NGO EMPREZA DIAK INAUGURA CENTRO TREINAMENTO ATAÚRO DIAK
.:: 2017 Tinan Sagrada Escritura : Moris Ba Biblia, Iha Biblia, Ho Biblia, No Husi Biblia ::.


Nuticias Detalho

NGO EMPREZA DIAK INAUGURA CENTRO TREINAMENTO ATAÚRO DIAK

Image 03

RTKNews,(Edição Segunda-Feira/23/03/2015);Ataúro–sabado (21/3/2015), ONG Empreza Diak hamutuk ho parceiro desenvolvimento no ex Presidente da República Ramos Horta inaugura centro treinamento Ataúro Diak nebe localiza iha Suco Beloi, Posto Administrativo Ataúro. Cerimónia inauguracção nee hetan participacção comunidade, lider comunitário, governo local, parceiro, PNTL no F-FDTL. Ba jornalista sira, hafoin cerimónia inauguracção, Director Organizacção Empreza Diak Filipe Alfaiate hateten; presença Empreza Diak iha Ataúro atu tulun comunidade iha área negócio kiik, treinamento sobre osan tama no sai, hakiak manu rade no manu tolu, hakiak ikan no halo ikan maran, kuda modo, suco no produs produto local. Filipe dehan: objectivo loke centro treinamento nee atu hatan ba nececidade Mercado, liu-liu compradores  iha Capital Dili. Director nee dehan:  fo mos treinamento ba foin sae sira  atu activo no  produs produto local ho qualidade  atu turista bele sosa. Filipe Alfaite dehan: construção ba centro treinamento nee hetan apoio financeiro husi Governo Nova Zelandia, Sunrise, Uma Arquitectura no família husi senhor Filipe. Filipe confessa  orçamento ba construcção ho montante 45 mil, tanba material construção distribui husi Dili. Obra nee usa orçamento suficiênte tanba usa mos material local balun. Filipe dehan: karik governo apoio sei alarga tan Suco seluk iha Posto Administrativo Ataúro. Kona ba obra nee director dehan: Empreza Diak la obriga comunidade atu tuir organizacção nia hakarak. Maibé, nudar organizacção compreende  no respeita comunidade nia hakarak. Director Empreza Diak Filipe Alfaiate hateten; karik comunidade pronto, Empreza Diak pronto atu apoio comunidade. Obra nee kaer duni husi Ataúro oan nain 15, propriedade nebe usa ho medida  400 , construi uma 2 ba edificio, toba fatin, mini loja completo ho dapur no haris fatin, inclui fatin ba hakiak manu, horticultura, halo ikan maran no suku. Chefe Suco Beloi Alberto Alves expressa nia sentimento ksolok no agradece ba Empreza  Diak, tanba hili Suco Beloi  atu halo buat ruma ba comunidade, halibur comunidade no juventude. Alberto dehan: Beloi sai exemplo diak ba suco seluk iha actividade hotu, tanba nee nudar lider comunitário nunca impede programa desenvolvimento tanto husi Estado nunee mos NGO. Maibé, simu ho diak atu desenvolve ilha Ataúro. Francisco da Costa representante Aministrador Posto Administracção Ataúro hateten; inauguracção ba centro mak realidade desenvolvimento nebe hahu ona iha Ataúro, maske Ataúro haketak-an husi capital Dili. Maibé, sai exemplo paz ba fatin seluk. Francisco dehan Ataúro mak Ilha paz, maibé, nakonu ho desenvolvimento nebe lori diak ba povo nia moris. Francisco fiar katak ho contribuição activa husi comunidade bele  hadia liu tan Ataúro iha futuro. Henrique da Costa DNPDG nebe representa SEM hateten; iniciativa Empreza Diak hodi construi centro treinamento Ataúro diak bele apoio liu tan feto liu-liu iha parte economia atu feto bele  independente iha parte economia la significa compete ho mane. Maibé, iha ona kbiit rasik iha parte economia hodi hamenos violência basea ba género. Henrique dehan: programa Empreza Diak la sees husi programa SEM nebe luta ba hakbiit economia  feto vulnerável no halo promoção diak  ba igualdade género ba comunidade em geral, maibé, especial ba feto. Ramos Horta nebe hola parte mos iha cerimónia inauguracção nee hateten; Empreza Diak ohin loron conhecido iha mundo. Ramos Horta rasik halo negociacção ho multi milenário ida nebe sei mai Timor atu serviço ho Empreza Diak hodi hare projecto ruma. Ramos  Horta dehan: maske nia la iha Timor maibé, nia continua buka apoio atu tulun povo iha Timor Leste.***(Angel)




Komentario :


Prense Komentario :
Naran :
Website :
Komentario
 
 (Hatama kode 6 iha leten)

 

Notisia Seluk

CONSELHO IMPRENSA INFORMA SERVIÇO BA PRESIDENTE DA REPÚBLICA

RTKNews,(edição Sexta-Feira 16/03/2018); Dili-Presidente Conselho Imprensa/ Virgilio da Silva ...

EX-PRIMEIRO MINISTRO LANÇA PLANO AÇÃO NACIONAL RESOLUÇÃO CONSELHO SEGURANÇA ONU 1325

RTK News, edição Sexta Feira 21-10-2016 :  Primeiro Ministro Rui Maria de Araújo Quinta feira nee ...

CHAMADA HODI CESSAR-FOGO IHA FUNU IÊMEN NIAN, WAINHIRA LIUTIHA BOMBARDEIO

RTKNews,(edição Terça  Feira 18/10/2016);Dili-SBS World News Radio: ...

ATAQUE CONTRA ACAMPAMENTOS ISIS NIAN, LAOS HO VINGANÇA

RTKNews,(edição Terça  Feira 18/10/2016);Dili-Rádio ...

Programa Seluk

RONA NO HALO TUIR

HAU NIA INAN NO MAUN ALIN SIRA MAK; SIRA NEBE RONA NO HALO TUIR MAROMAK NIA LIAFUAN  (Husi ...

“JESUS MAK PAO MORIS”.

Belun Católica doben sira hotu, ohin ita tama ba domingo sanulu resin-sia tempo  ...

“EMA NEBE HAN AI-HAN NEE, NIA SEI MORIS BA NAFATIN”

LEITURA NO REFLEXÃO BA DOMINGO XIX TEMPO COMUM Primeira Leitura Lia hosi Livru Liurai sira ...

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, NIA

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, ...

IMI BUKA HAU, ...TAN IMI HAN PÃO TOO BOSU DIDIAK

LEITURA BA DOMINGO XVIII TEMPO (COMUM) BAIBAIN. Primeira Leitura: Lia housi Livro Êxodo (Ex ...

Hit Counter

Visita Ohin Loron : 161
Total Visitor : 1431170
Hits Ohin Loron : 417
Total Hits : 10284584
Online Hela : 6