.:Radio Timor Kmanek Lian Nain Feto
.:: 2017 Tinan Sagrada Escritura : Moris Ba Biblia, Iha Biblia, Ho Biblia, No Husi Biblia ::.


Programa Detalho

Hadomi imi nia funu balun sira

Image 03

LIA KSOLOK BA MORIS

(2Cor 8,1-9; Mt 5,43-48)

Olá ouvintes RTK doben sira! uluk knanain ita nobun ho lian ida deit hatutur ita nia obrigado ba Maromak tan dom da vida nebe ita hotu simu no halao desde ohin dadersan too momento kmanek nee. Ita ema loron ba loron sempre hasoru dificuldade eh susar kiik eh boot, bele lori tempo badak no naruk. Solução depende ba ita. Maibé, maske problema boot oinsá mos, concerteza sei iha nia solução, naran katak ita la bele lakon Maromak nia graça hodi sai husi susar sira nebe ita hasoru.

2Cor 1,18-22; Mt 5,13-16

“Hadomi imi nia funu balun sira, harohan ba sira nebe hanehan imi, atu imi sai imi Aman iha Lalehan nia oan sira”(Mt 5, 44-45)

 

Jesus nia Futar Liafuan sira nee hatudu katak cada ema certamente iha inimigo eh funubalun. Inimigo iha nee refere liu ba ema. Ita dehan ita iha inimigo, tanba iha ita nia moris pasti iha ema balun nebe halo ita sente fuan moras: hasai liafuan foer ba ita, baku ita até balun halakon direito moris maluk balun nebe ita hadomi liu. Ita husu, saida mak ita preciso halo hasoru ita ida-idak nia inimigo? Jesus responde: primeiro, hadomi sira no segundo, reza ba sira.

Primeiro ponto: Jesus nia resposta hadomi imi funu balun nee harahun duni lei eh ukun fuan uluk be hateten hadomi imi maluk sira no rai ódio hasoru imi funu baluk. Além de nee, Jesus mos hakarak hafoun lei Talião Antigo Testamento nian nebe dehan katak ‘matan selu ho matan, nehan selu ho nehan(Mt 5,38), ho lei Testamento Foun nian iha domin no perdão nebe soi ema nia isin no klamar dala ida’(Mt 5,44). La’os atu atu halo vingança dala hitu nulu resin hitu(Gn 4,24), maibé atu perdua ba malu hitunulu resin hitu(Mt 18,22). Atu hafoun lei tuan ne’e, Jesus la’os ko’alia deit, maibe hatudu mos Nia hahalok, to’o saran-An no fakar ran iha Cruz. Epístola Hebreu testemunha Cristo nia ran mak sasin perdão nian, la ho Nia ran ema sei la hetan perdão(Hbr 9,22). Habadak lia, lei uluk haabut an iha domin maibé domin nebe naksalak no exclusivo: domin fo deit ba belun sira; fora ida nee tenke rai ódio liliu ódio hasoru inimigo. Enquanto que lei foun hatur metin iha domin. Domin mak domina ema nia fuan. Carácter husi domin nee mak inclusivo, hadomi ema hotu, la sukat nia diak eh at, belun eh funu balun. Domin nee mak sobu rahun moru discriminação nebe ema judeu sira harí iha Jesus nia tempo.  

 

Domin inclusivo, domin ba ema hotu nee mak sai nudar exigência ida nebe Jesus husu mai ita atu halo tuir. Tanba sa, mak ita preciso halo tuir exigência domin nee? Tanba ita hakarak tanesan ita nia an ho Aman iha Lalehan. Tan, Nia nebe halo loron naroman ba ema diak no ema at, hatun udan ba ema los no sala. Roman ida nee hanesan is moris nian. Hanoin ida lori fali ita hakat ba segundo ponto reza ba funu balun sira. Oração, hanesan ita hatene koalia ho Maromak. Ita nia conversa ho Maromak sei soin, quanto mais ita nia ligação no domin ba ema seluk liliu ba funu balun sira la naksalak. Basá, iha oração ita la’os hato’o informação maibé hametin ita nia relação ho moris nia nain. Ba nee mak Mahatma Gandhi dehan orar não é pedir, mas é a respiração da alma. Oração la’os husu, maibé klamar nia is moris. Nunee, liuhusi oração maske ema seluk nebe ita considera hanesan inimigo, possível bele nakfilak ba amigo. 

Pergunta ba ita nia reflexão será que ita iha inimigo? Se iha, dala hira ona mak ita hadomi no harohan fodik ba sira? Hanoin ba katak buat importante ida nebe ita labele haluhan maibé tenke hanoin beibeik mak, Maromak nia laran diak la limite deit ba sira nebe halo diak, maibé ba mos sira seluk, biar iha sira nia moris, sira la hatene agradece inclui sira nebe laran makerek. Nunee, hadomi funu-baluk la’os assunto nebe fácil atu ita halo tuir. Sá tan tenke hadomi sira nebe pernah halo ita fuan moras, hakanek no halakon ita maun alin balun nebe ita hadomi liu. Maibé, ida nee mak consequência no exigência moris ita nian nebe hakarak ho neon no laran, ho isin no klamar, ho matenek no força tomak la’o tuir Cristo nia ain-fatin atu sai hanesan Aman iha Lalehan nia oan doben sira.***Fatubay   

           

 





Komentario :


Prense Komentario :
Naran :
Website :
Komentario
 
 (Hatama kode 6 iha leten)

 

Notisia Seluk

CONSELHO IMPRENSA INFORMA SERVIÇO BA PRESIDENTE DA REPÚBLICA

RTKNews,(edição Sexta-Feira 16/03/2018); Dili-Presidente Conselho Imprensa/ Virgilio da Silva ...

EX-PRIMEIRO MINISTRO LANÇA PLANO AÇÃO NACIONAL RESOLUÇÃO CONSELHO SEGURANÇA ONU 1325

RTK News, edição Sexta Feira 21-10-2016 :  Primeiro Ministro Rui Maria de Araújo Quinta feira nee ...

CHAMADA HODI CESSAR-FOGO IHA FUNU IÊMEN NIAN, WAINHIRA LIUTIHA BOMBARDEIO

RTKNews,(edição Terça  Feira 18/10/2016);Dili-SBS World News Radio: ...

ATAQUE CONTRA ACAMPAMENTOS ISIS NIAN, LAOS HO VINGANÇA

RTKNews,(edição Terça  Feira 18/10/2016);Dili-Rádio ...

Programa Seluk

RONA NO HALO TUIR

HAU NIA INAN NO MAUN ALIN SIRA MAK; SIRA NEBE RONA NO HALO TUIR MAROMAK NIA LIAFUAN  (Husi ...

“JESUS MAK PAO MORIS”.

Belun Católica doben sira hotu, ohin ita tama ba domingo sanulu resin-sia tempo  ...

“EMA NEBE HAN AI-HAN NEE, NIA SEI MORIS BA NAFATIN”

LEITURA NO REFLEXÃO BA DOMINGO XIX TEMPO COMUM Primeira Leitura Lia hosi Livru Liurai sira ...

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, NIA

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, ...

IMI BUKA HAU, ...TAN IMI HAN PÃO TOO BOSU DIDIAK

LEITURA BA DOMINGO XVIII TEMPO (COMUM) BAIBAIN. Primeira Leitura: Lia housi Livro Êxodo (Ex ...

Hit Counter

Visita Ohin Loron : 36
Total Visitor : 1406508
Hits Ohin Loron : 91
Total Hits : 10149840
Online Hela : 16