DOM ALBERTO RICARDO IHA SARANI SIRA NIA FUAN
.:: 2017 Tinan Sagrada Escritura : Moris Ba Biblia, Iha Biblia, Ho Biblia, No Husi Biblia ::.


Nuticias Detalho

DOM ALBERTO RICARDO IHA SARANI SIRA NIA FUAN

Image 03

 

RTKNews(Segunda,6-Abril-015):Dili;Cerimónia funeral iha Uma Creda boot Caterdal (segunda, 6 de Abril de 2015), nakonu ho sarani nebe mai hatoo sira nia homenagem ikus ba Dom Alberto Ricardo da Silva nia isin mate. Iha Uma Creda laran, basea ba aviso, comissão organizadora autoriza deit ba ema convidado sira hanesan: Membros do Governo, Diplomatas, Padres, madres, seminarista, familiares Bispo no  jornalista sira. Iha segunda 6 de Abril de 2015, dadersan tuku 7 deit, sarani sira inclui mos convidados sira hiit-an ona mai iha Catedral. Iha estrada sira, sarani sira balu hein ona iha rute viagem mate isin nian. Ba fali Catedral laran, presente ona convidados sira hanesan: minsitro interior; Sr.Longinhos Monteiro, Ministra de Saúde; Sra. Maria do Céu, Ministro recursos Naturais; Sr. Alfredo Pires, Ministro Estatal Sr. Dionisio Babo, Secretário Geral de Fretilin; Dr. Marí Alkatiri, Sectretário de Estado da Comunicação social; Sr. Nelio Isaac, Vice  MOP; Sr. Inacio Morreira, hafoin governantes sira seluk mos mosu idaidak mai tan. Iha andar leten Catedral nian, coro husi Seminário Maior Fatumeta no Seminário Ano Propedêutico Maloa, prepara hela música requiem sira. Além de nee, irmãs religiosas sira  mos nakonu iha andar leten parte  karuk no los. Iha recinto Catedral  nian, sarani sira nakonu; sira kaer aifunan, lilin, banderolas ho imagem Bispo nian no sira continua halo oração, hodi hein mate isin nebe procissão mai husi Paço Episcopal Lecidere mai Catedral. Observação jornalista RTK; Stanis ho Ruben, haree katak quase maioria Família Bispo Ricardo nian, hatais hotu camisola mutin tau imagem Bispo nian ho fita mutin. Husi Estrada direção Vila verde, Matadouru, sarani nadodon la hotu mai Igreja Catedral. Husi fali Estrada Direção Mandarin, Bairro Pite, Perumnas, Sarani sira hamrik forma iha Estrada ninin hodi hein porcissão mate isin liu ba Maloa. Iha sira liman, sira kaer mos aifunan, Lilin, Banderolas Vaticano, imagem Bispo Ricardo inclui mos spanduk balu. Wainhira procissão lori mate isin husi Catedral mai Cemitério Maloa, Estrada laran nakonu ho ai funan nebe saranis ria kari nudar sinal de honra, domin no homenagem ikus. sarani barak voluntáriamente fahe bebidas ba sarani seluk nebe lao tuir procissão Mate isin Bispo nian mai Maloa. Ambulância sira stand bye  hodi fo assitência médica ba sarani sira nebe desmaia. Calculação sarani nebe participa, quase 12.000 resin mak participa iha momento funeral nee. Dom Alberto Ricardo iha duni Sarani sira nia fuan. ***(Stanis)

 




Komentario :


Prense Komentario :
Naran :
Website :
Komentario
 
 (Hatama kode 6 iha leten)

 

Notisia Seluk

CHAMADA HODI CESSAR-FOGO IHA FUNU IÊMEN NIAN, WAINHIRA LIUTIHA BOMBARDEIO

RTKNews,(edição Terça  Feira 18/10/2016);Dili-SBS World News Radio: ...

ATAQUE CONTRA ACAMPAMENTOS ISIS NIAN, LAOS HO VINGANÇA

RTKNews,(edição Terça  Feira 18/10/2016);Dili-Rádio ...

PRESIDENTE FUNDAÇÃO GRAÇA DEUS RECONHESE RELATÓRIO PESQUIZA NEBE PÚBLICA IHA MÉDIA LALOS

RTKNews,(edição Terça-feira,18/10/2016);Dili– Relaciona ho resultado ...

TIMOR LESTE PERCISA IHA HELICOPTRE NO RO BOOT

RTKNews,(edição Terça  Feira 18/10/2016);Dili-Tersa feira nee (18-10-16) ...

Programa Seluk

RONA NO HALO TUIR

HAU NIA INAN NO MAUN ALIN SIRA MAK; SIRA NEBE RONA NO HALO TUIR MAROMAK NIA LIAFUAN  (Husi ...

“JESUS MAK PAO MORIS”.

Belun Católica doben sira hotu, ohin ita tama ba domingo sanulu resin-sia tempo  ...

“EMA NEBE HAN AI-HAN NEE, NIA SEI MORIS BA NAFATIN”

LEITURA NO REFLEXÃO BA DOMINGO XIX TEMPO COMUM Primeira Leitura Lia hosi Livru Liurai sira ...

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, NIA

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, ...

IMI BUKA HAU, ...TAN IMI HAN PÃO TOO BOSU DIDIAK

LEITURA BA DOMINGO XVIII TEMPO (COMUM) BAIBAIN. Primeira Leitura: Lia housi Livro Êxodo (Ex ...

Hit Counter

Visita Ohin Loron : 1007
Total Visitor : 1324479
Hits Ohin Loron : 3558
Total Hits : 9653476
Online Hela : 9