Pe. Ludgério Martins: Bispo nia Mate no Mensagem ba Sarani sira
.:: 2017 Tinan Sagrada Escritura : Moris Ba Biblia, Iha Biblia, Ho Biblia, No Husi Biblia ::.


Nuticias Detalho

Pe. Ludgério Martins: Bispo nia Mate no Mensagem ba Sarani sira

Image 03

RTKNews;(Sexta,3-Abril-2015);Lecidere: Durante nee, ema nebe besik liu amu Bispo Ricardo hodi tulun serviço Amu Bispo nian mak; Pe. Ludgeiro Martins. Amu lulik nee, ao mesmo tempo desempenha nia função nudar Chanceler iha Diocese Dili. Ohin dader (sexta dader), Iha dada lia badak ho Jornalista RTK: Ruben & Délio, Pe. Ludgério expressa ninia sentimento hodi dehan: Mate nee, ho fé signifca laos lakon deit hanesan nee, maibé, mate katak passa ou hakat ba vida ida seluk; vida rai nian continua ba vida ida seluk. Ho ita nia domin ka harohan ba Maromak ba nia (Bispo) klamar, agradece ba Maromak ba presença amu bispo nia vida iha ita nia leet.

Relaciona ho programa hader isin mate nian, Pe. Ludgério descreve katak: Quinta 2 de Abril de 2015 kalan, lori ona amu bispo nia isin mai iha residência paço episcopal too horas ida nee. Programa reza baa mu Bispo,   sarani sira mai halo oração acompanha no reza ba amu bispo nia isin mate no reza ba sarani sira mos. Iha ona programa ou horário nebe mak hasai husi Doicese para atu organiza tempo oração nian, tuir grupo sira hanesan husi  paróquias, congregação, comunidade religiosa, grupos categoriais paróquia sira nian nebe mak iha ona horário, hau hanoin Diocese sei entrega ba jornalista sira atu hatoo mos iha rádio hodi hatoo ba sarani sira.

Ba programa sira nebe especial mak dia 3 de Abril de 2015 kalan, tuku 20:00 htl, iha cerimónia ida hasai ita nia amu bispo husi capela residência nian hodi mai tau fali iha congelador/pendingin/contentor; fatin ida atu conserva amu bispo nia isin, tamba mate liu ona horas 24, amu bispo nia isin bele afecta husi tempo. Tan nee mak sei conserva iha fatin hanesan contentor; hafoin lori mai coloca iha jardim amu bispo nian atu sarani sira bele halo oração, continua halo oração, continua reza nafatin iha fatin aberto ida nee. Programa seluk mak; hahú desde quinta kalan ba too segunda dader, mate isin sei rai iha paço epsicopal-Lecidere hafoin sei lori ba iha Catedral iha segunda (6/4/2015) dader hodi ba missa funral iha Catedral. Preve ona atu celebra missa iha tuku 10:00 htl dader, depois continua ba hakoi iha rate Unio maloa.

Relaciona ho evento nee, Pe. Ludgério hameno dehan:”Husu ba sarani sira atu acompanha cerimónia hirak nee ho ita nia fé, tan sa mak iha nee halo deit iha paço epsicopal, Bispo nia residência?; tamba tuir loloos, amu bispo nia isin nudar bispo, nia mate isin tenke tau iha Catedral. Amu Bispo nia isin la lori ba hatama iha Catedral tamba; ita iha cerimónia santo ou celebração triúdo pascal. Nunee, atu cerimónia sira nee la afecta ba presença amu bispo nian iha Catedral, tan nee mak amu bispo por enquanto tau deit iha Lecidere.

No ba sarani sira bele mai vizita atu mai halo oração iha nee hanesan horas nee lao daudaun maske tuir horário maibé, laos atu taka dalan ba sarani sira atu mai qualquer tempo hahú husi hori kalan ba too segunda dader. Segunda dader, iha programa missa, sei acompanha ba Catedral maibé, tamba ita nia cerimónia nee ema barak sei acompanha nunee, reserva deit katak sei acompanha mak convidados sira, nai-lulik sira no ba bainaca espacial ou autoridade sira nebe mak principal atu acompanha husi nee ba too Catedral.

