.:Radio Timor Kmanek Lian Nain Feto
.:: 2017 Tinan Sagrada Escritura : Moris Ba Biblia, Iha Biblia, Ho Biblia, No Husi Biblia ::.


Programa Detalho

“HAU MAK UVAS HUN LOLOS, HAU AMAN MAK TO’OS-NAIN”(Jo 15,1)

Image 03

“HAU MAK UVAS HUN LOLOS, HAU AMAN MAK TO’OS-NAIN”(Jo 15,1)

Tema: “Igreja mak Povo Israel foun”

Maluk leitor-nain sira hotu!.......Semana kotuk Nai nia Futar Lia hatudu mai ita, Cristo mak ita nia Bibi Atan Diak. Domingo semana nee, ita tama ona ba semana 4 tempo Páscoa nian, São João iha Evangelho capítulo 15, versículo 1 too 8 apresenta mai ita kona ba Cristo mak uvas hun lolos.

Maluk leitor sira!........Pormenor balun nebe ami hakarak partilha relaciona ho leitura sira iha Domingo 5 tempo Páscoa nian:

Primeiro ponto: Jesus dehan Hau mak uvas hun lolos, Hau Aman mak toos-nain. Interpretação balun hateten katak passagem nee compara Jesus nia-An, nudar uvas hun lolos nebe fo fuan diak ho povo Israel, nudar uvas hun nebe la fo fuan diak. La fo fuan diak, tanba povo escolhido nee sempre hatudu fuan to’os, tan lakohi halo tuir Maromak nia ukun fuan. Além de nee, Israelita sira la consegue usa Maromak nia graça no domin be haraik ba sira gratuitamente. Sira la consegue reconhece no moris nudar serviço-nain iha Maromak nudar to’o-nain.

 

Segundo ponto;Evangelho Domingo semana nee hateten momos mai ita katak; Jesus mak uvas hun lolos. Tan Nia fo fuan diak, hatudu resultado nebe soin ba Aman Maromak nudar nain-ba to’os. Fuan diak nebe Jesus manifesta implica Nia comunhão no obediência total ba Aman nia hakarak, hodi saran nia-An atu hamos salan hotu no garante moris rohan laek ba cada indivíduo nebe fiar iha Nia.Habadak lia ita hateten iha Jesus liu husi Nia terus, mate no moris-hias, ita hotu hola parte iha Igreja be Cristo rasik harí, hanesan povo israel foun. Cristo nebe sempre hamutuk ho Aman hodi fo fuan wain, nunee mos Kreda iha nia moris precisa hamutuk ho Cristo. Lialos nee hetan nia confirmação iha parte ikus primeira leitura be hateten: Santa Kreda moris hakmatek iha Judeia tomak, iha Galileia no Samaria; Santa Kreda hamtauk Maromak; hodi Espírito Santo nia tulun, moris nafatin, boot ba dadaun.

Passagem nee hakarak hatudu mai ita katak Igreja moris ho Apóstolo sira nia pregação nebe intervem directamente husi Espírito Santo. Apóstolo sira laos deit prega kona ba Cristo nebe moris hias maibé, hamoris fiar ba Cristo nebe moris hias iha hahalok kmanek apostolado nian. Igreja buras hatuur, hametin, ha-abut no hakesi-an iha Cristo no Cristo rasik horik ho Igreja, ho apostolo sira, nudar Nia hateten ona Hau sei hamutuk ho imi too mundo nia rohan.

Maluk sira!

Evangelho sasin liutan katak sem Jesus ita labele halo buat ida. Katak Uma Kreda nia moris nebe haabut an iha Cristo nee mak hatudu iha Evangelho. Katak, força vital Uma Kreda nian mai husi Maromak. Cristo rasik dehan ona katak Igreja so bele fo fuan barak bainhira horik hamutuk ho Cristo nudar uvas hun lolos no Cristo mos horik ho ita. Cristo nudar uvas hun tenke sai hanesan centro ba Kreda nia moris, ba sarani ida-idak moris. So iha Cristo, hamutuk ho Cristo deit mak ita fo fuan wain, halo Igreja sai buras no kmanek.  

