.:Radio Timor Kmanek Lian Nain Feto
.:: 2017 Tinan Sagrada Escritura : Moris Ba Biblia, Iha Biblia, Ho Biblia, No Husi Biblia ::.


Programa Detalho

CUIDADO HO PRESENÇA SEITA/SEKTE TESTEMUNHA JEOVÁ IHA TIMOR LESTE: (Part.1)

Image 03

Introdução; Nai Jesus nia lia fuan iha Sagrada Escritura hateten hanesan nee;”ema nebe hakarak tuir Hau, sei husik buat hotu hodi lori nia Cruz tuir Hau (Marcos, 8, 34 )”. São Paulo mos hakerek nia carta ba Hebreu sira dehan;”keta husik doutrina oioin halo imi lao tuir dalan la loos oioin: diak liu simu graça nebe fo kbiit ba imi nia fuan, laos ho ai-han(=osan ka livro testemunha JEOVÁ nian) nebe la halo diak ba maluk sira nebe fiar sira(JEOVÁ)// Não vos deixeis levar por doutrinas diversas e estranhas, porque é bom que o coração seja fortalecido pela graça e não por alimentos, que de nada aproveitaram aos que insistiam nessa observância (cf Hebreu,13,9). Passagem evangélica rua nee sai hanesan fundamento ba artigo nee.          Sarani Católica iha Timor nia fiar no nia situação moris, transforma neneik-neneik cada loron. Históricamente, wainhira Timor Leste haketak-an tiha hosi Indonésia, Timor oan hothotu hahu conhece mentalidade foun lobuk nebe ema estrangeiro sira lori tama mai. Mentalidade foun hirak nee inclui mos religião foun sira ou ho lia fuan seluk Seita (sekte) protestantismo sira nebe mosu mai ho denominação/naran rebrebo los. Entre Seita barak nebe tama ona iha Timor, agora dadaun Seita ida nebe hamosu confusão/polémica iha sarani Católica sira leet mak Seita TESTEMUNHA JEOVÁ/Saksi Yahwe. Seita nee hamosu polémica(problema) tanba questão doutrinal nebe sira hanorin oin seluk liu ho doutrina Católica nian no pior liu sarani protestante antigo sira nebe existe antes ona iha Timor mos sente preocupado ho seita ida TESTEMUNHA JEOVÁ nee. Seita/sekte ida nee puramente laos religião maibé, NGO ou religião projecto nebe nação boot balun mak haruka tama hodi destroi Timor oan nia tradição fiar basá, nação hirak nee iha interece ba Timor nia riku-soin.

      Iha escrito ida nee, ita sei foca liu ka explica barak liu kona ba existência seita TESTEMUNHA JEOVÁ iha Timor, nia história no doutrina sira. 1) Origem(asal-usul) Testemunha JEOVÁ ho nia doutrina principal. Seita testemunha JEOVÁ mosu ba dala uluk iha estados unidos da América (Amerika Serikat), iha tinan 1876. Fundador mak CARLOS TASE RUSSEL ho nia doutrina principal mak; nega Santíssima Trindade (=katak; Jesus laos Maromak), Jesus nee Maromak Jeova nia mensageiro/manu ain deit, Jesus laos Salvador/Messias.

