.:Radio Timor Kmanek Lian Nain Feto
.:: 2017 Tinan Sagrada Escritura : Moris Ba Biblia, Iha Biblia, Ho Biblia, No Husi Biblia ::.


Programa Detalho

FAMÍLIA “NUDAR LUTU-MATAN

Image 03

                Moris iha mundo atu servi malu, tamba la iha ema ida moris mesak hanesan rai nebe haketak-an iha tasi klaran (ema ingles sira dehan; (No Man Is An Island). Husi atitude moris hamutuk nee mak haktadak sentimento domin no esperança ba futuro ema nobun nian. Husi hamutuk mak hatudu valor ema nian hanesan ser social ou ser relacional.

                Maibé, moris hamutuk mos hakous hela desafios lubuk ida ba futuro ema wa’in nian, liu husi fenómeno nebe naklekar-an hela iha sociedade nia matan. Husi efeito hirak nee, sadik ita nia kakutak (ratio) atu hanoin klean hodi buka nia causa, kadi ita nia consciência atu halo discernimento.

 

                Ohin loron óleo-pesado quase haroman ona knua hotu Timor oan sira nian, maibé família wa’in mak matan sei nakukun hodi destroi murak mean moris família nian, no prática atitude amoral no deshumano iha família nia moris iha knua sira be ita hamahan-an ba.

                Mudança climática mosu mos iha família, harahun taka baluk família nian hodi halakon nia mahon, muro Berlin família nian naksobu ona ho força libertinagem nian. Libertinagem significa liberdade sem regra ou liberdade incontrolado; ema ida diak halo tuir nia hakarak deit. Iha situação hanesan nee, ita sei iha esperança no garantia katak família mak lutu-matan ba futuro ita nobun nian?

 

Tuir mai, ita ba haree hamutuk ponto principal tolu nebe ita nia belun Frater Inocêncio Barreto elabora ona iha hanesan:  (1). Família: “liras tohar”, (2). Se mak hau nia família no (3). Família ha’e roman no mahon.

 

Mai ita ba haree pontos tolu nee, ida por ida.....................!

1. Família: “liras tohar”

        Ema nia acção harii iha pilares rua fundamental liu mak razão no vontade. Konaba ba nee, autor místico S.Tomás de Aquino afirma:“para querer a vontade deverá ser movida pela inteligência”; Katak ita nia vontade tenke ilumina husi razão no aspecto rua nee sempre lao hamutuk. Tamba ema nia vontade sem limite, maske ema limitado iha tempo no espaço.

 

Ema por natureza livre, maibé limitado, tamba existe mos ema seluk. Nee duni, precisa hetan roman husi razão atu decide ema nia moris ho maneira nebe justa. Se la nunee, ema continua moris iha cruzamento: la hatene atu hakat husi nebe no atu ba nebe. Pior liu haluha-an katak nia mai husi nebe.

                Reflete ba família nia moris, dala wa’in sei hela nafatin iha cruzamento. Maske consciente hela ba nia existência, nia knaar, maibé la iha firmeza no kbiit atu conduz ba roman be ema wain hein hela, katak:“o futuro da humanidade passa pela família”. Frase ida nee mak lia-fuan tatakan ba exortação apostólica “famíliaris consortio”, São João Paulo II nian (p.56). Husi nee hatudu duni família nia knaar nebe fundamental liu ba sociedade nia moris ohin loron. [Tamba husi família mak forma sociedade, forma Igreja no nação. “Sem família nada sou, sem família não existe Igreja e nação. Família mak “lu’ut” futuro pessoa ida nian no hamahan hodi nia liras rua aliás Papá-Mamá. No ikus mai tane no bali husi sociedade.] Tamba nee, família precisa duni roman ida be la nahas, atu leno nia moris; dalan ida be la kotu, hodi tutan lalehan no rai; no wé-matan moris nian be la maran, hodi hasuli bebeik, neneik no nafatin historia humanidade nian. Kmanek hirak nee só iha Cristo, be haroman ona ho lia-los, hatudu ona ho Nia domin no hamoris ona husi Nia futar Isin no Ran rasik (cf. Jo 14,6). Maske nunee, família wa’in la iha biban atu moris tuir exemplo kmanek sira nee. Tamba sa? Primeiro, tamba la moris tuir valor sacramento matrimónio nian nebe Santa Kreda consagra tiha ona ba kaben-nain sira. Segundo, tamba la iha domin nebe aberto/nakloke/terbuka/comunica iha família nia laran. Terceiro, tanto feto-tanto mane, monu ba adultério tamba la iha auto-controlo ba vontade/paixão/ambição, hodi hakuak ema seluk nebe la’os pertence ba nia no nia kbiit rasik la permite. Efeito husi nee mak halakon harmonia família nian, harahun taka-baluk domin lulik nian no ikus mai halo família nia liras tohar no la bele lu’ut tan futuro nebe saudável ba sociedade liliu ba oan sira.

