LASAMA; LESS TALK, DO MORE
.:: 2017 Tinan Sagrada Escritura : Moris Ba Biblia, Iha Biblia, Ho Biblia, No Husi Biblia ::.


Nuticias Detalho

LASAMA; LESS TALK, DO MORE

Image 03

RTKNews,(Edição sexta-Feira,05 de Junho de 2015);Dili–Horas nee ema lubuk crítica lesuk metalidade NATO (-No Action, Talk Only). Mentalidade ida nee barak liu indica ba ukun nain ou seja politico sira nebe iha tempo campanha koalia bara maibé halo serviço la efectivo. Husi sorin seluk, ukun nain balu contra corrente ida nee hodi actua;” LESS TALK, DO MORE”//serviço barak liu, koalia oitoan deit.

Termos motivo Less Talk, Do More ida nee, refere ba Ministro de Estado Coordenador Assunto Sociais no Ministro Educação: LASAMA nebe halao serviço estado nian iha município Covalima, hafoin hetan problema saúde molok evacua mai Dili no husik iis iha HNGV.  Segundo vice presidente PN Adérito de Jesus ba RTK dehan; Lasama nia mate tristeza ba Parlamento Nacional, tanba matebian contribui diak iha tempo resistência too ukun-an, liu husi nia cargo  político, liu-liu iha tempo matebian lidera Parlamento Nacional segunda legislatura. Maskae tempo neba PN enfrenta problema, maibé, ho nia experiência no matenek consegue lidera ho sucesso. Hugo, dehan: iha história formação V no VI governo, Matebian tama iha lista lider potencial nebe estado no povo precisa atu nafatin serviço iha linha estado nian. Hugo dehan: too Lasama husik nia iis, antes nee nia halao missão estado la importa interece privado no grupo, hodi servi povo ho fuan ho laran tomak. Hugo ho mataben, haktuir; Lasama nia mate nee decisão Maromak nian, maske povo no estado sei precisa.

Nudar político, Hugo hatoo sentido condolência ba família no partido PD. Hein katak; Maromak sei haraik fatin diak ba matebian iha nia kadunan Santo. Biban hanesan: vice presidente bancada Fretilin, deputada; Josefa Pereira dehan; Fretilin hatoo sentido condolência ba família enlutada no partido Democrático. Josefa, dehan; Lasama figura moderado, laós radical no hakuak ema hotu. Matebian nia mehi hakarak atu desenvolvimento  hahu husi base. Tanba nee, nia lao haleu Município atu resolve problema educação, ikus mai nia lao too hakotu nia iis. Lasama exemplo ba foin sae sira.

Iha quarta feira, 2 de junho dader, tuku sanulu htl, husi uma matebian Fernando Lasama de Araújo Ailok-laran, família entrega hikas mate isin ba Estado hodi processa tuir protócolo estado nian, tamba saudoso laós família nian deit maibé, estado no povo Timor nian tomak. Antes  lori matebian sai husi  uma  ba sede Partido Democático (PD) iha Colmera, representante família; Francisco de Carvalho, haktuir; maske ho laran triste entrega hikas mate isin ba estado, maibé, representa família  agradece. Tamba governo mos reconhece matebian nia favor  durante nee iha luta ba nação. Além de nee, Fransisco expilica katak; matebian nia lia fuan bainhira  sei moris nia rasik koalia dehan: RENETILhanesan  família ida, tamba husi RENETIL mak matebian desenvolve actividades sira hotu hodi contribui ba nação ida nee. Tamba nee, família husu ba RENETIL atu hakerek netik história no lalaok saudoso nian, atu matebian nia geração sira li-liu nia oan nain rua, bele hatene história saudoso nian ho diak.

Sorin seluk Alexandre de Araújo nebe acompanha saudoso durante viagem iha matebian nia vida, hatete; lia menon nebe maktoban husik ba Alexandre, katak; ohin loron ema barak preocupa liu ba dolar, maibé, la preocupa ba desenvolvimento hodi hadomi nação ida nee. Tamba nee, saudoso husu ba geração tuir mai tenke tau atenção ba povo iha rai ida nee. Iha viagem ikus husi Município Covalima, Alex haktuir; mensagem nebe saudoso hameno hela ba professor sira kona ba qualidade escola  no futuro educação  atu sai oinsa iha Município refere.