   Heresia (doutrina falsa) nebe nega divindade Jesus nian nomos nega Santíssima Trindade, mosu antes ona iha história Igreja nian iha século IV ho naran Subordinacionismo no triteismo. Igreja liu hosi Concílio Nicea (325) condena ona doutrina falsa nee. Testemunha JEOVÁ sira muda no interpreta Bíblia Sagrada literalmente (tuir sira nia hakarak deit) hodi atrai nomos halo tauk ema. Seita nee hanorin katak Jesus nee lolos mak são Miguel Arcanjo hafoin mai moris hanesan ema iha mundo. Sira mos altera/muda tiha história Nai Jesus nian hodi dehan; Jesus uluk laos ema prega no mate iha Cruz hanesan sarani Católico sira fiar agora nee. Maibé Jesus ema hedi deit iha ai-hun boot ida hafoin moris fali hanesan criatura espiritual ida, laos moris hias isin no klamar tomak tuir doutrina Católica nian.(=doutrina JEOVÁ nee hakarak desvaloriza deit sentido Cruz nian nebe sarani Católica sira considera hanesan sinal salvação nian). Seita testemunha JEOVÁ mos considera religião sira seluk liliu religião Católica hanesan religião diabo nian (satânicas). Testemunha JEOVÁ afirma katak; maromak ida naran JEOVÁ sei castigo ema hotu nebe lakohi tuir sira nia doutrina. 2) Oinsá Maromak naran JEOVÁ; Javé ka JEOVÁ? Testemunha JEOVÁ sira adopta ka foti deit naran JEOVÁ nee hosi Antigo Testamento hodi refere ba maromak foun nebe sira haklaken dadaun. Se ita lee no investiga didiak iha Bíblia Sagrada, afinal Maromak nebe ema Israel sira fiar iha Antigo Testamento nee naran JAVÉ laos JEOVÁ.. Ita la hatene maromak naran JEOVÁ nee mai hosi nebe. Basea ba estudo Bíblico no investigação linguística nebe acreditado, confirma katak lia fuan JAVÉ nee mai hosi idioma(língua) hebraica; lian nebe ema judeu/israelita sira iha Antigo Testamento utiliza hodi designa ka hanaran Maromak. Lian hebraico nee rasik iha ninia estrutura alfabetical hakerek la uza letra vogal sira (a, e, i, o, u) katak sira uza deit letra consoante sira hanesan b, c, d,f,…………..nst. Ita sei haree livro (Êxodo:3, 13-15), iha versículo 13-15 nee descreve momos kona ba diálogo nebe Moises halo ho Maromak. Moises husu Maromak nia naran atu nia mos bele fo hatene ba povo Israel sira, se israelita sira husu Maromak ida delega Moises nee nia naran lolos. Ikus mai Maromak dehan ba Moises: “ba fo hatene ba Israelita sira katak; HAU MAK HAU (Eu Sou aquele que Sou)” ou iha lian hebraica (lian israelita) sira nian hakerek JAVÉ. Literalmente, Maromak nian naran HAU MAK HAU nee se hakerek ho letra hebraica hanesan tuir mai; Y H V H. Nunee, israelita sira pronuncia <> Emanuel=Maromak ho ita (Deus connosco) (Isaías.7,14).Ø O Shadai=Maromak be hosi foho (Deus da montanha) (Gênesis.17.1). Ø Adonai ou Edonai=Nai(o Senhor) (Salmo. 94). Ø Elohim=Maromak kbiit nain no bele buat hotu (Deus forte e poderoso) ( Êxodo, 6,7). Ø(Iavé) ou Javé iha Português. Maibé iha prática moris lorloron, israelita sira considera liafuan JAVÉ nee sagrado(lulik) la bele temi arbiru. Nunee, israelita sira atribui fali ho liafuan Adonai nudar designação ba Maromak nia naran. Nee mak prova concreta oinsá ema Israel sira pronuncia Maromak nia naran lolos. Israelita sira iha Antigo Testamento nunca temi lia fuan JEOVÁ maibé Javé (YHVH) ou Adonai. 3) Tansá lia fuan JEOVÁ mosu iha Novo Testamento? Hanesan decreve ona iha leten katak liafuan Javé nudar designção ida hodi hatudu Maromak nia naran. Além de Javé, ema Israel sira mos utiliza tan lia fuan sira tuir mai hodi refere ba Maromak:

     Iha Antigo Testamento sei mosu tan designação oioin, além de naran sira iha leten ho objectivo atu fortifica deit katak ema Israel sira desde antiguidade adora no fiar deit ba Maromak ida deit (monoteismo). Naran sira be mosu oioin nee hakarak manifesta/expressa deit intimidade entre israelita sira ho Maromak iha aspecto hothotu. Ohin loron ita moris ona iha ambiente Novo Testamento liu hosi revelação Nai Jesus Cristo nian nebe, mai moris iha mundo, terus, mate no moris hias. Infelizmente, ba ida nee ita nia maluk Testemunha JEOVÁ sira rejeita tanba sira fiar katak Jesus laos Maromak tanba nee sira la fiar ba revelção sa tan fiar ba Santíssima Trindade (-Maromak ida deit iha Aman, Oan no Espírito Santo). Precisa sarani Católico sira hatene katak iha Novo Testamento Jesus koalia deit kona ba mistério Maromak nian. Jesus ho nia apóstolo sira tuir costume judeu nian iha altura neba, nunca temi lia fuan Javé sa tan JEOVÁ basá, sira respeita tebes Maromak nia naran hanesan buat sagrado ida. Livro sira Novo Testamento nian utiliza lia fuan grega Kyrios=Nai/O senhor nudar tradução hosi Edonai wainhira refere ba Maromak. Novidade nebe Jesus hanorin tan iha Novo Testamento mak; bolu Maromak ho lia fuan Aman. Maibé Jesus hatan ba sira:“hau nia Aman serviço too ohin, nunee mos hau serviço,…………….”João.5,17-18). Ita mos la haluha katak Jesus hanorin ita oinsá atu reza ba Maromak liu hosi oração AMI AMAN(Mateus,6,9) no seluk-seluk tan. Se ita lee no reflete didiak Jesus nia doutrina sira iha Novo Testamento kona ba Maromak, Jesus nunca utiliza liafuan Javé nem JEOVÁ. Jesus dala barak temi liu mak Maromak nudar AMAN atu sarani sira sente besik liu ba Maromak no sente mos Maromak nia laran diak.