       Kona ba nee, Padre Pio Kila dehan:“mentalitas seseorang sangat mempengaruhi dan menentukan perilaku dalam kehidupan sehari-hari”. Significa pessoa ida nia hanoin, hahalok no acção determina tebes sociedade nia vida. Tamba nee, família mak fatin no mahon uluk liu ba ema ida nia formação integrada. Família la’os educa deit maibé forma ema nia ser total. Tamba educa ema fácil maibé atu forma ema ida integradamente nee difícil. Maske difícil maibé laos impossível. Sempre possível quando família iha duni  compromisso atu forma ema ida ba futuro be kmanek liu.

 

2. Se mak hau nia família

                Afirmação nee Cristo rasik mak tenik, wainhira Nia inan no maun alin sira buka tuir Nia. Cristo nia inan no família sira preocupado ho Jesus nia presença iha sociedade. Tamba la iha biban ba Jeusu atu convívio ho Nia família rasik (cf. Mc 31-35). Nee hatudu responsabilidade no dever humana família nian, atu bali oan sira iha knaar hotu moris família nian. Maibé ita nia realidade actual oin seluk. Oan barak nebe tanis lian laek, tamba família abandona total no tamba amor livre. Ida nee halo bebé barak sai vítima hodi lakon sira nia vida. Bebé nia knua mak lixo fatin, bebé nia isin mak ai-han diak ba animal no bebé nia ran mak animal nia wé hodi fase ibun. Oan sira simu pancada husi inan tamba aman sira la responsabiliza. Oan barak sai vítima sexual husi nia família rasik, maske oan defende-an, maibé tenke simu tamba la iha kbiit. Nee duni, questão “se mak hau nia família?” sai ponto de reflexão ba ita nobun be koko domin lulik família nian.

        Lakon domin lulik família nian, halakon mos murak mean be Igreja no nação hein hela husi nia. Katak família liras tohar, tamba domin la completo ba oan sira. No grave liu quando liras rua tohar hotu, tamba la iha liu liras ida husi papá ka mamá atu hamahan no bali netik oan sira, iha tempo sira precisa. Nee duni, Santa Kreda hafanun hikas família hodi tenik:“memang anak-anak merupakan karunia perkawinan yang paling luhur, dan besar sekali artinya bagi kesejahteraan orang-tua sendiri (KGK, p. 415)”. Iha biban ida nee, família sira buka neon matenek atu tetu, neon naroman atu sukat, fuan badinas atu hili ba moris, tamba moris iha imi nia liman rasik, no papá-mamá mak lu’ut duni futuro oan nian. Konaba fen-laen nia papel ba família no sociedade, Tertulianus (padre da Igreja) dehan: “betapa mengagumkan pasangan itu; dua orang beriman, dengan satu harapan, satu keinginan, satu cara hidup, satu pengabdian! Anak-anak dari satu Bapa, abdi dari satu Tuhan! Tidak ada pemisahan antara mereka dalam jiwa maupun dalam raga, tetapi sungguh dua dalam satu daging. Bila dagingnya satu, satu pulalah roh mereka”. Too ponto ida nee significa, la iha ema ida bele haketak domin lulik nebe Maromak tau hamutuk no  iha domin lulik nee mak sai lutu-matan ba criação contínua.

 

3. Família ha’e roman no mahon

        Condição existencial nebe ema moris nescessita iha nia vida quando sei sama-ain iha planeta rai nee, la seluk la leet mak roman no mahon. Tamba ema la iha biban atu haksumik-an iha nakukun no la iha kbiit atu resiste iha manas no udan. La soi ba ema atu moris iha sociedade, quando família la cria condição rua nee iha uma-kain. Tamba família mak lutu-matan no luhan uluk liu, ba ema ida atu dada-is iha mundo nee. Família mak Igreja doméstica, ba formação humana, espiritual no educação. Mundu nia furak, ksolok, susar-tanis, oan sira hahú sente kedas ba dala uluk iha nia família. Nunee duni oan sira dehan: “husi imi ami mai, no ba imi ami serbí”. Fruto nebe oan sira hetan husi inan-aman mak sei fo fila hikas ba família no sociedade. Kona ba nee Padre Pio Kila dehan: “Dari perilakunya, orang lain dapat mengetahui pikirarannya (positif/negatif); dari buahnya orang mengenal pohonnya dari kelimpahan hati nurani seseorang berbicara (ex abundantia cordis, os loquitur).” Tamba nee, família matan moris neon na’in ba, katak imi mak “lu’ut futuro” tanto di’ak ka aat. Sociedade, Igreja no nação ajuda inan-aman hodi tane no bali. Tamba husi família mak délun ida sei tubun no nakbo’as ba esperança futuro Igreja no nação nian. Futuro humanidade nian haksumik-an iha família, husi nia mak revela ba mundo segredo tomak ema moris nian.

