Tersa, 22 Septembru 2020, OTL
Breaking News

Tersa, 05 Mei 2020, 09:13:34 OTL, 2431 View Ruben Conceicao da Silva, Kategori : Igreja Local

Papa Francisco hatete: “Político sem Sabedoria prejudica a sociedade”. Tema central ba Leituras semana nee mak Bom Pastor (Bibi Atan diak). Tema ida nee, hetan deit iha relato evangelista João nian (Jo 10,1-10). Iha citação Bíblica nee, Jesus halo descrição diferença entre Bibi atan diak no bibi atan aat hodi hateten;”Hau mak Bibi atan daik, laos ema naok ten, laos ema bosok ten, laos ema nebe lao husik hela nia bibi sira. Hau mak bibi atan nebe garante bibi sira nia moris”.

Capítulo 10 Evangelho são João nian descreve momos oinsa Jesus nudar Bibi atan diak, Nia mos sente susar no terus nebe Nia bibi sira enfrenta. Até, bibi atan diak nee saran Nia-An ba bibi sira nia moris.Jesus dehan liu tan ba sira: “Tebes Ha’u dehan tebes ba imi: “Ha’u ne’e bibi sira nia lutu-matan. Ema nebé mai uluk liu Ha’u, sira mesak na’ok-ten no ahu-na’in; maibé, bibi sira la rona sira lian…. Ha’u fo ba sira moris rohan-laek: sira sei la mate; ema ida sei la bele hasai sira housi Ha’u liman. Ha’uniaAman, ida be haraiksiramaiha’u, niamak boot liu hot-hotu. La iha ema ida bele hasai sira housi Ha’u Aman nia liman. Ha’u ho Ha’u Aman, Ami ida de’it(Jo 10, 27-30)”.

Iha Jesus nia tempo, responsabilidade no misericórdia Maromak nian, expressa no simboliza ho Bibi Atan diak (O Senhor é Meu Pastor nada me faltará). Bibi atan diak responsável ba oinsa atu guia no tau matan (Governa) bibi sira iha deserto/rai fuik maran no buka duut matak hodi habosu bibi sira (justiça social no desenvolvimento). Bibi atan diak responsabiliza hodi protege bibi sira husi asu fuik, naok ten no desvia bibi sira husi rai maran hodi endereça bibi ba we matan.

Iha Sagrada Escritura (Bíblia), Bibi atan diak utiliza hodi simboliza lider (naiulun) sira nebé responsável no iha dever hodi protege/ukun povo ida ho justo, Imagem Bibi atan diak hodi simboliza poder no responsabilidade.

Tuir Jesus nia perspectiva; figura Bibi atan diak, mak ida nebé tama no sai husi lutu matan (protão/lokar/constituição/lei). Ida nebé la liu husi lutu matan (liu husi dalan inconstitucional), hirak nee considerado naok ten, bibi atan falso, oportunista nebé mai buka destrui no naok/aproveita deit bibi sira nia direito.

Iha Antigo Testamento, simbolicamente povo nebé hakarak atu sae ba Sião hodi adora Maromak, tenke tama liu husi protão (odamatan boot). Iha situação actual, povo nebe atu hetan prosperidade (kemakmuran) tenke pertence ba estado ida nebé hamriik iha constituição nia okos nudar portão/luto matan, no atu alcança prosperidade nee, govenante sira mak tenke sai hanesan mata dalan (bibi atan) nebé guia bibi sira (povo) liu husi odamatan (constituição) refere, laos haksoit lutu.Tanba nee mak Profeta Isaías hakerek: “Maromak mai hodi haklaken paz, esperança, prosperidade ba ema hotu”. Maromak mai liu husi odamatan ida. Ukun tuir mata dalan constituição, sei lori prosperidade, justiça no paz ba bibi sira hotu (povo). Nai lia tun: “Hau laran mamar ona hodi hadomi o, o nia lokar/portão sira sei nakloke ba bebeik, kalan eh loron sei la taka” (Is 60,11).

