A PARTIDA DE UM HEROI:”FERNANDO “LASAMA” DE ARAUJO”
.:: 2017 Tinan Sagrada Escritura : Moris Ba Biblia, Iha Biblia, Ho Biblia, No Husi Biblia ::.


Nuticias Detalho

A PARTIDA DE UM HEROI:”FERNANDO “LASAMA” DE ARAUJO”

Image 03

RTKNews;(Terça Feira 2 de Junho de 2015):Dili- Timor Leste, loron ohin luto metan, família mata wen turuk, Estado lakon, basá figura Nacional ida, Aman Maromak bolu hikas fali ona ba nia kadunan lulik.

Analogia Português ida dehan nunee: “A morte é certa na hora incerta” (-kematian itu pasti pada saat yang tak pasti). Analogia ida nee liga kedas realidade moris no mate nebe too horas nee sai hela hanesan mistério boot ida. Filósofo pessimista sira dehan:”O homem é um ser para morte” (-manusia merupakan mahluk menuju kematian). Maibé, nudar Cristão, ita iha esperança ida nebe hateten;”o homem é um ser para a eternidade” (-manusia merupakan mahkluk menuju keabadian). Analogia ida nee hakarak justifica deit liafuan nebe ita sarani sira baibain dehan: ita laos mate hodi oin maibé, mate nee mudança de situação deit katak ita passa husi condição mundo nian condição Divina nian.

Ministro de Estado Coordenador assuntos Sociais no Ministro da Educação VI Governo constitucional; Fernando”LASAMA” de Araujo husik iis iha Hospital Nacional Guido Valadares ohin (dia 2 de Junho de 2015) dader tuku 08.40 htl.

Sr Fernando LASAMA de Araujo hetan tensão alta (tekanan darah tinggi) de repente wainhira halao hela diálogo ho professor sira iha salão administração município Suai. Iha mos indicação katak, sr LASAMA hetan tensão alta (tekanan darah tinggi) too muta kinur tanba kole no viagem de serviço barak demais.

Acontecimento nee halo participante sira sente preocupado no balu sente tauk haree realidade nee. Liu tiha horas rua, avião evacua kedas sr LASAMA husi Suai mai Dili. Iha Aeroporto Internacional-Presidente Nicolau Lobato, membro do Governo balu inclui mos Primerio Ministro; Rui Maria de Araujo simu hodi acompanha kedas sr LASAMA ba banco de emergência Hospital Nacional Guido Valadares-Bidau-Dili. 

 

    Informação nebe RTK consegue hetan husi medico HNGV balu hatete katak; matebian lasama nia syaraf trombosit (trombose) mak nakfera hodi causa pendaraha otak. Efeito ida nee foin detecta wainhira medico sira halao scanning ba sr LASAMA nia isin lolon tomak iha HNGV.

 

Iha Domingo dia 31 de Maio de 2015, iha nia viagem de serviço ba Suai, Fernando LASAMA nebe assume mos cargo nudar presidente Partido Democrático (PD), sei consegue liu husi posto administrativo Maubisse hodi observa mos consolidação Partido Democrático ho Partido CNRT nebe halao besbesik malu iha área Igreja Maubisse.  

Ohin dader, gabinete Primeiro Ministro mos depois de halo um minuto de silêncio, hatoo ona sentido condolência ba família no mos ba estado em nome do Governo, hodi respeita sr LASAMA nudar membro do Governo nomos heroi Nacional, Primeiro Ministro fo ordem atu iha edifício hotu estado nian, hasae bandeira ai-rin sorin balu/meia haste (setengah tiang), hodi hatudu honra ba sr LASAMA nudar heroi Nacional.

Ohin iha horas tuku 13.00 htl, mate isin saudoso LASAMA transfere husi Hospital Nacional mai residência  matebian nian iha Ailok laran-Dili. Tuir informação temporário nebe RTK acesso confirma katak, mate isin sei tau iha uma Família Ailok laran too dia 4 de junho kalan hafoin sei entrega ba parte Estado hodi halo cerimónia funeral hodi lori ba cemitério dos herois Metinário.