     Atu maluk Católico sira keta monu ba doutrina falsa JEOVÁ sira nian, precisa ita hatene katak iha Bíblia testemunha JEOVÁ nian temi lia fuan<<JEOVÁ>> dala 237. Ida nee erro boot ida nebe JEOVÁ sira halo. Afinal iha Bíblia lolos nian, liliu Novo Testamento temi Maromak ho liafuan Kyrios=o Senhor/Nai iha lian grega no Edonai=Nai iha lian hebraica/judeu. Iha Novo Testamento mos temi barak liu liafuan <<AMAN/Pai>> no <<NAI/Senhor>>, maibé nunca temi <<JEOVÁ>>. Testemunha JEOVÁ sira altera laifuan hirak nee hodi hatudu deit katak sira la fiar Jesus nudar Maromak liliu revelção Maromak nian nebe hetan plenitude iha Jesus Cristo rasik.

4) Característica doutrinal entre Católico sira ho Testemunha JEOVÁ nian: (a).Católico Fiar ba Santíssima Trindade; (Aman Maromak, Oan Maromak no Espírito Santo Maromak) nudar Maromak ida deit. Maibé, Testemunha JEOVÁ La fiar Santíssima Trindade tanba adora fali Maromak tolu kedas. (b).Católico fiar katak; Jesus mak: Messias, Salvador, Maromak Oan. Maibé, Testemunha JEOVÁ dehan Jesus nee, Criatura Maromak JEOVÁ nian (saseluk husi são Miguel Arcanjo), Jesus laos Maromak. (c).Católico sira; Considera amu Papa(santo Padre) nudar vigário de Cristo, successor de são Pedro, pastor da Igreja Católica Universal. Maibé, Testemunha JEOVÁ; La considera Papa basá, Papa nee la iha poder, Papa nee ditador nebe represente diabo(satanismo) iha mundo. (d).Católico Fiar katak; Igreja, Jesus Cristo mak harii hafoin tau fiar hela ba Apóstolo sira molok sae ba lalehan. Maibé, Testemunha JEOVÁ dehan; Igreja CARLOS TASE RUSSEL mak harii iha tinan 1876, laos Jesus mak harii. (e).Católico Fiar katak; Oração Credo nudar profissão de fé. Maibé, Testemunha JEOVÁ dehan; La precisa Credo tanba laos mai hosi Maromak JEOVÁ. (f).Católico reconhece sacramento hitu(7):Baptismo, Crisma, Eucaristia, Confessa, Mina sarani, Ordem no Matrimónio, basá, Sacramento mak sinal visível no eficaz atu Maromak nia graça too mai ema. Maibé, Testemunha JEOVÁ dehan; Sacramento la importante. Fiar deit ba Maromak JEOVÁ too ona. (g).Católico Fiar ba Cruz nudar sinal salvação. Maibé, Testemunha JEOVÁ dehan; Cruz nee ai baibain ida tanba ema la prega Jesus iha Cruz maibé hedi deit iha ai hun boot ida. (h).Cristão Católico respeita Nain Feto hanesan Maromak inan no sarani sira nia inan. Maibé, Testemunha JEOVÁ dehan; Jesus laos Maromak tanba nee, Nain Feto laos Maromak inan maibé feto baibain ida. (i).Católico Fiar; Terço nudar devoção ba Nain feto. Maibé, Testemunha JEOVÁ dehan; Adora fali criatura baibain ida manan saida? (j).Católico halo devoção ba estátua no respeita santo sira. Maibé, Testemunha JEOVÁ dehan; nee Idolatria basá adora fali estátua sira ho santo sala nain sira.

