Quinta, 29 Outubro 2020, OTL
Breaking News

Segunda, 31 Agu 2020, 15:08:51 OTL, 148 View Ruben Conceicao da Silva, Kategori : Igreja Local


RTKNews (Ed.31-08-2020)-Quase Paroquai Lequidoe officialmente nakfilak an ba Paroquia Paroquia iha loron 30 fulan Augusto tina 2020, hafoin durante tinan rua (2) nudar quase Paroquia. Arcebispo Arquidocese de Dili Arcebispo Mgr. Dom Virgilio hato’o nia parabens ba Paroquia foun Nossa Senhora do Carmo Lequidoe tanba ida ne mak durante ne Sarani Lequidoe nia desezo.
“Desezo nebe sarani Lequidoe iha sira hatudu duni liu husi colabroção ho Padre sira ho nune ikus mai bele realiza duni sira nia mehi, ne duni hau nia parabens ba sarani Lequidoe sira hotu. Maibe laos katak depois de sai Paroquia sarani sira nia serviço hotu ona miabe tenque nafatin olabora ho Amo sira hosi bele lori Paroquia ne ba oin” Dehan Arcebispo Dom Virgilio do Carmo.
Iha fatin hanesan Padre Pároco Paroquia Nossa Senhora do Carmo Lequidoe Pe.Hasang Paul Kim, BMC. Hateten, nia parte agradece ba Maromak tanba mehi nebe sira hein ikus mai realiza ona, mehi ne maka Errecção Canónoco quase Paroquia ba Paroquia.
“ Hau Agradece ba momento ida ne tanba ami sai ona Paroquia maibe oin iha serviço boot nebe maka ami persica halo liu-liu iha parte educação tanba hau iha mehi ida atu oinsa Timor oan bele hetan educação nebe diak liu, liu-liu Lequidoe oan sira” Dehan Padre Correiano ne.
Biban hanesan, chefe Concelho pastoral Paroquia Lequidoe, Agostinho do Rego hateten sira parte agraece tebes tanba kleur ona sira mehi atu sai Paroquia ikus mai mai mehi ne sai realidade iha loron 30 fulan Agusto tinan 2020.
“Nudar chefe do Concelho Paroquial Paroquia Nossa do Carmo Lequidoe husu ba sarani atu colabora diak liu tan ho Amo sira iha Paroquia ida ne’e, tanba mehi nebe maka durante ne ita hotu hein agora sai ona realidade tanba ne keta haluha participa nafatin iha Missa sira laos deit iha loron boot maibe iha qualquer tempo” dehan Agostinho do Rego
Iha sorin seluk, Catequista Vitorino Nuno expressa nia sentimento contente ba erreção quase Paroquia Lequidoe sai ba Paroquia.
“Nudar Catequista nebe halao kna’ar desde tinan 1982, hau sente contente tebes ho momento ida ne no ba oin ho Maromak Nia tulun espera katak sarani hoti-hotu bele serviço makas liu tan atu lori Paroquia foun ne ba oin” dehan Catequista Vitorino.
Ceremonia Erecção ne officialisa direitamente husi Arcebispo arquidiocese de Dili Mgr. Dom Virgilio do Carmo da Silva.
  

Escritor: Ruben
 



ARQUIDIOCESE DILI HALAO MISSA ABERTURA DA EXISTENCIA BA DALA 80
Segunda, 07 Sep 2020, 13:29:37 OTL, Le'e : 128 Dala
ARQUIDIOCESE DILI HALO TINAN 80
Segunda, 07 Sep 2020, 11:59:46 OTL, Le'e : 131 Dala
ARCEBISPO DOM VIRGILIO: PARABENS BA SARANI HERA
Segunda, 07 Sep 2020, 09:34:04 OTL, Le'e : 142 Dala

Komentariu