Ba sarani sira husu ita nia compreensão atu ita acompanha amu bispo ho ita nia oração, liu-liu iha Catedral ho missa; maibé, sira nebe hakarak acompanha amu bispo bele hamrik deit iha dalan. Ita la bele uza ita nia transporte, la precisa lao maibé, ita hamrik deit iha ita nia fatin hanesan iha dalan ibun hodi ba too iha Catedral no iha neba mak sarani sira bele halo homenagem no soe aifunan iha dal-dalan. Hanesan mos husi Catedral quando missa remata atu ba Maloa sarani sira mos ami husu compreensão atu la acompanha iha viagem procissão nian. Ita hamrik deit iha dalan ita halo deit ita nia homenagem no ita nia oração sira iha dalan ou ita kari aifunan ou reza iha dalan deit no ita concentra ba iha cerimónia principal iha missa Catedral no too iha hakoi nian.

Jornalista RTK (Délio) husu karik Amu Bispo iha mensagem ruma hatoo ba ema ruma iha minuto ikus bispo emérito atu husik nia iis, Pe. Ludgeiro Martins (Chanceler)hatan dehan: Bispo nia mensagem nia laos hatoo iha ninia minuto ikus nian maibé, durante nia condição saúde nee, nia hatoo ona mensagem no nia koalia beibeik ona atu sarani sira moris loloos tuir nia fé no sarani sira atu matenek iha nia fiar no brani moris iha nia fé. Tan nee mak nia dehan katak; buka atu desenvolve sira nia-an, sira nia matenek, desenvolve sira nia vida sai diak no hametin sira nia fé hodi hatene sira nia fé didiak. Nee preocupação amu bispo nian desde nia simu knaar hanesan bispo Díli. Ida nee, Bispo hatoo nafatin mensagem sira ou tempo sira ikus amu bispo nia condição difícil ou crítica nebe laos propriamente iha tempo sira nee, maibé, durante nia moras nia hatoo ona no husu ba sarani sira, durante ita nia tempo sira nee ita reza ba amu bispo nia klamar no mos ita reza ba sarani sira. Amu bispo nia ideal, amu bispo nia domin ida nee nunca falta katak sarani sira halao loloos sira nia vida sarani no moris loloos tuir sira nia vida sarani. ***(Rommy).

 




Komentario :


Prense Komentario :
Naran :
Website :
Komentario
 
 (Hatama kode 6 iha leten)

 

Notisia Seluk

CHAMADA HODI CESSAR-FOGO IHA FUNU IÊMEN NIAN, WAINHIRA LIUTIHA BOMBARDEIO

RTKNews,(edição Terça  Feira 18/10/2016);Dili-SBS World News Radio: ...

ATAQUE CONTRA ACAMPAMENTOS ISIS NIAN, LAOS HO VINGANÇA

RTKNews,(edição Terça  Feira 18/10/2016);Dili-Rádio ...

PRESIDENTE FUNDAÇÃO GRAÇA DEUS RECONHESE RELATÓRIO PESQUIZA NEBE PÚBLICA IHA MÉDIA LALOS

RTKNews,(edição Terça-feira,18/10/2016);Dili– Relaciona ho resultado ...

TIMOR LESTE PERCISA IHA HELICOPTRE NO RO BOOT

RTKNews,(edição Terça  Feira 18/10/2016);Dili-Tersa feira nee (18-10-16) ...

Programa Seluk

RONA NO HALO TUIR

HAU NIA INAN NO MAUN ALIN SIRA MAK; SIRA NEBE RONA NO HALO TUIR MAROMAK NIA LIAFUAN  (Husi ...

“JESUS MAK PAO MORIS”.

Belun Católica doben sira hotu, ohin ita tama ba domingo sanulu resin-sia tempo  ...

“EMA NEBE HAN AI-HAN NEE, NIA SEI MORIS BA NAFATIN”

LEITURA NO REFLEXÃO BA DOMINGO XIX TEMPO COMUM Primeira Leitura Lia hosi Livru Liurai sira ...

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, NIA

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, ...

IMI BUKA HAU, ...TAN IMI HAN PÃO TOO BOSU DIDIAK

LEITURA BA DOMINGO XVIII TEMPO (COMUM) BAIBAIN. Primeira Leitura: Lia housi Livro Êxodo (Ex ...

Hit Counter

Visita Ohin Loron : 1853
Total Visitor : 892195
Hits Ohin Loron : 10839
Total Hits : 7383550
Online Hela : 28