Sei iha tan característica doutrinal seluk maibé, pontos balu iha leten too ona atu Católico hatene oinsá doutrina JEOVÁ nian. Precisa mos atu sarani Católico hatene katak; ohin loron iha Timor Leste, Testemunha JEOVÁ ho nia adeptos sira haklaken sira nia doutrina hosi uma ba uma (door to door) hodi fahe mos osan ho livro ba sira nebe fiar ba doutrina foun nee. Iha fatin balu, sira mosu ba hanesan NGO internacional hodi loke kursus lian Português, Inglés, kursus computador gratuitamente (gratis) no la haluha mos inclina ema sira tuir curso nee ba kursus Bíblia JEOVÁ nian. Buat seluk nebe interessante mak; JEOVÁ sira wainhira tama uma sai uma, sira fingi lori livro Liafuan Diak(Novo Testamento) Católico nian hodi desvia no atrai sarani Católico sira nia fiar. Dala barak sira ba vizita fatin povo mukit sira no kbiit laek sira iha fatin barak iha Timor laran hodi fahe osan no dada ema inocente sira tama ba sira nia religião falsa nee.

Conclusão;Tanba limitação espaço, ami taka artigo nee ho esperança katak maluk Católico sira bele simu existência seita sira iha Timor hanesan exame(ujian) ka provação ba ita nia fiar no fidelidade ba ita nia religião Catóilica. Horas nee, it abele observa; Se se mak monu duni ba testemunha Jeová nia doutrina tanba osan no se se mak fiar metin hanesan riin besi asu. Ema matenek anónimo ida hakerek nunee; Gold is tried by fire, brave man by adversity. (-emas murni diuji dengan api, manusia (-orang Katolik) yang berani diuji dengan kesulitan/kehadiran sekte-sekte. Hanoin hikas Nai Jesus nia liafuan; ema nebe hakarak tuir hau, lori nia Cruz (laos osan no doutrina JEOVÁ sira nian)hodi tuir Hau. Precisa ita hatene katak objectivo principal seluk hosi existência Seita sira ohin loron tama rebrebo iha Timor nee, a nível mundial mak; sira hakarak hamonu no halo fraco tiha influéncia Igreja Católica-apostólica iha mundo, liliu influéncia Santo padre(Papa) iha Vaticano ba mundo. A nível nacional mak; Seita sira tama iha Timor hodi harahun (quebra) tiha tradição Catolicismo nebe forte tebes iha Timor. Iha parte seluk, nação barak liliu nação super power sira iha interece makas ba rai Timor nia Riku-soin. Sira haree Igreja Católica hanesan barreira (penahan) ka tropeço (batu sandungan) ba interece sira nian. Então, atu destroi tiha barreira nee, nação hirak nee ongkos Seita oioin tama mai Timor hodi harahun tiha sarani Católico sira ba grupo/ igreja oioin, harahun Igreja ba Seita oioin atu quebra tiha tropeço nebe existe iha Igreja Católica. Wainhira sarani sira hafahe ba grupo religião ka seita oioin, então fácil tebes atu ema soran Timor oan sira oho malu. Meio seluk, ema sei soran Timor oan sira liu hosi partido político sira, la haluha mos grupo arte marciais sira. Wainhira Timor oan nia unidade rahun, wainhira fiar fahe mak, ita Timor sei funu-oho malu enquanto ema seluk tuur hamnasa hahaek hodi aproveita tama barbarak mai tan hodi naok no goza ita nia Riku-soin nebe la nahas. Sarani Católica sira mos tenke sensível/matan moris-neon nain katak ita nia constituição RDTL mos fo liberdade religiosa ba ema hotu atu hili no fiar religião nebe sira hakarak. Se ita hadomi rai Timor, mai ita hamutuk harii Timor, hametin fiar atu ita bele conserva ita nia riku-soin sira ba geração aban bainrua nian. Jesus rasik hateten:”matan moris ba, atu ema labele lohi imi!// Acautelai-vos para que ninguém vos iluda (Marcos, 13,5).=atu ema labele convece imi nia fiar ho osan basá osan la sosa salvação.