Saudoso husu ba povo Covalima atu unidade nafatin, se lae educação iha Covalima   ba los nebe.  Lia menon  ikus bainhira nia iha ona kareta laran, atu lori ba hospital referal Suai hodi evacua mai Dili, ba alexandre saudoso dehan; husu ba joventude sira hadomi rai no povo ida nee, tamba nação nee sei precisa ita. Ho matan ben nakonu, Alex fo boa viagem no adeus ba maktoban Lasama.

Representante Governo vice Ministro Solidaridade Social; Miguel Manetelo agradece ba família, tamba husik ona saudoso ba estado hodi halao knaar durante nee iha V no VI  governo durante matebian nia vida. Tamba nee, estado hasai decreto governo hodi halo lutu durante loron tolu no hasai resolução ida atu fo condecoração ho título ordem Nicolau Lobato nian ho grau maximo, nebe halao iha sexta dia 5 iha uma fukun Parlamento Nacional.

Manetelo, dehan: maktoban sei haloot iha dia 5 lorokraik iha Jardim dos Herois Metinaro ho razão tamba ex-Presedente Kayrala Xanana Gusmao, desloca tiha ba estrangeiro no dia 5 de junho mak fila husi estrangeiro. Xanana husik hela lia menon, dehan:  loron 5 nee haloot matebian iha lorokraik atu nunee, nia mos bele participa netik  iha Jardin dos Herois Metinaro. Adeus Maun LASAMA-Tu es nosso Heroi, Ate Eternidade.***(Angel-Anno).




Komentario :


Prense Komentario :
Naran :
Website :
Komentario
 
 (Hatama kode 6 iha leten)

 

Notisia Seluk

CHAMADA HODI CESSAR-FOGO IHA FUNU IÊMEN NIAN, WAINHIRA LIUTIHA BOMBARDEIO

RTKNews,(edição Terça  Feira 18/10/2016);Dili-SBS World News Radio: ...

ATAQUE CONTRA ACAMPAMENTOS ISIS NIAN, LAOS HO VINGANÇA

RTKNews,(edição Terça  Feira 18/10/2016);Dili-Rádio ...

PRESIDENTE FUNDAÇÃO GRAÇA DEUS RECONHESE RELATÓRIO PESQUIZA NEBE PÚBLICA IHA MÉDIA LALOS

RTKNews,(edição Terça-feira,18/10/2016);Dili– Relaciona ho resultado ...

TIMOR LESTE PERCISA IHA HELICOPTRE NO RO BOOT

RTKNews,(edição Terça  Feira 18/10/2016);Dili-Tersa feira nee (18-10-16) ...

Programa Seluk

RONA NO HALO TUIR

HAU NIA INAN NO MAUN ALIN SIRA MAK; SIRA NEBE RONA NO HALO TUIR MAROMAK NIA LIAFUAN  (Husi ...

“JESUS MAK PAO MORIS”.

Belun Católica doben sira hotu, ohin ita tama ba domingo sanulu resin-sia tempo  ...

“EMA NEBE HAN AI-HAN NEE, NIA SEI MORIS BA NAFATIN”

LEITURA NO REFLEXÃO BA DOMINGO XIX TEMPO COMUM Primeira Leitura Lia hosi Livru Liurai sira ...

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, NIA

HAU MAK AI-HAN MORIS NIAN, EMA NEBE HAKBESIK HAU, NIA SEI LA HAMLAHA TAN; EMA NEBE FIAR IHA HAU, ...

IMI BUKA HAU, ...TAN IMI HAN PÃO TOO BOSU DIDIAK

LEITURA BA DOMINGO XVIII TEMPO (COMUM) BAIBAIN. Primeira Leitura: Lia housi Livro Êxodo (Ex ...

Hit Counter

Visita Ohin Loron : 1191
Total Visitor : 772829
Hits Ohin Loron : 5353
Total Hits : 6665665
Online Hela : 43