BANDEIRA NACIONAL ENFEITA CAPITAL DILI

RTKNEWS;(Quarta, 13 de Maio de 2015):Dili-Ema dehan Nacionalismo significa expressão sentido de respeito no hadomi nação. Iha âmbito ida nee, besbesik ona ba comemoração Restauração da Indpendência; dia 20 de Maio tinan nee (2015) nian, povo Timor Leste tomak iha cidade Dili laran nomos iha município sira, espontâneamente hasae bandeira Nacional ho medida oioin iha sira nia uma oin.

Labarik kiik sira iha Estrada ninin cidade Dili nian, iha início fulan Maio nee, aproveita tempo lao tun-lao sae hodi fan banderolas ba ema hotu nebe lao ba mai ou faan ba kareta no motor sira nebe sira hasoru.

Tuir observação jornalista RTK, iha edifício sira estado nian, bandeira Nacional loke liras hanesan manu aman. La too nee deit, maibé, iha loja boboot sira iha capital Dili, ema hotu bele haree bandeira nacional nebe anin huu loke liras simboliza Timor Leste nia soberania.

Iha uma tatis, uma oin nomos edifício sira oin, hothotu hasae bandeira nacional.

Iha terça feira (12/5/15) lorokraik, kareta husi administração município Dili haleu cidade hodi aviso ba população tomak kona ba idaidak limpeza uma oin no hasae bandeira nacional. Se ita haree didiak, molok parte município Dili avisa, comunidade ho inicitiva rasik hamos no hasae ona bandeira desde dia 2 de Maio mai oin.

Nee fo sinal katak; povo Timor nia sentimento hadomi nação (nacionalismo) hahu buras. Ba corruptor ka Mafioso sira mak hanoin ona sentido nacionalismo espontanea hanesan nee karik, horas nee desenvolvimento lao avança los ona iha ita rain. (ig)

Naran	:
Website	:
Komentario
	(Hatama kode 6 iha leten)
	Haruka