Expressão Maromak mai liu husi portão/lutu matan nebé simbolicamente profeta Isaías fo imagem, sai realidade ba Jesus nia mai iha mundo. Jesus tenik: “Ha’u lutu-matan. Ida nebé liu housi Ha’u, sei hetan maksoyn; nia sei tama, sei sai hodi hetan du’ut matak”. Nunee, Jesus mak odamtan nebé possibilita ita ba hasoru malu ho Aman Maromak. Tanba nee mak São Paulo iha nia carta ba Éfeso hakerek: “Liu husi Cristo, ita nobun hetan dalan tama ba Aman Maromak (Ef 2,18)”. Perante Covid19, Lei (Constituição) mak bele sai hanesan odamatan/lutu matan atu político sira utiliza hodi gui povo (bibi sira) ba duut matak (desenvolvimento).   

Iha Evangelho São João semana nee (Jo 1,1-10), Jesus apresenta-an nudar Bibia atan diak ida. Nia nudar lutu matan nebé bibi sira horik tuir ba. João halo relato nee hodi fo hanoin fali situação Jerusalém. Infelizmente, ohin loron, político sira alergia ho Jesus nia naran, alergia ho Igreja nia existência, alergia ho Lei tanba sira nia interece laos lori povo ba we matan no duut matak maibé, sira nia interece mak hetan cargo, aproveita estado nia regalias, hariku família no grupo/partido hodi povo nia naran.

Iha cada templo, iha mos fatin hodi halibur bibi malae sira nebé sei hasae nudar sacrifício. Iha nebá, existe mos odamatan hodi ida deit hodi hatama bibi hirak nee no la iha odamatan sai nian. Basea ba situação ida nee mak, Jesus apresenta-An nudar único odamatan hodi sai no mos tama ba Lalehan.

Jesus apresenta-An nudar odamatan nebé bele sai no tama significa; atu bibi sira bele tama iha fatin/luhan seguro ao mesmo tempo odamatan sai nudar dalan hodi salva bibi sira husi perigo naokten, asu fuik no seluk tan. Tanba atu salva bibi hirak nee mak Jesus hatete: “Hau mak Bibi atan diak. Bibi atan diak saran nia moris ba Ninia bibi sira” (Jo 10,11). Jesus nia provas (bukti) nebé justifica katak Nia Bibi atan diak nebé saran moris ba Ninia bibi sira mak; Ninia mate iha Cruz,

 

Reflexão Bibi atan diak relevante tebes ba ita hotu nebé horas nee funu hasoru Covid 19 basá, too horas nee, ita seidauk hatene los funu hasoru Covid19 nee wainhira mak sei remata. Pior liutan, político sira aproveita ocasião Estado Emergência fase primeira ho segunda hodi haksoit luto (Cosntituição); ida ba hadau poder, ida seluk assegura poder. Atu desvia povo (bibi) sira nia atenção no dada simpatia, governante sira hamamar povo nia laran ho pulsa eletricidade 15 dólares no subsídio 100 dólares.

Relevante tebes ho situação política, ohin loron ambição ba poder, desvaloriza dignidade ema nian. Político lakon respeita ba constituição. Ema considera malu hanesan Bibi malae ho asu fuik tan deit interece diferente, ideologia la hanesan, ambição mak barak.Media social (facebook) saihanesanmeiohodilekarmalu-dun malu-bukaoin.Media social nee makhalo ema ladun respeita malu  ona. Oras nee, ema barak sai sujeito ba ema seluk nia interece. Partido político sira buka leet atu oinsa hadau poder no ida seluk buka mos dalan atu assegura poder. Termo Povo sai hanesan kilat hodi luta ba interece ida nee.

Ema balu uza ema seluk sai hanesan instrumento ba ninia interece sira. Ita agradece ba Maromak basá, ita sei bele haré ema ida-rua nebe hatudu-an hanesan Bibi atan diak ba ema nobun. Husi sorin seluk, ita mos bele observa se mak mosu mai hanesan naok ten,se mak luta ba interece povo.

Iha situação crise nia laran hanesan nee, iha nebé, nação barak funu hasoru problema Covida19 inclui Timor Leste maibé, ita nia situação política mos incerteza nafatin tan deit Bibi atan sira (governantes/político) hadau malu poder-assegura poder.

Graças a Deus, iha sisutação hanesan nee, sei iha Bibi atan diak ida nebe hamaluk nafatin ita iha qualquer situação. Nia mak figura Jesus Cristo Bom Pastor. Ema dehan a friend in need is a friend indeed; Amigo na dificuldade é o verdadeiro amigo. Personalidade Jesus hatudu totalmente ditado ida nee. Igreja Católica liu husi Diocese tolu fo ordem atu cada paróquia fo tulun ba família hirak nebé kbiit laek perante Estado Emergência ida nee. Apoio humanitário nee maske oitaon maibé, halao duni hodi ajuda família kbiit laek sira.