Terceiro ponto: vida prática Uma Kreda. Ponto nee ita hahú hodi husu, oinsa mak Kreda bele hala’o nia moris tuir Cristo nia hakarak? S. Paulo iha segunda leitura hateten ita keta hadomi malu ho liafuan deit, ho ibun tutun deit, maibé hadomi lolos, hadomi ho hahalok. Hadomi nudar ukun fuan kmanek liu nebe Cristo husu mai ita atu hamoris. Ema nebe horik iha Cristo sei moris tuir nia ukun fuan no Cristo nia ukun fuan mak ukun fuan hadomi. Ba nee mak S. Bernardo afirma a medida do amor verdadeiro é amar sem medida, sasukat husi domin lolos mak hadomi la sukat. Ita sei hatudu domin sem fronteira nee iha ita nia moris; hodi hadomi malu, ita horik ho Cristo, hodi horik ho Cristo ita fo fuan wain, hodi fo fuan wain ita halo Igreja sai buras liu tan...buras laos iha liafuan deit maibe iha hahalok kmanek.

 

Lição nebé ita preciso foti nudar buka’e ba ita nia necessidade moris nudar fiar-nain husi Maromak nia Futar liafuan sira iha ita nia tempo, mak nebé?

Ida, Ohin loron serviço missionário iha Igreja ladun reflete loloos buat nebe Jesus husu mai ita. Ema barak lao dook, haketak an husi uvas hun no nia consequência mak la fo fuan. Ou fo fuan karik, fuan nebe ladiak. Moral nudar sarani sai deit naha todan ba ema, legalismo oioin. Sarani lakon nia identidade loloos. Ema balun tau iha questão Igreja nia identidade? Hare ba realidade karik, ita bele dehan ohin loron tan era democracia, ida-idak defende nia direito kiik eh boot. Maibé dala wain ita la hatudu lolos ita nia direito. Por exemplo, respeito malu. Acontece iha ita nia comunidade no família balun katak mosu falta respeito hodi hakilar, hasai liafuan foer, nebe oan sira balun halo hasoru inan aman no ema boot sira. Sei iha tan exemplo seluk, maibé husi exemplo concreto nee ita husu será que halo buat at conforme ida-idak nia hakarak nee mak hanaran direitos humanos? Direito fo fuan la diak iha hahalok no liafuan at sira, nee mak Maromak haruka atu ita hafuan?  

Segunda lição mak nee, Leitura sira ba domingo V iha ambiente pascal ida nee bolu ita atu hanoin fila fali Igreja nebe Cristo harii iha fundamento apostólico, nebe moris ho apostólo sira nia sasin no pregação kona ba Cristo Ressuscitado. Igreja precisa buka fali nia comunhão, moris iha diversidade de perspectiva maibe Cristo mak sempre sai centro ba Igreja nia moris. Igreja buka atu descobre fali nia identidade.

Ohin loron inimigo boot liu ba sarani sira nia moris mak indiferença, rasa acuh tak acuh. Nudar amo papa Francisco hameno mai ita, páscoa tenke lori renovação ba moris. Sarani sira, familia sarani sira buka sai hanesan ilha de misericórdia iha oceano de indiferença nebe ohin loron oho dadaun mundo. Fila fali moris sarani sira uluk nian nebe hamutuk ho Apostólo sira buka partilha Cristo iha moris comunidade liu husi obras de caridade, misericórdia, compaixão no tulun malu.

Liutan nee, Pe. Martinho Gusmão iha nia agenda 2015 Fiar ida, Neon ida cita hikas Papa Francisco nia lia sasin dehan katak Igreja católica mos tem que hatudu ‘rosto timorense’ no haklaken Jesus Cristo liuhusi ‘linguas locais’. Nee katak ita, fiar-nain timoroan hotu sai duni ona Israel foun tuir Cristo nudar ita nia uvas hun lolos, preciso hatudu ita nia fiar católica liuhusi gesto no ho hahalok sarani lolos nudar timoroan hodi hatutan Apóstolo sira nia lian konaba Cristo.

Queridos leitores!

