NONU AIN IHA TURISCAI
.:: 2017 Tinan Sagrada Escritura : Moris Ba Biblia, Iha Biblia, Ho Biblia, No Husi Biblia ::.


Nuticias Detalho

NONU AIN IHA TURISCAI

Image 03

RTKNews;(Sexta Feira, 29 de Maio de 2015);Turiscai: Husi laletek Kaimauk, paisagem Turiscai fo matak malirin ho Igreja paroquial nebe hamriik metin iha neba. Tuir kedas ho canção; Ecce Sacerdos Magnus…Placuit est reconciliatio…..nudar knananuk hodi simu amu Bispo nia visita ba Paróquia sira ou ba qualquer instituição no comunidade ecclesial.

Dadersan tuku 7 dia 27 de maio de 2015, sarani balu ho motorizada hein ona amu bispo iha cruzamento Urahou; fronteira Maubisse-Aileu nian. Tuku 13:30 Sarani hotu paróqiua Turiscai simu amu Bispo Basílio do Nascimento ho laran ksolok maske clima udan boot. Tuir kedas ho caravana too Turiscai vila no iha neba, Escuteiros ho morador no sarani rihun resin formatura hodi simu Bispo ho ritual tradicional. 

Cerimonia MONU AIN dirige directamente husi administrador do posto Turiscai, hafoin representante husi suco 11, participa iha ritual MONU AIN nee lori povo tomak Turiscai nia naran no ritual nee realiza iha Igreja foun Turiscai nia laran. 

História haktuir katak; iha tinan 1925 Missionário ida naran Padre António Alves ba haklaken Evangelho iha Turiscai maibé, Liurai sira la fo fatin. Wainhira amu lulik nee sai husi Turiscai nia hateten ba Liurai sira katak: “Imi nia geração tuir mai sei matenek maibé sei la kaer ukun no mos sei la hatais batina hanesan hau hatais nee”. Ho história nee mak sarani Turiscai sira fiar katak; Buat nebe uluk Missionário padre António Alves kesi hela iha rai, Maromak mos kesi iha Lalehan. Liu husi ritual monu ain nee, sarani Turiscai sira fiar katak husi amu Bispo nia bensão nudar saseluk Cristo nian, bele kore fali maldição nebe missionário sira husik hela hodi la daet tan.

Iha lia menon ba cerimónia MONU AIN nee, Dom Basílio cita passagem Bíblica nebe hateten:”imi ba haklaken hau nia naran iha mundo tomak no sarani sira hodi Aman, Oan no Espírito Santo….hirak nebe la simu imi, molok imi sai, imi hisik ahu kdesan atu keta lori ba fatin seluk”. Dom Basílio mos explica liu tan katak; ran nebe beiala sira comete iha tempo uluk, nia todan bei oan sira mak sei lori tan rai rahun nee hikis hela iha rai Turiscai. Maromak laos fo maldição maibé, Maromak bolu atenção deit liu husi susar eh desafio oioin nebe mosu.

Participa mos iha cerimónia MONU AIN nee, Pe. Henrique de Deus (pároco Aileu), Ex-segundo comandante PNTL; Afonso de Jesus ho nia esposa, autoridades civil no militar posto Turiscai nian.

Cerimónia MONU AIN nee taka ho missa agradecimento nebe anima husi coro Paróquia Turiscai. Maske udan boot, sarani rihun resin firme nafatin hodi assiste cerimónia nee too kalan. Iha loron tuir mai (28 de maio de 2015) , amu bipo mos sei habiban-an hodi fo sacramento Crisma ba sarani Turiscai hamutuk 500, molok fila mai Dili.***(Ignas). 




Komentario :


Prense Komentario :
Naran :
Website :
Komentario
 
 (Hatama kode 6 iha leten)

 

Notisia Seluk

CONSELHO IMPRENSA INFORMA SERVIÇO BA PRESIDENTE DA REPÚBLICA

RTKNews,(edição Sexta-Feira 16/03/2018); Dili-Presidente Conselho Imprensa/ Virgilio da Silva ...

EX-PRIMEIRO MINISTRO LANÇA PLANO AÇÃO NACIONAL RESOLUÇÃO CONSELHO SEGURANÇA ONU 1325

RTK News, edição Sexta Feira 21-10-2016 :  Primeiro Ministro Rui Maria de Araújo Quinta feira nee ...

CHAMADA HODI CESSAR-FOGO IHA FUNU IÊMEN NIAN, WAINHIRA LIUTIHA BOMBARDEIO

RTKNews,(edição Terça  Feira 18/10/2016);Dili-SBS World News Radio: ...

ATAQUE CONTRA ACAMPAMENTOS ISIS NIAN, LAOS HO VINGANÇA

RTKNews,(edição Terça  Feira 18/10/2016);Dili-Rádio ...

Programa Seluk

RONA NO HALO TUIR

HAU NIA INAN NO MAUN ALIN SIRA MAK; SIRA NEBE RONA NO HALO TUIR MAROMAK NIA LIAFUAN  (Husi ...

“JESUS MAK PAO MORIS”.

Belun Católica doben sira hotu, ohin ita tama ba domingo sanulu resin-sia tempo  ...

“EMA NEBE HAN AI-HAN NEE, NIA SEI MORIS BA NAFATIN”

LEITURA NO REFLEXÃO BA DOMINGO XIX TEMPO COMUM Primeira Leitura Lia hosi Livru Liurai sira ...

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, NIA

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, ...

IMI BUKA HAU, ...TAN IMI HAN PÃO TOO BOSU DIDIAK

LEITURA BA DOMINGO XVIII TEMPO (COMUM) BAIBAIN. Primeira Leitura: Lia housi Livro Êxodo (Ex ...

Hit Counter

Visita Ohin Loron : 59
Total Visitor : 1406531
Hits Ohin Loron : 169
Total Hits : 10149918
Online Hela : 16