 

Família Católica doben sira.........................! Atu taka elaboração nee, ami hakarak resumo deit katak: La iha oan ida nebe moris iha mundo nee sem Papá-Mamá. La iha ema ida mak moris iha mundo nee sem família. La iha título Papá-Mamá, se la iha fruto domin lulik nian ha’e oan sira. Nee duni, ema la iha razão inventada atu contra verdade nee. Tamba Cristo rasik mai moris iha mundo, liu husi família simples José-Maria forma família Nazaré nian, hodi dignifica valor domin lulik família nian. Hanesan bebé be foin moris mai ho mata-wen, maibé ema wa’in simu nia ho ksolok. Nunee mos, Inan-aman sira halerik, no tenke tanis duni tan hadomi moris no hakarak oan sira nia diak, atu fo ksolok ba sociedade. Nunee,  ho domin, Cristo convida papá-mamá: “mai besik Hau imi hotu be kole no terus; Hau sei fo kmán ba imi. Simu Hau nia ukun DOMIN hodi moris tuir, tan Hau laran kmaus no haraik-an. Imi sei hetan hakmatek ba imi nia klamar (Mat 11, 28-29)”. Tamba nee S. João Paulo II, dehan: “Devem amar particularmente a família. É o que concreta e exigentemente vos confio. Amar a família significa saber estimar os seus valores e possibilidades, promovendo-os sempre. Amar a família significa descobrir os perigos e os males que a ameaçam, para poder superá-los. Amar a família significa empenhar-se em criar um ambiente favorável ao seu desenvolvimento.” Katak lalehan sei sadia, rai sei tane imi - “inkai nor au-ama=mamá-papá” - nia kolen no domin, nebe luan hanesan tasi no as hanesan lalehan, mai oan ami. 

 

Hein katak inan-aman sira bele foti netik sentido ruma husi programa nee hodi sai hanesan bukae hodi hatene oinsa forma uma kain nebe metin hasoru desafio no tentação sira. Fr Inocêncio Barreto *Seminarista 1o Ano de Teologia-estagiado iha Paróquia Letefoho).

 Fontes

· Biblia Sagrada, versão dos textos originais, difusora Bíblica, Franciscanos, Lisboa.

· Katekismus Gereja Katolik (KGK), Konferensi Waligereja, Regio Nusa Tenggara, 2007.

· PAULO, João II, Famíliaris Consortio, Exortação Apostólica, 1980.

· KILA, P. Pius, SVD, Keluarga Beriman, dasar komunitas basis gereja, Obor, 2005.

 

 





Komentario :


Prense Komentario :
Naran :
Website :
Komentario
 
 (Hatama kode 6 iha leten)

 

Notisia Seluk

CONSELHO IMPRENSA INFORMA SERVIÇO BA PRESIDENTE DA REPÚBLICA

RTKNews,(edição Sexta-Feira 16/03/2018); Dili-Presidente Conselho Imprensa/ Virgilio da Silva ...

EX-PRIMEIRO MINISTRO LANÇA PLANO AÇÃO NACIONAL RESOLUÇÃO CONSELHO SEGURANÇA ONU 1325

RTK News, edição Sexta Feira 21-10-2016 :  Primeiro Ministro Rui Maria de Araújo Quinta feira nee ...

CHAMADA HODI CESSAR-FOGO IHA FUNU IÊMEN NIAN, WAINHIRA LIUTIHA BOMBARDEIO

RTKNews,(edição Terça  Feira 18/10/2016);Dili-SBS World News Radio: ...

ATAQUE CONTRA ACAMPAMENTOS ISIS NIAN, LAOS HO VINGANÇA

RTKNews,(edição Terça  Feira 18/10/2016);Dili-Rádio ...

Programa Seluk

RONA NO HALO TUIR

HAU NIA INAN NO MAUN ALIN SIRA MAK; SIRA NEBE RONA NO HALO TUIR MAROMAK NIA LIAFUAN  (Husi ...

“JESUS MAK PAO MORIS”.

Belun Católica doben sira hotu, ohin ita tama ba domingo sanulu resin-sia tempo  ...

“EMA NEBE HAN AI-HAN NEE, NIA SEI MORIS BA NAFATIN”

LEITURA NO REFLEXÃO BA DOMINGO XIX TEMPO COMUM Primeira Leitura Lia hosi Livru Liurai sira ...

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, NIA

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, ...

IMI BUKA HAU, ...TAN IMI HAN PÃO TOO BOSU DIDIAK

LEITURA BA DOMINGO XVIII TEMPO (COMUM) BAIBAIN. Primeira Leitura: Lia housi Livro Êxodo (Ex ...

Hit Counter

Visita Ohin Loron : 505
Total Visitor : 1496423
Hits Ohin Loron : 3495
Total Hits : 10648256
Online Hela : 3