PM Rui: Governo colabora diak ho Igreja too precesso Funeral Bispo Ricardo
.:: 2017 Tinan Sagrada Escritura : Moris Ba Biblia, Iha Biblia, Ho Biblia, No Husi Biblia ::.


Nuticias Detalho

PM Rui: Governo colabora diak ho Igreja too precesso Funeral Bispo Ricardo

Image 03

RTKNews;(Sexta, 3-Abril-2015);Lecidere; Primeiro Ministro; Rui Maria de Araujo, sexta feira dader  too meio dia, lidera directamente ninia membro governo sira, inclui Presidente PN, ex-PM; Xanana Gusmão, ex-PM Mari Alkatiri, ex-PPN; Lu-Olo, inclui membro governo sira hodi halao serviço ruma iha paço episcopal-Lecidere. Hola knaar nudar chefe comissão organizadora mak: ex PM; Xanana Gusmão, mobiliza polícia no memmbro governos sira hodia prepara tenda, controla movimento visitante nebe tama sai hodi presta homenagem no oração ba amu Bispo nia isin. Iha biban hanesan, Jornalista RTK: Délio ho Ruben hakbesik-an ba PM; Dr Rui hodi husu ninia expressão ba Bispo Emérito nia mate nee. Tuir mai, ami hatuun entrevista exclusiva nebe jornalista RTK halo hanesan tuir mai:

(RTK DeLRub): Hanesan Timor Oan, oinsa ho Ita Boot nia sentimento kona ba Dom Alberto Ricardo da Silva  ninia mate?

(PM Rui): Hanesan Timor oan no hanesan mos sarani, ita hotu sente lakon boot ida.  Dom Alberto Ricardo da Silva,  hanesan ita hotu hatene,  nia Pastor ida nebe dedicado teb-tebes ba desenvolvimento sarani Católico nian iha Timor. Nia Bispo ida nebe iha devoção boot no insiste dala barak tebes ba sarani hot-hotu, atu ida-idak fiel ba ninia vocação,  hanesan forma ida atu desenvolve ida-idak nia-an. Portanto, hanesan individuo no hanesan mos sarani ida, ita sente lakon paradigma/mata dalan importante ida, iha ita nia moris fiar nian. Husi ponto de vista Governo, haree hosi instituição ida ba instituição seluk, Governo sente mos katak; lakon parceiro importante ida iha processo serviço hamutuk, hodi desenvolve rai ida nee. Dom Alberto Ricardo da Silva durante nee, Bispo ida que aberto/nakloke ho Governo. Wainhira buat ruma lao la los iha Governo, Nia crítica i hatoo Igreja nia hanoin kona ba lalaok Governo nian. Durante nee mos, hau haree katak; Bispo Émerito Dom Alberto Ricardo da Silva, actua mos hanesan lian consciência sarani nian atu nunee, Governo mos bele haree buat nebe la los hodi corrige. Tanba ida nee mak ita sente lakon ne mos la significa Bispo sira seluk la halo serviço hanesan maibé, Dom Alberto ema ida nebe acompanha no participa activamente iha processo libertação nacional. Nia ema ida nebe mak; nia colegas escolas sira barak mak oras nee, assume cargos importantes iha estado nee nia laran. Portanto, posição ida nebe fácil liu atu halo críticas i koalia hosi laran ba laran, wainhira buat ruma lao la dun los. Nee duni, hosi aspecto ida nee, ita sente lakon maibé, nudar ema sarani, ita fiar katak: Nia agora iha ona Nai Maromak Nia kadunan Santo, Nia bele sai advogado diak ida, laos deit ba ita nudar sarani maibé, ba Estado no Governo nia serviço mos. Hau fiar metin katak; hanesan Timor oan, sacerdote, pastor e Bispo, Nia sei la husik hela sarani sira no rai ida nee atu lao oin seluk. Nee duni hanesan chefe do Governo, hanesan mos Timor Oan, hau fiar metin katak: Dom Alberto Ricardo agora iha Nai Maromak Nia kadunan Santo  concertesa Nia sei intercede ka husu ba Maromak atu fo nafatin apoio ba Timor oan hot-hotu.