Atu taka reflexão nee, ami hakarak haktuir ba maluk ouvinte sira história ida nunee Iha lalehan, dala ida, Jesus dada lia ho Anjo Gabriel. Iha lalehan Jesus lori nafatin Nia futar kanek sira. Gabriel dehan, “Mestre, pasti Ita nia terus nee todan liu. Será que Ita nia povo hatene no reconhece katak boot oinsá Ita nia domin ba sira?” Jesus hatan, sim claro. Maibé la’os sira hotu. To’o ohin loron ema balun deit mak hatene”. Anjo Gabriel duvída hodi husu tan:“Saida tan mak Nai halo tiha ona atu ema ida-idak nee hatene Ita nia domin?” Jesus dehan:”Hau tau laran metin tiha ona ba Pedro, André, Tiago ho João ho nia belun sira atu continua hato’o ba ema seluk konaba Hau. Sira sei fo hatene ba ema wain, atu mundo tomak bele hatene katak Hau rasik mak saran Hau An ba sira, tan Hau hadomi sira”. Anjo Gabriel duvida liutan hodi husu tan dala ida; ”los duni Nai, maibé se Pedro ho nia maluk sira sente kolen, no geração foun sira haluhan karik lialos sira be Ita haklaken, Ita iha fali plano seluk ka? Jesus hatan:”Gabriel, Hau laiha plano seluk, tan Hau sei hamatan nafatin sira”.

Husi história nee ita bele conclui katak Jesus dehan Hau mak uvas hun lolos, Hau Aman mak to’os nain; Apóstolo no ita hotu mak sanak sira. Confiança ba Apóstolo sira acontece mos iha ita. Tan, liuhusi husi ita, Uma Kreda sei buras ba beibeik ho tulun Espírito Santo nian atu haklaken Cristo Ressuscitado nudar uvas hun lolos. Dalan hela hamutuk ho Cristo, hodi halo compromisso no hala’o iha ita nia moris fuan diak ihahahalok no liafuan diak sira ho kbit Espírito Santo.........

semoga & até já, MaloaDili,03/05/2015.

 





Komentario :


Prense Komentario :
Naran :
Website :
Komentario
 
 (Hatama kode 6 iha leten)

 

Notisia Seluk

CONSELHO IMPRENSA INFORMA SERVIÇO BA PRESIDENTE DA REPÚBLICA

RTKNews,(edição Sexta-Feira 16/03/2018); Dili-Presidente Conselho Imprensa/ Virgilio da Silva ...

EX-PRIMEIRO MINISTRO LANÇA PLANO AÇÃO NACIONAL RESOLUÇÃO CONSELHO SEGURANÇA ONU 1325

RTK News, edição Sexta Feira 21-10-2016 :  Primeiro Ministro Rui Maria de Araújo Quinta feira nee ...

CHAMADA HODI CESSAR-FOGO IHA FUNU IÊMEN NIAN, WAINHIRA LIUTIHA BOMBARDEIO

RTKNews,(edição Terça  Feira 18/10/2016);Dili-SBS World News Radio: ...

ATAQUE CONTRA ACAMPAMENTOS ISIS NIAN, LAOS HO VINGANÇA

RTKNews,(edição Terça  Feira 18/10/2016);Dili-Rádio ...

Programa Seluk

RONA NO HALO TUIR

HAU NIA INAN NO MAUN ALIN SIRA MAK; SIRA NEBE RONA NO HALO TUIR MAROMAK NIA LIAFUAN  (Husi ...

“JESUS MAK PAO MORIS”.

Belun Católica doben sira hotu, ohin ita tama ba domingo sanulu resin-sia tempo  ...

“EMA NEBE HAN AI-HAN NEE, NIA SEI MORIS BA NAFATIN”

LEITURA NO REFLEXÃO BA DOMINGO XIX TEMPO COMUM Primeira Leitura Lia hosi Livru Liurai sira ...

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, NIA

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, ...

IMI BUKA HAU, ...TAN IMI HAN PÃO TOO BOSU DIDIAK

LEITURA BA DOMINGO XVIII TEMPO (COMUM) BAIBAIN. Primeira Leitura: Lia housi Livro Êxodo (Ex ...

Hit Counter

Visita Ohin Loron : 505
Total Visitor : 1496423
Hits Ohin Loron : 3483
Total Hits : 10648244
Online Hela : 4