Quinta, 29 Outubro 2020, OTL
Breaking News

Segunda, 24 Agu 2020, 10:05:21 OTL, 120 View Ruben Conceicao da Silva, Kategori : Nacional

RTKNews (Ed.21-08-2020)-Fundação Cristal (FC) liu husi ninia cooperação internasional nebe iha, konsegue lori ONG Internasional AGIA-Mundu husi Alemanha mai Timor Leste, hodi fo formação no kapasitasaun ba foinsae no estudante sira iha area Educação da Paz.

Kada tinan Instituição Edukativa Cristal liu husi Fundação Cristal Dili sempre fo formação no capasitação ba iha estudante sira konaba edukação da paz hodi bele garante estabilidade no moris hakmatek iha ambiente eskola no mos iha sociedade.

 “Ami hanesan escola católica, presija prepara ami nia foin sae sira ho qualidade educação nebe diak no liu husi formação sira hodi bele forma sira integralmente iha vida humana no mos vida spiritual atu sira bele conhese sira nia an no hadomi ema seluk iha sira nia moris” hateten presidente fundação Cristal Agustinho dos Santos Goncalves ba RTK iha nia knar fatin Matadoru dili, sexta (21/08).

Nia dehan importante tebes atu iha formação extra ba foin sae sira hodi forma sira nia caracter no hadia sira nia abilidade diak liutan hodi bele garante sira nia futuro iha loron aban bairua.

“Ami nia Objetivu principal husi formação nebe coopera ho AGIA-Mundo, mak oinsa atu hamenus conflito entre foinsae sira no haboot sira nia espirito nasionalismo no patriotism ba nasaun nee liu husi sira nia hahalok diak, moris iha domin no  dame nia laran” nia hateten.

Nia hatutan fundação cristal hanoin atu formação sira hanesan nee labele para deit iha instituição edukativa cristal maibe bele daet ba iha eskola seluk no liu-liu organização joventude sira iha sociedade, atu nune bele hametin paz iha komunidade nia let. Nia dehan tan maske fundação hasoru problema finanseiro maibe AGIA-Mundo sempre apoiu hodi fornese formação ba estudante sira husi nivel EBC ba to iha ensino superior. ***LAKERE AULAIN***



ARQUIDIOCESE DILI HALAO MISSA ABERTURA DA EXISTENCIA BA DALA 80
Segunda, 07 Sep 2020, 13:29:37 OTL, Le'e : 128 Dala
ARQUIDIOCESE DILI HALO TINAN 80
Segunda, 07 Sep 2020, 11:59:46 OTL, Le'e : 131 Dala
ARCEBISPO DOM VIRGILIO: PARABENS BA SARANI HERA
Segunda, 07 Sep 2020, 09:34:04 OTL, Le'e : 142 Dala

Komentariu