Koalia kona ba fenómena mate, ema hotu sente tauk, ema la descobre nia mistério, ema fiar nain simu deit, ema oportunista dehan goza lai, ema balu cuek deit….nst. Filósofo Martin Heidegger ho iis pessimista hakerek iha nia livro dehan:”Sein sum Tode”(being-toward-death; mengada menuju kematian) ou se ita transcreve ba Português hakerek nunee:” Viver para morte”.

Iha homília missa funeral Bispo matebian; Dom Alberto Ricardo da Silva nian iha fulan Abril liu ba, Dom Basílio do Nascimento explica katak: mate nee provoca reação tolu; (1).Ema moris atu mate (o homem é um ser para morte); (2). Ita mate atu la mate tan/ita mate atu moris rohan laek (o homem é um ser para eternidade), no (3). Mistério mate? Ita husu katak; ita mate tiha, ita ba nebe (a morte é um mistério).

Ema balu dehan LASAMA nudar lider popular nebe koalia simples, toca povo kiik nia situação concreta. Hanesan mos heroi sira seluk, LASAMA mos nudar figura ida nebe nia imagem pinta metin iha povo Timor nia fuan. Ohin (2/6/2015), Timor lakon futuro lider ida, Timor lakon fundador RENETIL ida, militante Democrático lakon sira nia figura central, Governo lakon tan ministro ida. Ba sr LASAMA nia viagem eterno, ita bele reflecte lia murak tuir mai nebe hakerek nunee:”é possível esquecer-se daqueles que com quem rimos, mas nunca esqueceremos aqueles com quem choramos. A natureza é um constante vai-e-vem: a chegada não é o começo, a partida não é o final. Assim somos nós: um dia viemos; um dia iremos. Podemos ir para voltar e ir para ficar. Na vida tudo passa. Ficam as marcas e a saudade que o tempo certamente levará, trazendo novos dias, nova vida num incessante vai-e-vem, que jamais irá parar. A morte é a plenitude da vida e a vida em plenitude. ADEUS MAUN LASAMA...Obrigado wain ba buat hotu nebe ita boot halo ona ba rai TIMOR LESTE. Maromak sei sura ita boot nia kolen iha Lalehan aas ba. Até Eternidade***(IgnasBafs).




Komentario :


Prense Komentario :
Naran :
Website :
Komentario
 
 (Hatama kode 6 iha leten)

 

Notisia Seluk

CHAMADA HODI CESSAR-FOGO IHA FUNU IÊMEN NIAN, WAINHIRA LIUTIHA BOMBARDEIO

RTKNews,(edição Terça  Feira 18/10/2016);Dili-SBS World News Radio: ...

ATAQUE CONTRA ACAMPAMENTOS ISIS NIAN, LAOS HO VINGANÇA

RTKNews,(edição Terça  Feira 18/10/2016);Dili-Rádio ...

PRESIDENTE FUNDAÇÃO GRAÇA DEUS RECONHESE RELATÓRIO PESQUIZA NEBE PÚBLICA IHA MÉDIA LALOS

RTKNews,(edição Terça-feira,18/10/2016);Dili– Relaciona ho resultado ...

TIMOR LESTE PERCISA IHA HELICOPTRE NO RO BOOT

RTKNews,(edição Terça  Feira 18/10/2016);Dili-Tersa feira nee (18-10-16) ...

Programa Seluk

RONA NO HALO TUIR

HAU NIA INAN NO MAUN ALIN SIRA MAK; SIRA NEBE RONA NO HALO TUIR MAROMAK NIA LIAFUAN  (Husi ...

“JESUS MAK PAO MORIS”.

Belun Católica doben sira hotu, ohin ita tama ba domingo sanulu resin-sia tempo  ...

“EMA NEBE HAN AI-HAN NEE, NIA SEI MORIS BA NAFATIN”

LEITURA NO REFLEXÃO BA DOMINGO XIX TEMPO COMUM Primeira Leitura Lia hosi Livru Liurai sira ...

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, NIA

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, ...

IMI BUKA HAU, ...TAN IMI HAN PÃO TOO BOSU DIDIAK

LEITURA BA DOMINGO XVIII TEMPO (COMUM) BAIBAIN. Primeira Leitura: Lia housi Livro Êxodo (Ex ...

Hit Counter

Visita Ohin Loron : 72
Total Visitor : 1278251
Hits Ohin Loron : 145
Total Hits : 9439501
Online Hela : 9