MORIS IHA HISTÓRIA, MATE HO VITÓRIA
.:: 2017 Tinan Sagrada Escritura : Moris Ba Biblia, Iha Biblia, Ho Biblia, No Husi Biblia ::.


Nuticias Detalho

MORIS IHA HISTÓRIA, MATE HO VITÓRIA

Image 03

RTKNews.(Segunda 6-Abril-2015);DILI; História Timor Leste ba ukun rasik-an, la sees mos husi participação amu lulik sira iha processo luta, tanto clandestinamente, tanto frontalmente. Dom Alberto Ricardo da Silva nia figura, ita bele coloca iha iha figura nebe participa iha clandestina nee. Dom Alberto Ricardo nia papel, ita identifica ho termos Indonésia karik ita dehan; actor di belakang layar. Cronologia Terça Feira, 12 de Novembro de 1991, justifica duni amu Bispo Dom Alberto Ricardo da Silva nia papel iha luta ba libertação nacional. História haktuir katak; liu tiha Massacre 12 de Novembro, militar Indonésia sira trata Dom Alberto Ricardo hanesan ema criminoso ida. Historia Dom Ricardo iha mundo termina iha Quinta Feira Santa, 2 de Abril de 2015. Loron nebe, Igreja Católica iha mundo tomak tama iha celebração Triúdo pascal. Dom Alberto Ricardo da Silva mate ho vitória boot tanba, passa vida hanesan Nai lulik Cristo nian no ikus liu, Cristo Bolu nia iha kalan nebe institui dadaun Sacramento Eucaristia. Moris hanesan nailulik no mate mos hanesan nailulik. Nee mak vitória boot Dom Alberto nian. Nunee, Dom Alberto nia memória sei hakerek iha história Timor no mos iha sarani hotu nia fuan.

Iha segunda, 6 de Abril de 2015, Sarani rihun resin nakonu iha recinto Catedral hodi participa iha missa funeral Bispo Alberto Ricardo nian.  Iha Catedral nia sor-sorin, sarani barak mak hein Dom Alberto Ricardo da Silva nia isin mate nebe halao prossição husi Paço Episcopal Diocese Dili hodi mai halo missa solene iha Igreja Catedral Dili.  Procissão hosi Lecidere mai too tama iha Catedral, ema hotu hakruuk halo oração ho mata wen turuk. Familia hosi D Alberto nian hatais hotu roupa mutin hodi kaer banderolas iha sira liman hakat tama ba Uma Creda laran. Procissão nee, lidera rasik hosi ex-Primerio Ministro; Kayrala Xanana Gusmão (Dom Ricardo nia kolega Escola iha seminário). Kona ba segurança,  iha recinto Catedral nian, responsabiliza hosi escuteiros, THS-THM, opa mean, segurança Civil, Comite 12 de Novembro no jovem sira Diocese Dili nian. Entrada missa loke kedas ho música; Nai koalia bolu rai hotu nebe Amu Ricardo rasik mak hakerek, hananu solenemente hosi seminaristas sira hodi simu Amu Ricardo ninia isin mate nebe amu lulik sira lori tama ba Catedral laran.

Dom Ricardo too iha ninia Catedral; Fatin ida nebe sai nudar Bispo ninia cede, basá, iha nebá mak horik Cátedra Bispo nian. Ambiente  loron segunda, iha Catedral Díli  sai oin seluk. Sentimento ksolok Páscoa nian kahur hamutuk ho sentimento triste tanba lakon aman fiar nian iha moris sarani nian.  Maske nudar Bispo, ninia ukun kesi-an deit iha território Diocese Dili, maibé, povo no sarani tomak; hosi lorosae no loromunu,  tasi feto too tasi mane, libur hamutuk iha Creda inan rai Dili nian, hodi hatoo sira nia adeus e sira nia desejo descanca hakmatek iha Maromak ninia hitin lulik.