(RTK DeLRub): Oinsa linha coordenação entre Governo ho Igreja kona ba processo funeral nian nebe sei halao iha segunda-feira?

(PM Rui); Horikalan, depois de Amu Bispo hakotu Nia iis, hau lori Governo nia naran contacta kedas Dom Basílio do Nascimento, manisfesta Governo nia solidariedade no apoio tomak. Hahu husi nee, Dom Basílio hatoo kedas informações no orientações kona oinsa atu halao processo nee ba oin. Então, Governo hatoo nia apoio tomak começa kedas horikalan, hanesan ita boot sira bele haree, apoio nee, laos deit husi Governo hanesan instituição maibé, hosi individuo ida-idak. Ita boot sira bele haree katak: iha membro do Governo, membro Parlamento Nacional hanesan sarani no Timor Oan nebe hakarak contribui ba processo atu fo homenagem no atu haloot Dom Alberto nia isin mate. A nível de coordenação, iha ministros nebe iha serviço atu concentra iha áreas balun. Sr Ministro; Xanana Gusmão, coordena actividade sira nee hotu. Nunee, serviço Governo ho Igreja lao diak teb-tebes. Horikalan mos, iha kedas reunião ida ho Núncio Apóstolico, tanba Dom Basílio horas nee, iha hela Baucau para atu descide kona ba fatin atu hakoi no kona ba funeral ba oin. Portanto, colaboração entre Governo, Estado no Igreja lao diak teb-tebes.***(Stanis).




Komentario :


Prense Komentario :
Naran :
Website :
Komentario
 
 (Hatama kode 6 iha leten)

 

Notisia Seluk

CHAMADA HODI CESSAR-FOGO IHA FUNU IÊMEN NIAN, WAINHIRA LIUTIHA BOMBARDEIO

RTKNews,(edição Terça  Feira 18/10/2016);Dili-SBS World News Radio: ...

ATAQUE CONTRA ACAMPAMENTOS ISIS NIAN, LAOS HO VINGANÇA

RTKNews,(edição Terça  Feira 18/10/2016);Dili-Rádio ...

PRESIDENTE FUNDAÇÃO GRAÇA DEUS RECONHESE RELATÓRIO PESQUIZA NEBE PÚBLICA IHA MÉDIA LALOS

RTKNews,(edição Terça-feira,18/10/2016);Dili– Relaciona ho resultado ...

TIMOR LESTE PERCISA IHA HELICOPTRE NO RO BOOT

RTKNews,(edição Terça  Feira 18/10/2016);Dili-Tersa feira nee (18-10-16) ...

Programa Seluk

RONA NO HALO TUIR

HAU NIA INAN NO MAUN ALIN SIRA MAK; SIRA NEBE RONA NO HALO TUIR MAROMAK NIA LIAFUAN  (Husi ...

“JESUS MAK PAO MORIS”.

Belun Católica doben sira hotu, ohin ita tama ba domingo sanulu resin-sia tempo  ...

“EMA NEBE HAN AI-HAN NEE, NIA SEI MORIS BA NAFATIN”

LEITURA NO REFLEXÃO BA DOMINGO XIX TEMPO COMUM Primeira Leitura Lia hosi Livru Liurai sira ...

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, NIA

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, ...

IMI BUKA HAU, ...TAN IMI HAN PÃO TOO BOSU DIDIAK

LEITURA BA DOMINGO XVIII TEMPO (COMUM) BAIBAIN. Primeira Leitura: Lia housi Livro Êxodo (Ex ...

Hit Counter

Visita Ohin Loron : 1020
Total Visitor : 1324492
Hits Ohin Loron : 3687
Total Hits : 9653605
Online Hela : 11