Quinta, 29 Outubro 2020, OTL
Breaking News

Quarta, 12 Agu 2020, 14:51:18 OTL, 157 View Ruben Conceicao da Silva, Kategori : Nacional

RTKNews(ed.Terça Feira 12/08/2020):DILI- Frente Unidade Libertação Nacional declara conceito económico nebe ita adopta ba investimento seitor petrolífero bazeia ba plataforma The Treaty on Certain Maritime Arrangements in the Timor Sea (CMATS Treaty) nebe Timor Leste ho Australia concorda hamutuk liu husi tratado exploração riku soin tasi Timor iha poso mina no gas Bayu Undang iha área conjunta hodi dada cadoras ba Australia. Ho acordo investimento económico nee mak infraestructura ba actividades exploração halao hotu iha ema nia rain, taxa adoneiras nebe involve exportação, importação no actividades ligadus sira seluk nia encargus sira, hela tomak nudar rendimento mesak ka própria Australia nian, nebe precisa koa husi lucro rendimento exploração tamba assume nafatin responsabilidade husi actividades nebe fundamenta ho lia fuan exploração hamutuk maibe laiha ezenção ka exepção ba taxas relacionadas. Declaração nee fo sai husi porta voz  Frente Unidade Libertação Nacional, Reis Kadalak liu husi conferência imprensa iha sede PST Balide, Quarta (12/08/2020).  

“Conceito investimento ida nee mak ita hare ho matan katak laiha mudanças boot iha Timor Leste, tamba liu husi acordo CMATS Treaty ita rasik aceita loke industria mina iha Australia, taka dalan posibilidades rendimento adicionais ou rendimentos alternativos. Conceito ecónomia ida depende totalmente ba ita nia fundus de reservas mak ita hare dadaun. Ita hotu taka matan hodi ba foti osan iha fundus de reservas as liu rendimento sustentável estimativas annual husi rendimento petrolífero, laiha mega investimento husi estrangeiro, exepto maluk sira husi cina mai loke loza um dolar hodi kasa osan uituan nebe ita iha no la fo possibilidade atu osan bele circula ho tempo naruk uituan iha rai doben Timor Leste” dehan Reis Kadalak.

Reis Kadalak haktuir liu tan durante nee economista sira tur nonok, laiha ánaliza no estudos hodi apresenta investimento alternativa.  Maun bot Kay Rala Xanana Gusmão rasik liu husi estudos de viavilidade nebe timor GAP no ANP halo, loke dalan ba estabelecimento industria petrolífera no gas iha ita nia rain. Possibilidade nee fo optimismo ba hamoris económia nacional ho insentiva floresimento setor produtivos sira seluk,ínclui provizão campo de trabalho concreto, barak no sustentável, hodi gradualmente provoca industrialização iha setor sira seluk, ho nee automaticamente atrai no nakloke ba investimento internacional.

“Bazeia ba industrialização nacional sira iha setor petrolífero no gas iha Timor Leste, nebe sai nudar estratégia ba teoria económia nebe Maun bot Kay Rala Xanana Gusmão apresenta liu husi dada kadoras mai Timor Leste hodi hari facilidades infraestructuras nebe conhecido ho naran mega projecto costa sul bele lao, mak Timor Leste sei la hasai tan fundo de reservas iha Ámerica tamba ho actividade económia liu husi industrialização setor petrolífera mak fo liu tan oportunidade ba fortalecimento no alargamento industrias colaterais sira atu buras liu tan, nunee ita nia económia sei sai sustentável liu tan no transforma Timor Leste husi estatuto económia kiik ba país ho mega económia iha região nee. Ho nunee hasai osan liu husi pursento tolu sei la sai tópico nebe manas, todan tebes ba estado no preucupação ba geração iha future” Haktuir Nia.

Kadalak hatutan, paradigma económia iha leten mak bele sustenta los ita nia económia no fo resposta lolos ba loke campo trabalho, dada no observa investimento petrolífera no setor produtivo sira seluk mai ita rain, hodi conclui ka taka adomatan boot luta ba libertação nian tuir mega vizão Maun bot Kay Rala Xanana Gusmão nian ba hari Timor Leste husi otas ba otas no geração ba geração atu moris nudar nação rico no bot liu husi utilização lolos nia recurso sira nudar Timor Leste nia potenciais económicas rasik. Tanba nee ho conciderações xaves no princípais tomak tuir conceito económia Maun bot Kay Rala Xanana Gusmão nian, Frente Unidade Libertação Nacional apela ba timor oan tomak atu apoio no suporta política investimento económico nebe Maun bot Kay Rala Xanana Gusmão halo ba Timor Leste, povo tomak hamrik descidi nia futuro rasik hodi fo apoio ba Maun bot Kay Rala Xanana Gusmão atu concretiza kadoras mai Timor Leste nudar vizão nebe Xanana elabora tuir aspiração popular hafoin de efetua consulta ho povo Timor Leste tomak husi município ba município, la aceita Mari Alkatiri atu ho nia hanoin mesak dada kadoras ba Australia tamba conceito dada kadoras mai Timor leste hanesan dehan ona nudar esforço estratégico nebe Xanana lança tuir vizão nebe resulta  husi consulta popular molok elabora plano estratégico no dezemvolvimento nacional. ***DP



ARQUIDIOCESE DILI HALAO MISSA ABERTURA DA EXISTENCIA BA DALA 80
Segunda, 07 Sep 2020, 13:29:37 OTL, Le'e : 129 Dala
ARQUIDIOCESE DILI HALO TINAN 80
Segunda, 07 Sep 2020, 11:59:46 OTL, Le'e : 132 Dala
ARCEBISPO DOM VIRGILIO: PARABENS BA SARANI HERA
Segunda, 07 Sep 2020, 09:34:04 OTL, Le'e : 142 Dala

Komentariu