Jesus dehan:”HAU MAK DALAN, LIA LOOS no MORIS//EU SOU O CAMINHO, A VERDADE E AVIDA(Jo 14,6)”; Evangelho nunca temi Jeová mak dalan, lia loos no moris. Passagem ida nee tulun atu ita reflecte no hanoin fila fali ita nia fiar ba Jesus Cristo nebe saran-an ba mate atu liu hosi Nia mate no moris hias, ita mos hetan netik esperança ba salvaçào no moris hias ho Jesus nebe mate hafoin moris hias hosi mate.

Hanesan Papa Bento XVI dehan iha ninia Enciclica SPE SALVI katak; ho fiar deit mak ita sei ba atingi salvação (osan la sosa salvação wainhira ita mate).

Testemunha jeová ho maluk protestante balu, Sira mos Domingo-Domingo finge ba visita no reza ba maluk Católico sira nebe moras iha hospital hafoin atrai maluk hirak nee fiar sira nia doutrina.

Keta haluha katak: adeptos testemunha Jeová sira lorloron sikat leet no hein hela Católico sira iha fatin paragem ka terminal sira iha Dili laran hodi fahe gratis livro sira hanesan SEDARLAH ho MENARA PENGAWAL ho livro seluk tan. Wainhira ema ruma simu livro nee, adeptos sekte testemunha Jeová sira sei convida ba tuir encontro iha Bidau. Nee duni, sarani Católico sira tenke matan moris neon nain ba ema estrangeiro ho Timor oan balu nebe horas nee sai uma-tama uma hodi fahe livro no haklaken Doutrina bosok sira nee.

Amu Bispo Dom Basílio dala ida dehan; Igreja Católica bele halo diálogo ho Igreja Protestante sira ou ho muçulmano sira maibé, ho secte sira la iha Diálogo. Ita mos bele husu, uluk tempo funu durante tinan 24 nia laran, testemunha Jeová sira ba iha nebe? Testemunha Jeová halo saida ba rai Timor?

Precisa mos sarani Católico sira hatene katak; horas nee, membro secte testemunha Jeová sira mai husi nação oioin hanesan; Japão, Australia, América, Filipina, Indonésia, Singapura, Nova Zelándia, …. nst. Sarani nebe diak, tenke hatene defende nia religião no la atrai we baptismo nebe nia simu ona desde ita moris mai. Bem Haja.***sei continua………!(Ignas Lopes/77750416).

 





Komentario :


Prense Komentario :
Naran :
Website :
Komentario
 
 (Hatama kode 6 iha leten)

 

Notisia Seluk

CONSELHO IMPRENSA INFORMA SERVIÇO BA PRESIDENTE DA REPÚBLICA

RTKNews,(edição Sexta-Feira 16/03/2018); Dili-Presidente Conselho Imprensa/ Virgilio da Silva ...

EX-PRIMEIRO MINISTRO LANÇA PLANO AÇÃO NACIONAL RESOLUÇÃO CONSELHO SEGURANÇA ONU 1325

RTK News, edição Sexta Feira 21-10-2016 :  Primeiro Ministro Rui Maria de Araújo Quinta feira nee ...

CHAMADA HODI CESSAR-FOGO IHA FUNU IÊMEN NIAN, WAINHIRA LIUTIHA BOMBARDEIO

RTKNews,(edição Terça  Feira 18/10/2016);Dili-SBS World News Radio: ...

ATAQUE CONTRA ACAMPAMENTOS ISIS NIAN, LAOS HO VINGANÇA

RTKNews,(edição Terça  Feira 18/10/2016);Dili-Rádio ...

Programa Seluk

RONA NO HALO TUIR

HAU NIA INAN NO MAUN ALIN SIRA MAK; SIRA NEBE RONA NO HALO TUIR MAROMAK NIA LIAFUAN  (Husi ...

“JESUS MAK PAO MORIS”.

Belun Católica doben sira hotu, ohin ita tama ba domingo sanulu resin-sia tempo  ...

“EMA NEBE HAN AI-HAN NEE, NIA SEI MORIS BA NAFATIN”

LEITURA NO REFLEXÃO BA DOMINGO XIX TEMPO COMUM Primeira Leitura Lia hosi Livru Liurai sira ...

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, NIA

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, ...

IMI BUKA HAU, ...TAN IMI HAN PÃO TOO BOSU DIDIAK

LEITURA BA DOMINGO XVIII TEMPO (COMUM) BAIBAIN. Primeira Leitura: Lia housi Livro Êxodo (Ex ...

Hit Counter

Visita Ohin Loron : 824
Total Visitor : 1406469
Hits Ohin Loron : 6433
Total Hits : 10149732
Online Hela : 14