Missa Requiem hahu dadaun, música requem acompanha Dom Alberto ninia isin mate hakat ba Altar. Missa nee, preside directamente hosi Administrador Apóstolico de Díli: Dom Basílio do Nascimento. Molok hahu missa, Mgr. Josep Marino representa Papa Fransisco, hatoo ninia solidariedade, liu husi Secretário de Estado Vaticano ba Diocese Díli no ba povo Timor Tomak. Presente iha Eucaristia nee; Núncio Apostólico ba Timor Leste; Mgr. Josep Marino,  Bispo de Maliana; Dom Norberto do Amaral,  Bispo Darwin nian; Mgr. Eugene Hurley, Presidente da República, Primeiro Ministro, Presidente Parlamento Nacional, Presidente do Tribunal de Recursus,  Nailulik sira hosi Diocese tolu nian, membros do governo,  corpos diplomáticos, religiosos, seminaristas no sarani nobu-nobun nebe hakonu Uma Creda boot no naresin too luron boot sira be hadulas Igreja Catedral.

Precisa reflecte Dom Alberto nia lia menon kona ba; A morte certa na hora certa- hodi dehan: “Imi buka  moris diak, comunhão ho klamar mos, keta lakon ini nia devoção primeira sexta no primeiro Sabado nian, reza terço lor-loron, ó nia inan Lalehan sei tulun ó”. Lia menon nee, maktoban; Dom Ricardo sempre tenik bebeik iha ninia homilia sira.  Lia nee, sai lolos duni. Maktoban nia devocão ba Eucaristia lulik no Inan doben Maria halo Nia hetan mate diak ida(a morte certa na hora certa).  Buat nebe Maromak Nia atan nee koalia concretisa iha Triúdo pascal tinan nee nian iha Creda particular Dili.  Buat nebe Nia koalia, Nia rasik hadomi hodi tau iha fatin aas no nia rasik koko buat nebe nia koalia ninia folin ba moris rohan laek nian.***(Stanis).

 

 




Komentario :


Prense Komentario :
Naran :
Website :
Komentario
 
 (Hatama kode 6 iha leten)

 

Notisia Seluk

CHAMADA HODI CESSAR-FOGO IHA FUNU IÊMEN NIAN, WAINHIRA LIUTIHA BOMBARDEIO

RTKNews,(edição Terça  Feira 18/10/2016);Dili-SBS World News Radio: ...

ATAQUE CONTRA ACAMPAMENTOS ISIS NIAN, LAOS HO VINGANÇA

RTKNews,(edição Terça  Feira 18/10/2016);Dili-Rádio ...

PRESIDENTE FUNDAÇÃO GRAÇA DEUS RECONHESE RELATÓRIO PESQUIZA NEBE PÚBLICA IHA MÉDIA LALOS

RTKNews,(edição Terça-feira,18/10/2016);Dili– Relaciona ho resultado ...

TIMOR LESTE PERCISA IHA HELICOPTRE NO RO BOOT

RTKNews,(edição Terça  Feira 18/10/2016);Dili-Tersa feira nee (18-10-16) ...

Programa Seluk

RONA NO HALO TUIR

HAU NIA INAN NO MAUN ALIN SIRA MAK; SIRA NEBE RONA NO HALO TUIR MAROMAK NIA LIAFUAN  (Husi ...

“JESUS MAK PAO MORIS”.

Belun Católica doben sira hotu, ohin ita tama ba domingo sanulu resin-sia tempo  ...

“EMA NEBE HAN AI-HAN NEE, NIA SEI MORIS BA NAFATIN”

LEITURA NO REFLEXÃO BA DOMINGO XIX TEMPO COMUM Primeira Leitura Lia hosi Livru Liurai sira ...

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, NIA

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, ...

IMI BUKA HAU, ...TAN IMI HAN PÃO TOO BOSU DIDIAK

LEITURA BA DOMINGO XVIII TEMPO (COMUM) BAIBAIN. Primeira Leitura: Lia housi Livro Êxodo (Ex ...

Hit Counter

Visita Ohin Loron : 2530
Total Visitor : 1031284
Hits Ohin Loron : 10123
Total Hits : 8160018
Online Hela : 29