Iha sorin seluk, partido político ou lider político balu mos halao ona sira nia ação caritativa hodi fo apoio humanitário ba ema kbiit laek sira iha capital Dili. Além de nee, grupo humanitário lobuk ida mos, depois de presidente decreta Estado Emergência segunda fase, grupo hirak nee  (Exemplo grupo G-MAH=Grupo Mobilização Apoio Humanitário) durante semana ida ba kotuk halibur ona material necessidade basico husi entidades oioin hodi distribui ba família kbiit laek sira iha capital Dili nebé enfrenta problema hamlaha devido Estado Emergência.

Ita nobun nebe simu ona we baptismo iha Igreja Católica, hola parte ona iha knaar salvífica Nai Jesus Cristo. Tan nee, se ita temi eh considera Jesus nudar Bibi atan diak, tuir lolos ita ida-idak hetan bolu atu sai bibi atan diak iha ita ida-idak nia moris, iha ita nia família, iha ita nia serviço fatin, iha ita nia comunidade, iha ita nia organização, iha ita nia partidoliliu iha ita nia nação.

Ita nia inan aman hetan bolu sai bibi atan diak ba oan sira. Nailulik eh madre sira hetan bolu hodi sai bibi atan diak ba sarani sira. Mestre eh professor sira hetan vocação nudar bibi atan diak ba aluno sira.  Empresário sira hetan bolu hodi sai bibi atan diak ba sira nia empregado sira. Nunee mos governante hetan bolu atu sai bibi atan diak povo nação ida nian.

Impossível ita sai bibi atan diak iha ita ida-idak nia knaar se wainhira lalaok nee ita halao la tuir mata dalan nebe Cristo hatudu hela ona (Lei). Cristo mak odamatan boot hodi tama ba bibi luhan. Constituição mak dalan atu governante sira cumpri tuir molok hetan cargo político nudar Bibi atan diak ba povo. Tan nee, ita precisa tama tuir Cristo. Nee significa katak; wainhira ita sai bibi atan la liu tuir Cristo nudar odamatan boot ou la tuir Constituição nudar mata dalan, halao buat ruma la tuir Cristo nia hanorin, então ita nee bibi atan falso nebe so existe hodi destroi, aproveita ka harahun deit bibi sira nia moris nebe Maromak tau fiar hela ba ita.

Liu husi passagem Evangelho Domingo semana 4 tempo Páscoa nee, Jesus hakarak convida ita hotu nebe moris simples eh moris riku hodi banati tuir Jesus nia hahalok nudar bibi atan diak (Bom Pastor). Wainhira ita banati tuir Jesus, significa ita unifica ita-an ho Maromak. Ema hotu precisa sai lider eh bibi atan diak hodi prática hahalok diak sira. Funu hasoru buat aat sira, funu hasoru corrupção hodi lori paz ba ema hotu.

Papa Francisco hatete: Político sem Sabedoria prejudica a sociedade. Se ema Católico ida consegue sai lider nebe diak, significa nia consegue sai imagem Bom Pastor ba ema seluk. Maromak mak odamatan ba salvação, ain nebe forte hodi hasoru tentação sira. Hasorunakukun Covid19atuitahetanksolokbamoris nee. Nai Jesus nia moris hias nudar vocação ida ba ema hotu nebe sai Cristão/sarani hodi moris hanesan bibi atan diak ba ema seluk, banati tuir ita nia bibi atan lolos Jesus Cristo (Constituição). Assim seja e Bem Haja(ignasoliveira2020).

 

 

 

 

 

 

 

 

 

 

 

 

 

 

 

 

 



ARQUIDIOCESE DILI HALAO MISSA ABERTURA DA EXISTENCIA BA DALA 80
Segunda, 07 Sep 2020, 13:29:37 OTL, Le'e : 72 Dala
ARQUIDIOCESE DILI HALO TINAN 80
Segunda, 07 Sep 2020, 11:59:46 OTL, Le'e : 75 Dala
ARCEBISPO DOM VIRGILIO: PARABENS BA SARANI HERA
Segunda, 07 Sep 2020, 09:34:04 OTL, Le'e : 94 Dala

Komentariu