Sabadu, 04 Julhu 2020, OTL
Breaking News

Jumat, 24 Apr 2020, 20:33:00 OTL, 56 View Administrator RTK, Kategori : Nacional

RTKNews (Ed. Sexta 24 abril 2020)DILI: Durante periodo estado emergência povu barak mak moris iha mukit nia laran tanba governo suspende total actividade sira nebe halo ema halibur malu, situação ne’e lori mos impacto ba iha trabalhardor sira nebe durante ne’e halao serviço iha companhia Bed Ford hanesan ‘pengecer’.

Estado limita população sira nia movimento ho regras nebe hatur iha estado emergência tanba ne’e estado no governo mos tem que buka solução ba povu nia moris hodi garante sustentabilidade familia nian perante estado emergência.

“Se ita nia estado no governo hanaruk estado emergência ne’e, sira presija fo atenção ba povu kiik nia moris, selae população laos mate tanba COVID-19 maibe mate tanba hamlaha,”  dehan Diretor Bed Ford, Afonso Xavier, Sexta (24/04).

Nia hateten, Hare ba realidade nebe iha, halo população barak mak sente afetadu husi estado emergência ne’e, tanba maioria sira nia actividade hetan suspenção hodi bele combate COVID-19 iha Timor Leste.

População nebe sente afetadu liu mak povu kbiit laek sira nebe maioria moris ho vida negocio no agricultor, tanba sira nia produtu la acesso ba mercado. Mas que nune estado mos sei fo dalan oinsa atu povu ne’e continua hamoris nia an ho actividade balun durante estadu emergência.

“Estado laos atu hamate ita maibe hanoin ita, hakarak prevene ita husi moras aat ida ne’e, tanba ne’e nafatain iha uma no buka maneira oinsa bele nafatin sustenta familia uma laran. mas que ne’e susar maibe ita tenque esforço” hateten Afonso Xavier.

Nune mos Miguel Soares hanesan ‘pengecer’ hateten durante ne’e sira nia moris ho faan kupon SDSB, maibe ho estado emergência ida ne’e bandu companhia la bele halo actividade hanesan normal halo sira hasoru dificuldades, tanba ne’e nia husu governo se bele buka dalan hodi apoiu sira durante iha situação emergência ne’e.

“Ami nafatin luta ba ami nia familia, ba ami nia kabun maibe se estado emergência hela hanesan ne’e, ami atu book an oinsa” tenik Miguel.

Tuir plano governo nian liu husi Conselho Estado no Conselho Superior Defesa no Segurança husu ona ba Presidente República atu extende tan estado emergência iha território nasional hahu husi (27/04)-(26/05) ho razão atu bele assegura população husi moras COVID-19 no halo prevenção atu moras ne’e la bele daet ba iha ema seluk. Hare ba pedido no razão nebe iha, Presidente República haruka ona carta extenção ba renovação estado emergência ba Parlamento Nacional hodi discute no hein nia aprovação hodi bele implementa.  

Escritor : V2 (Lakere Aulain)

Editor    : Q2



FUMA-DOR NO LANU-TEN CATEGORIA GRAVE WAINHIRA DETETADO COVID-19
Tersa, 28 Apr 2020, 14:17:20 OTL, Le'e : 41 Dala
EXTENDE EE, GOVERNO TEM QUE HANOIN POVU NIA KABUN
Jumat, 24 Apr 2020, 20:33:00 OTL, Le'e : 56 Dala
CONSELHO ESTADO NO DEFESA RECOMENDA BA PRESIDENTE REPUBLICA ATU EXTENDE TAN EE
Kamis, 23 Apr 2020, 08:28:23 OTL, Le'e : 52 Dala

Komentariu