RTKNews (ed.quarta.29.abril.2020)-Haoin iha semana kotuk, Professor Portuguêsa nain rua (2) nebe hela iha Municipio Liquica, equipa vigilancia epidiomiológica halo kedan esforço halo vigilancia sintenela hodi determina se iha ona transmissão iha comunidade no actividade ne lao to agora, informação ne hato’o husi Porota voz Centro Integrado de Gestão de Crise (CIGC) Doutor Rui Maria Araujo iha quarta loron 29 fulan Abril 2020 iha Centro Convenções Dili.

“Equipa recolha ona sianulu resin hitu (97) amostras especimé, ruanulu resin hitu (27) negative no limanulu resin rua (52) sei hein resultado laboratorio” Dehan Doutor Rui

Iha tempo hanesan, ex-Primeiro Ministro ne mos esclareçe ba dúvida nebe espalha iha público  kona ba sasan doação husi governo China. Tuir Doutor Rui, Organisação Mundial Saúde (OMS) fo sai ona katak ema nebe simu sasan pacote husi China, laiha risco daet virus Corona foun (Covid-19). Husi análisa nebe halo ona, comprovado katak virus corona la moris naruk iha buat sira hanesan karta ka sasan iha pacote.

“ Técnico sira husi Ministerio Saúde ho apoio husi Organisação Mundial Saúde, verifica ona especificação no qualidade husi informação, katak buat hotu tuir hela especificação Organisação Mundial Saúde (OMS) nian. Mai ita hotu agradeçeba Povo no Governo nia laran luak ba Povo Timor-Leste” Hateten Doutor Rui.

Escritor :Ruben