BISPO BASÍLIO HO PRESIDENTE DA REPÚBLICA INAUGURA GRUTA HO UMA LAKU
.:: 2017 Tinan Sagrada Escritura : Moris Ba Biblia, Iha Biblia, Ho Biblia, No Husi Biblia ::.


Nuticias Detalho

BISPO BASÍLIO HO PRESIDENTE DA REPÚBLICA INAUGURA GRUTA HO UMA LAKU

Image 03

RTKNews;(Edição Quinta-Feira,14 de Maio de 2015):DARE-Paróquia de São Francisco Xavier-Dare simu Cruz Jovem ho Ilas Nain Feto Peregrina desde sábado liu ba. Ohin (quinta) dader, iha monumento Nahaek desde tuku 08.00 otl, sarani paróquia Dare hamutuk ho autoridade sira, simu Amu Bispo Basílio ho Presidente da República hamutuk ho convidado sira.

Drum Band Escola Catolica Dare harame cerimónia simu autoridade rua nee, hafoin cometiva ho sarani caravana husi Nahaek tama too recinto Paróquia. Hola tiha be manas ruma iha residência, amu Bispo ho Presidente da República continua ho cerimónia inauguração gruta de são Francisco Xavier ho Uma Laku nebe durante nee sarani ho família sr. António Guterres prepara tiha ona. Iha cerimónia Inauguração gruta são Francisco Xavier no Uma Laku, realiza directamente husi Dom Basílio do Nascimento ho Presidente da República; Taur Matan Ruak. Iha Inauguração gruta nee simboliza ho husik ikan mas ba kolam laran husi; amu Bispo, Presidente da República, Vigário Geral Diocese Maliana; Pe. Lúcio de Deus ho Pe. Abril nudar administrador Paróquia Dare. Inaugura no fo bensão tiha gruta, continua kedas ho inauguração Uma Laku nebe foin renova basá, antes nee, Uma Laku nee, Inaugura tiha ona husi amu Bispo matebian; Dom Alberto Ricardo da Silva.

Iha discurso badak, Presidente da República hateten: Dare mak sai fatin forma ema lubuk nebe influencia no determina história Timor no forma mos amu Lulik lobuk ida. Presidente mos aprecia ho colaboração entre sarani ho Pe. Abril hodi realiza cerimónia boot ida nee. Iha ocasião hanesan, Bispo Basílio mos hateten katak ; Dare mak  fatin histórico nebe amu Bispo Basílio sira uluk hetan formação. Kona ba Uma Laku, amu Bispo foti exemplo ida husi lia fuan ida nebe katuas lia nain ida husi Raimerhei-Ermera nebe descreve relação entre Uma Lisan ho Uma Kreda katak; Uma Lisan mak loke dalan ba Uma Kreda no Uma rua nee complete malu. La ho Uma Kreda, Uma Lisan la completo. Iha homília ba missa loron refere, Dom Basílio dehan: “Tinan ida nee, Cruz Jovem ho Ilas Nain Feto lao haleu Timor, tanba ilas rua nee mai fo hanoin mai ita buat nebe ita Timor sente dadauk kona ba modo musan Nai Jesus Cristo nian. Jesus haruka nia apóstolo sira hodi dehan: Imi ba rai rai hodi haklaken Lia foun ba ema hotu.

Ita Timor, ita comemora tinan 500 modo musan Evangelho nian tama mai hahu husi Oecusse hodi hadaet ba Timor laran ”. Cerimónia missa remata ho sacramento Crisma ba crismado sira husi Dare hamutuk ema nain 100 resin, no iha lorokraik tuku 4.00 otl, sei continua ho palestra nebe dom Basílio mak sei sai hanesan orador ho tema: CRUZ TRANSFORMAÇÃO DA VIDA.

Iha fatin hanesan, depois de missa sarani sira, continua halo adoração ba Cruz no veneração ba Ilas Nain Feto Peregrina tanba aban (sexta feira), Cruz sei entrega fali ba paróquia Remexio. (IGBAFS).




Komentario :


Prense Komentario :
Naran :
Website :
Komentario
 
 (Hatama kode 6 iha leten)

 

Notisia Seluk

CONSELHO IMPRENSA INFORMA SERVIÇO BA PRESIDENTE DA REPÚBLICA

RTKNews,(edição Sexta-Feira 16/03/2018); Dili-Presidente Conselho Imprensa/ Virgilio da Silva ...

EX-PRIMEIRO MINISTRO LANÇA PLANO AÇÃO NACIONAL RESOLUÇÃO CONSELHO SEGURANÇA ONU 1325

RTK News, edição Sexta Feira 21-10-2016 :  Primeiro Ministro Rui Maria de Araújo Quinta feira nee ...

CHAMADA HODI CESSAR-FOGO IHA FUNU IÊMEN NIAN, WAINHIRA LIUTIHA BOMBARDEIO

RTKNews,(edição Terça  Feira 18/10/2016);Dili-SBS World News Radio: ...

ATAQUE CONTRA ACAMPAMENTOS ISIS NIAN, LAOS HO VINGANÇA

RTKNews,(edição Terça  Feira 18/10/2016);Dili-Rádio ...

Programa Seluk

RONA NO HALO TUIR

HAU NIA INAN NO MAUN ALIN SIRA MAK; SIRA NEBE RONA NO HALO TUIR MAROMAK NIA LIAFUAN  (Husi ...

“JESUS MAK PAO MORIS”.

Belun Católica doben sira hotu, ohin ita tama ba domingo sanulu resin-sia tempo  ...

“EMA NEBE HAN AI-HAN NEE, NIA SEI MORIS BA NAFATIN”

LEITURA NO REFLEXÃO BA DOMINGO XIX TEMPO COMUM Primeira Leitura Lia hosi Livru Liurai sira ...

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, NIA

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, ...

IMI BUKA HAU, ...TAN IMI HAN PÃO TOO BOSU DIDIAK

LEITURA BA DOMINGO XVIII TEMPO (COMUM) BAIBAIN. Primeira Leitura: Lia housi Livro Êxodo (Ex ...

Hit Counter

Visita Ohin Loron : 391
Total Visitor : 1546494
Hits Ohin Loron : 1187
Total Hits : 10954086
Online Hela : 1