Segunda, 18 Janeiru 2021, OTL
Breaking News

Sexta, 28 Agu 2020, 09:13:49 OTL, 319 View Ruben Conceicao da Silva, Kategori : Igreja Local

RTKNews (Ed.27-08-2020) – Ligado ho rumoris sira ne’ebe dadaun nee espalha iha público katak Uma Kreda sei realiza manifestação boot ida iha Dili, Dom Virgílio do Carmo da Silva Porta-voz CET e Arcebispo Metropolita de Dili, liu housi Comunicado da Imprensa ne’ebe realiza iha sexta (27/08) horas 4:30 ohin, iha Câmara Eclesiástica Arquidiocese Metropolitana de Dili hatan questão nee katak Uma Kreda lahatene kona ba ida ne’e, no Uma Creda declara katak laiha hanoin no hakarak ida atu halo manifestação ruma. Tanba ne’e, Dom Virgílio do Carmo da Silva nu’udar Porta-voz CET e Arcebispo Metropolita de Dili husu atu público labele fiar boatos/rumoris ne’ebe espalha dadaun iha público.

“Liu housi biban ida ne’e, Uma Creda hakarak hato’o ba público katak; informação ne’ebe oras ne’e espalha iha público (iha média sira) katak, Uma Creda atu halo manifestação ne’e, housi parte Uma Creda nian ami la hatene buat ida no ami laiha conhecimento kona ba ida ne’e, tenik Dom Virgílio do Carmo da Silva nu’udar Porta-voz CET e Arcebispo Metropolita de Dili iha Comunicado da Imprensa ne’ebe realiza iha sexta (27/08) lokraik horas 4:30 ohin, iha Câmara Eclesiástica Arquidiocese Metropolitana de Dili”.

Porta-voz Conferência Episcopal Timorense (CET) Arcebispo Metropolita de Dili Dom Virgílio do Carmo da Silva declara katak Uma Creda, laiha hanoin no hakarak ida atu halo manifestação ruma.

“Uma Creda laiha hanoin no hakarak ida atu halo manifestação ruma, hanesan oras ne’e espalha iha público. Tanba ne’e, husu atu wainhira informação ne’e ba to’o autoridade seguransa no civil nia tilun karik, husu ho favor verifica lai ho autoridade Uma Creda nian molok fo sai ba público, declara Dom Virgílio do Carmo da Silva Porta-voz CET e Arcebispo Metropolita de Dili.

Jornalista : DCAD

Editor : Angelson Soares.



DIAK LIU ITA CUMPRE REGRAS NEBE ESTADO FO SAI
Quarta, 30 Des 2020, 11:11:20 OTL, Le'e : 119 Dala
Mensagem Natal 2020
Quarta, 23 Des 2020, 09:21:30 OTL, Le'e : 57 Dala
DOMIN BA MAROMAK NE LAIHA RESERVA
Sexta, 18 Des 2020, 13:18:49 OTL, Le'e : 55 Dala

Komentariu