.:Radio Timor Kmanek Lian Nain Feto
.:: 2017 Tinan Sagrada Escritura : Moris Ba Biblia, Iha Biblia, Ho Biblia, No Husi Biblia ::.


Programa Detalho

DEMOCRACIA IHA TIMOR-LESTE

Image 03

             Democracia mai husi dalen grego δημοκρατία (dēmokratía) "poder popular”. Husi liafuan demos significa povo no kratein katak governo. Simplesmente, ita bele defini Democracia nee “poder” iha povo nia liman.Tradicionalmente, tuir Plato no Aristoteles nia hanoin; Democracia hanesan kbiit povo ki´ak sira hodi luta hasoru interesse rico nain sira. Iha secúlo XX, Democracia entende hanesan; (a) forma extrema husi povo, (b) forma moderada; cidadão hot-hotu iha oportunidade no prosperiadade hanesan (igualidade).

Tuir Abraham Lincoln, Civil Rights Activist, Lawyer, U.S. Representative, Presidente EstadOs UnidOs América (1809–1865), Democracia katak; governo nee mai husi povo ho povo no ba povo.Wainhira ita koalia kona ba Democracia, nia contexto iha ligação ho direitos humanos (reciprocidade) tamba Democracia sei la funciona bainhira valor direitos humanos la existe no tau iha prática ka realidade moris ema nian.

História direitos humanos, hahú desde filósofo Británico; John Locke, formula direito natural (Natural rights) nebe mak existe naturalmente iha existência moris humano: direito ba moris, direito ba liberdade no direito ba propriedade. Nunee, tuir mai resultado mosu tan acontecimento importante iha mundo oeste hanesan Magna Charta, Revolução América no Revolução França (Liberty, Fraternite e Egalitte).

Basea ba processo ida nee, tuir mai iha século XX, presidente Estados Unidos da América (1933 –1945); Franklin D. Rooselvelt introduz conceito 4 liberdade nian, nebe ita bele introduz ba “liberdade” iha processo Democracia Timor-Leste nian nudar nação democrático:

            Liberdade religião (freedom of religion); Molok português sira hahú halo contacto ho povo Timor(1512), organização social Timor oan existe nanis ona ho tipo patrimoniál. Iha nível religioso, população Timor prática ona religião tradiconal; fiar ba matebian/beiala, lulik no uma lulik. Doutrina Catolicismo hahú introduz iha ilha Timor husi missionário Dominicano portugués sira hafoin iha tinan 1556, maibé iha processo Evangelização nee, missionário sira enfrenta dificuldade barak. Tamba nee, desde tinan 1875, actividade missionária depende ba ordem bispo Macau nian. Hafoin, tinan 1885 mak bispo iha Macau nomeia, Padre Medeiros hodi restaura hikas acção missionária iha Timor. Nunee, tuir mai Jesuita sira hakat tuir ain leut ida nee no iha tinan 1898, sira mós estabelece Colégio de Soibada.Tuir mai, hafoin liu husi assinatura concordata no acordo missionário iha loron 7 de maio de 1940 no publicação estatuto missionário iha loron 5 Abril 1941, Igreja Católica hetan no iha ninia autoridade hodi livre halao nia knaar, nunee Missão Católica:“(...)consideradas instituições de utilidade imperial e sentido eminentemente civilizador (...)”, ficaram com a liberdade de expansão para exercerem formas de actividade que lhes eram próprias, nomeadamente para fundar e dirigir escolas, e os missionários, não sendo funcionários do Estado, eram considerados “(...) como pessoal em serviço especial de utilidade nacional e civilizadora (...)”que deviam consagrar-se exclusivamente “(...) à difusão da fé Católica e à civilização da população indígena (...)”. Basea ba documento legál ida nee, liu tiha Funu Mundial Daruak (II), estabelecimento Diocese nebe situada/localiza iha Díli, hili Dom Jaime Garcia Goulart, hodi halao knaar nudar Bispo ba dahuluk hodi difusa tan Cristianismo no estende tan espaço missionário ba fiar Católica nian. Nunee, maske iha processo aculturação, wainhira Indonésia invade território Timor no Timor sai hanesan província ba 27 Indonésia nian. Hafoin, Invasão loron 7 Dezembro 1975, identidade cultural Timor oan sai heterogéneo liu tan. Nunee, existe além de Timor oan barak mak converte ba religião Católica, mosu mós comunidade muçulmana inclui Confucionismo, Budismo no Tauismo husi antecidéncia comerciante Xina iha Timor.

Tuir dados estatística 2010, husi total 1.066.582 habitante, 96.9% hanesan Católico Romano; 2,2% hanesan protestante/evangelismo; 0,3% hanesan muculmano no 0,5 hanesan prática ba religião seluk. Maske dados justifica katak maioria população iha Timor-Leste ho religião Católica, maibé sarani Católica sira hatudu nafatin nia toleráncia no respeito ba maluk muculmano inclui religião seluk. Nunee, Ex-Presidente Centro Comunidade Islamico de Timor-Leste (CENCISTIL); H. Arif Abdullah Sagran hateten: Timor-Leste exemplo diak ida ba mundo tomak, quando haree liu ba nia toleráncia moris entre religião wainhira iha entrevista ho Jornal Nacional Diário (JND), terça-feira, 29/07/2014 iha momento nebe marca mós presença husi Primeira Dama TL; Dra. Isabel Fereira Ruak, nebe representa Presidente da República. Nunee, H. Arif Abdullah considera acto nee hanesan dalan ida hatudu duni ba mundo katak Timor Leste sai ona exemplo diak ba mundo kona ba moris harmonia entre religião.

