Quinta, 29 Outubro 2020, OTL
Breaking News

Domingu, 26 Apr 2020, 11:33:53 OTL, 355 View Ruben Conceicao da Silva, Kategori : Nacional

RTKNews (Ed.25.abril.2020)-Pasiente nain lima (5) nebe maka hetan resultado negativo ba teste dalarua tutuir malu ohin Sabado loron 25 fulan Abril 2020 fila hikas ba sira nia hela fatin hafoin loron hira tama iha sala isolamento Vera Cruz Dili .

portavoz Centro Integrado de Gestão de Crise, Doutor Sergio Lobo nebe direita ba iha Sala Isolamento Vera Cruz Dili, ba Jornalista hateten, sira nia parte agradeçe ba Pasiente recoperado sira nebe hatudo sira nia colaboração diak tebes ho Governo hodi mai tama iha sala Isolamento ho nune evita transmissão virus ne ba iha comunidade.

“ ho resultado teste negativo dalarua tutuir malu ne hatudu katak sira nia imunidade diak tebes no ikus mai bele oho virus ne iha sira nia isin. Ohin loron 25 fulan abril, tinan 40 liu ba ita hetan liberdade atu decide ita nia futuro nação. Tanba ne hein katak ohin 25 de Abril ne, Maromak tulun ita bele hetan liberdade husik Covid-19” Dehan Doutor Sergio Lobo.

Iha fatin pasiente Recoperado ida nebe lakohi hateten nia naran, hato’o nia agraecemento ba Ministerio Saude, Centro Integrado de Gestãode Crise no mos Pessoal Saude sira nebe atende sira iha Sala Isolamento Vera Cruz.

“Ami hato’o Obrigado no desculpa ba ami nia atetude sira durante ne’e, dalaruma ho ami nia compreenção nebe maka lato’o halo ami tenque hasai liafuan sira ou hatudo ami nia atetude nebe maka ladun diak, ba ida ne lori sira seluk nia naran hau hato’o desculpa” hateten nia.

Eis Pasiente feto ne mos hato’o mensagem ba público atu cumpre regra nebe Governo fo sai, hanesan social distancia, fase liman ho sabão, labele halibur malu no seluk tan.

Escritor : Ruben



ARQUIDIOCESE DILI HALAO MISSA ABERTURA DA EXISTENCIA BA DALA 80
Segunda, 07 Sep 2020, 13:29:37 OTL, Le'e : 129 Dala
ARQUIDIOCESE DILI HALO TINAN 80
Segunda, 07 Sep 2020, 11:59:46 OTL, Le'e : 133 Dala
ARCEBISPO DOM VIRGILIO: PARABENS BA SARANI HERA
Segunda, 07 Sep 2020, 09:34:04 OTL, Le'e : 144 Dala

Komentariu