RTKNews (Ed. 09 Junho 2020)-Hafoin tama ba Etddo Emergencia ba datoluk, Universidade da Paz, decide hahu hikas proceso aprendisagem hafoin parado durante fulan rua. Ba jornalista Radio Timor Kmanek iha loron 08 fulan Junho tinan ida ne,Reitor Universidade da Paz (UNPAZ) Adolmando Soares Amara hateten, Universidade da decide reativa hikas proceso aprendisagem baseia ba declaração husi Primeiro Ministro Taur Matan Ruak.

“ Estado Emerencia nebe maka extende tan ba datoluk ne, Primeiro Ministro declara concentra deit ba iha linha entrada sira iha Fronteira ho Nação visinho no mos porto no aero porto, actividade iha rai lran lao nafatin, tanba ne ami nia parte decide normaliza hikas proceso aprendisagem no mos actividade estagio social no profesional lao mesmo seidauk iha despacho husi Ministerio Ensino Superior” Dehan Reitor sucessor ba Saudoso Lucas ne.

Adolmando mos relata, masque seidauk hetan despacho, maibe sira parte rasik apresenta ona nia preparação hotu ba Ministerio Ensino Superior no Ministerio Saude kona ba reativa proceso aprendisagem ne.

“kona ba regra higine sira agora dadauk ami prepara ona tanque be rua no torneira sanulu (10) no mos torneira sira nebe ha casa de banho universidade nian funciona hotu kedan alem de ne ami mos prepara máscara hamutuk rihun rua (2000) iha ne” Adolmando haktuir

Escritor : Ruben