18/10/2016);Dili-SBS World News Radio: ...

ATAQUE CONTRA ACAMPAMENTOS ISIS NIAN, LAOS HO VINGANÇA

RTKNews,(edição Terça  Feira 18/10/2016);Dili-Rádio ...

Programa Seluk

RONA NO HALO TUIR

HAU NIA INAN NO MAUN ALIN SIRA MAK; SIRA NEBE RONA NO HALO TUIR MAROMAK NIA LIAFUAN  (Husi ...

“JESUS MAK PAO MORIS”.

Belun Católica doben sira hotu, ohin ita tama ba domingo sanulu resin-sia tempo  ...

“EMA NEBE HAN AI-HAN NEE, NIA SEI MORIS BA NAFATIN”

LEITURA NO REFLEXÃO BA DOMINGO XIX TEMPO COMUM Primeira Leitura Lia hosi Livru Liurai sira ...

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, NIA

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, ...

IMI BUKA HAU, ...TAN IMI HAN PÃO TOO BOSU DIDIAK

LEITURA BA DOMINGO XVIII TEMPO (COMUM) BAIBAIN. Primeira Leitura: Lia housi Livro Êxodo (Ex ...

Hit Counter

Visita Ohin Loron : 382
Total Visitor : 1546485
Hits Ohin Loron : 1141
Total Hits : 10954040
Online Hela : 4