            Liberdade ba expressão (freedom of speech); Timor-Leste hafoin restaura nia independéncia iha loron 20 fulan Maio 2002, iha loron 22 fulan Maio no tinan hanesan, liu husi membro Assembleia Constituante aprova Constituição República Democratica de Timor-Leste (RDTL) hanesan lei-inan ba Timor-Leste nebe consagra no garante mós iha lei refere, liberdade ba expressão no informação (Artigo 40º) nomós liberdade ba imprensa no ba meio ba comunicação social (Artigo 41º) inclui Sufrágio Universál no Multipartidarismo (Artigo 7º). Princípio fundamentál Constituição RDTL nebe hanesan mós garante iha Direito Universal Direito Humano (DUDU) Artigo 19º (Todo o indivíduo tem direito à liberdade de opinião e de expressão, o que implica o direito de não ser inquietado pelas suas opiniões e o de procurar, receber e difundir, sem consideração de fronteiras, informações e idéias por qualquer meio de expressão). Nunee, média hanesan órgão dahat hafoin órgão legislativo, executivo no jurídico sai hanesan meios ida importante hodi garante “boa governação” hodi valoriza povo nia lian nebe sira fó liu husi eleição nomós ba ukun nain sira hodi halo comprimisso atu promove governação diak hodi evita conflito de interresse no considera Constituição mak “supremo” hanesan lei fundamentál hodi regula lei oan sira hotu: Decreto-leis, diploma ministérial no rezolução sira hodi garante cidadão hotu atu hakruuk ba lei, la haree ba genéro no classe social ka halo impunidade.

               Tuir dicionário Priberam da língua portuguesa, governação katak Acto ou modo de governar. Definição gerál governação, iha Banco Mundial nia documento: Governance and Development(1992), governação katak:“The exercise of authority, control, management, power of government”. Hahu ba definição sira nee, “boa governação” iha sentido rua mak hanesan:(a) valores nebe hahi aas tebes kona ba interesse cidadão nian li-liu valores sira nebe atu hasae capacidade cidadão oinsa atu atinji objéctivo nacional no indepedência iha desenvolvimento sustentável, (b) Aspecto funcional husi governo nebe efectivo no eficiência iha knaar desenvolvimento nacionál.Tan média iha papel atu garante cisrculação de comunicação ba malu hodi facilita transparência pública (sai Cão da Guarda/anjing oenjaga) hodi halo “Social Control” atu bele garante; (a). princípio de acuntabilidade/acuntability; obrigação husi governante sira atu halo acção haktuir ba responsabilidade ba lalaok sira, hanesan; “kebijakan/policy” nebe sira hakotu; (b). princípio de transparência/transparency; governação diak tenke iha transparência ba cidadão/ ema hotu iha nível governo centrál, regionál no município too administração locál; (c). Princípio nakloke; katak pronto atu simu ideias ou críticas husi cidadão hotu liu liu ligado ho policy(kebijakan); (d).Princípio de legalidade/rule of law; garante governação ida diak tenke iha característica kona ba oinsa atu promove no assegura lei no justiça ba ema hotu, ligado ho decisão política nebe mak iha.Tamba nee, liberdade imprensa hanesan meios ida atu consolida Democracia no promove participação social no respeita valor pluralismo husi cidadão hotu.

                        Liberdade ba moris diak (freedom of wants):Iniciativa ba ukun rasik-an (indepedência) povo Timor nian hahú kedas desde Liurai no nia reino sira luta  contra colonização Portugués iha período durante século haat ho balun (CCCCVX). Hafoin “Revolução dos Cravos”liu husi lei nº 7/74 loron 27 de Julho, Conselho Revolução iha Lisboa manifesta aceitação indepedência ba território ultramarino sira inclui Timor Portugés, nunee fó possibilidade ba Timor oan hodi cria no hamosu partidos maibé nia resultado mosu “Guerra Civil”. Maske nunee, wainhira Timor liu husi FRETILIN halo proclamação Indepedéncia Unilaterál, Timor hetan Invasão husi força Indonésia iha dia 7 de Dezembro de 1975. Nunee, durante tinan 24 nia laran, Timor oan sacrifica nia vida no rico soin ho meios nebe limitado buka luta hasoru ocupação Indonésia. Enquanto, liu husi processo nebe dificil ikus mai lori Timor oan sira ba iha votação 30 de Agosto de 1999 hodi concretiza autodeterminação ho resultado 78,5% (kuaze população 344.580 hili indepedência) no 21,5%  (população hamutuk 94.388 mak rejeita indepedência). Resultado referendum fó sai husi Nações Unidas iha loron 4 de Setembro de 1999. Nunee, slogan “Liberta Pátria, Liberta Povo”; parte liberta pátria nian consegue realiza hodi ohin loron Timor oan sira aproveita maibé, liberta povo sei sai hanesan desáfio ida ba estado no governo Timor-Leste inclui povo sira rasik tamba seidauk iha investimento nebe efectivo ba área produtivo (turismo, agricultura, infra-estrutura,... nst) hodi garante moris diak ba cidadão hotu-hotu.

            Liberdade husi tauk (freedom from fear); Consequência colonização no ocupação cria “aculturação” nebe mós psicológicamente afecta mós ba cognitivo, psicomotórico no afectivo cidadão ida-idak nian nunee interpreta Democracia la ho sasukat maibé ho “ponto de vista subjetivo”. Tamba nee, individuo ka grupo nebe utiliza direito cidadania ba Liberdade de Associação (Artigo 43) tuir Constituição RDTL sem iha visão no missão nebe claro no mos “objectivo”prejudica cidadão seluk hodi aproveita no goza direito ba liberdade, segurança no integridade pessoál (Artigo 30) lei inan TL ho máximo  no mós ukun fuan Maromak nian; Hadomi ema seluk hanesan ita-an rasik. Tamba nee, implica ba valor família nian hodi resulta no hamosu violência domêstica, violação hasoru menor idade, intimidação no seluk tan hodi fó impacto ba mentalidade Timor oan rasik hodi la sente livre ho digno iha nia rain rasik, iha família no sociedade.

            Nunee, hakerek nain conclui katak abut Democracia atu metin no buras iha Timor-Leste, nudar cidadão diak, importante atu tane nafatin ita nia valor cultural no religião hodi garante no respeita direito fundamentál cidadão nian, nudar Maromak oan no geraçao foun Timor. Tamba, basea ba indeks democracy ranking (2014), nebe fó sai husi Institute of Science Communication and Higher Education Research (WIHO), entre nação 121, Democracia Timor-Leste nia total score (2009-2010) foin atinge percentagem 52.1% no (2012-2013) ho percentagem 53.2%. * Rafael Ximenes de Assis Belo-“RAFY”; Estudante Comunicação Sociál-UNTL, (Email: rhaffy@sapo.tl).

Referéncia:

Caetano, Joaquim, at all, (2012), Fundamento da comunicação, edições sílabo, 2ª ediçao, P. 235.

Http://democracyranking.org/wordpress/ranking/2014/data/Scores_of_the_Democracy_Ranking_2014_a4.pdf

Http://www.triplov.com/miguel_garcia/timor/portug.html

Http://pt.wikipedia.org/wiki/Hist%C3%B3ria_de_Timor-Leste

Http://paschall-ab.blogspot.pt/2011/08/lepasnya-timor-timur-dari-nkri.html

 





Komentario :


Prense Komentario :
Naran :
Website :
Komentario
 
 (Hatama kode 6 iha leten)

 

Notisia Seluk

CONSELHO IMPRENSA INFORMA SERVIÇO BA PRESIDENTE DA REPÚBLICA

RTKNews,(edição Sexta-Feira 16/03/2018); Dili-Presidente Conselho Imprensa/ Virgilio da Silva ...

EX-PRIMEIRO MINISTRO LANÇA PLANO AÇÃO NACIONAL RESOLUÇÃO CONSELHO SEGURANÇA ONU 1325

RTK News, edição Sexta Feira 21-10-2016 :  Primeiro Ministro Rui Maria de Araújo Quinta feira nee ...

CHAMADA HODI CESSAR-FOGO IHA FUNU IÊMEN NIAN, WAINHIRA LIUTIHA BOMBARDEIO

RTKNews,(edição Terça  Feira 18/10/2016);Dili-SBS World News Radio: ...

ATAQUE CONTRA ACAMPAMENTOS ISIS NIAN, LAOS HO VINGANÇA

RTKNews,(edição Terça  Feira 18/10/2016);Dili-Rádio ...

Programa Seluk

RONA NO HALO TUIR

HAU NIA INAN NO MAUN ALIN SIRA MAK; SIRA NEBE RONA NO HALO TUIR MAROMAK NIA LIAFUAN  (Husi ...

“JESUS MAK PAO MORIS”.

Belun Católica doben sira hotu, ohin ita tama ba domingo sanulu resin-sia tempo  ...

“EMA NEBE HAN AI-HAN NEE, NIA SEI MORIS BA NAFATIN”

LEITURA NO REFLEXÃO BA DOMINGO XIX TEMPO COMUM Primeira Leitura Lia hosi Livru Liurai sira ...

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, NIA

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, ...

IMI BUKA HAU, ...TAN IMI HAN PÃO TOO BOSU DIDIAK

LEITURA BA DOMINGO XVIII TEMPO (COMUM) BAIBAIN. Primeira Leitura: Lia housi Livro Êxodo (Ex ...

Hit Counter

Visita Ohin Loron : 154
Total Visitor : 1431163
Hits Ohin Loron : 387
Total Hits : 10284554
Online Hela : 5