Sabadu, 04 Julhu 2020, OTL
Breaking News

Quinta, 30 Apr 2020, 22:07:00 OTL, 78 View Ruben Conceicao da Silva, Kategori : Nacional

RTKNews (ed.quinta.30.abril.2020)-Equipa pastoral nebe forma husi Arquidiocese Dili ba assunto Covid-19 nia hahu distribui sasan sira hanesan, Fo’os, supermie no aihan seluk ba Paroquia sira.

Padre Ângelo Salsinha informa, Paroquia sira iha Arquidiocese Dili, ida-ida prepara rasik sira nia armagem no contribução solidaridade para bele oinsa hodi tulun sarani sira no vigararia sira mos forma equipa nebe hanesan atu hodi tau matan maluk sira nebe maka tama iha quarantena iha Municipio sira.

“ iha Nivel nacional ita forma equipa ida ne atu hodi suporta sira iha equipamento técnica no liu-liu hodi ajuda ema vulneravel sira, imigrante sira la hare ba religião, katak se maka hamlaha duni no sira nebe percisa antenção ita interven maibe nafatin serviço hamutuk ho Paroquia sira liu-liu iha bairo sira” Dehan Reitor Seminario Menor Balide ne.

Padre husi Ermera oan ne hatutan, sasan sira nebe maka iha hetan apoio husi Arquidiocese rasik, husi Empresario sira hanesan companha BTK, Jonize no familia nebe voluntariamente fo sira apoio no agora dadauk fos quase saku atus ualu (800) no buat nessecidade básico sira seluk maka iha armagem.

“agora dadauk ita halo ona distribução, liu-liu hanesan Paroquia sira iha Oecusse nebe aranca ona ho Roho fo’os saka atus tolu (300) no iha loron sabado semana ne sei distribui tan ba fo’os atus ida resin Paroquia Atauro. Iha Dili laran começa fahe ona ba fatin sira nebe identifica ona hanesan sira nebe suru raiheenek iha mota Comoro no aileba sira. Ba oin Paroquia ida-ida halo no equipa ne mos mos continua halo acção caridade noita nia objetivo maka ema labele mate tanba hamlaha” dehan Amo Ângelo.

Ex-Presidente DeJukdil ne mos informa, sasan sira nebe maka atu distribui, kada Paroquia mai foti rasik ho dadus nebe maka sira lori mai exepto Oecusse no Atauro.

Iha Parte Ikus Amo Ângelo hato mos nia mensagem hanesan tuir mai “hare ba realidade ita nia situação agora dadauk ne, hanesan Covid-19, Impasse política no inundação lori ita ba compreende Igreja ida uluk, quando Jesus Moris hias tiha, Comunidade ida uluk ne começa neon ida laran ida. Sira partilha ba malubuat saida maka sira iha laiha eam kiak laiha ema ida riku, fahe buat saida maka sira iha ho ksolok  ba malu tanba sira confiança ba Jesus Cristo nia moris hias. Iha Comunhão ida ne, fiar ida ne no ksolok ida ne maka comunidade dahuluk celebra sira nia vida. Ema hotu-hotu solidaridade ba malu partilha ba malu, sira nebe maka riku liu fahe ba sira nebe maka kiak balu to fa’an sira riku soin hodi fahe o solidaridade ba ema kiak sira. Fiel ne percisa atu rona obedeçe no buat diak nebe maka comunidade hakarak, governo nia hakarak no ita hotu-hotu nia hakarak tau hamutuk. Labele moris mes-mesak, isola an mes-mesak hanoin ba nia an no nia interesse deit. Vida ema Cristão lolos tenque partilha, tenque agradeçe, tenque halo eucaristia nebe maka baseia mos ba ita nia tópico Pastoral tinan ida nian nebe koalia kona ba Cristão Eucarístico”

Escritor : Ruben



MASQUE TIMOR-LESTE LIVRE ONA MAS VIZINHO SEIDAUK
Quarta, 01 Jul 2020, 12:12:22 OTL, Le'e : 18 Dala
SENTIDU NASIONALISMU INTELEKTUAL NO NAIN BA KOMPANHA LOKAL LORE MOUT ONA (Opiniaun)
Sexta, 26 Jun 2020, 08:29:03 OTL, Le'e : 43 Dala
AMIZADE NE LAOS OPORTUNIDADE MAIBE RESPONSABILIDADE
Tersa, 23 Jun 2020, 19:20:27 OTL, Le'e : 28 Dala

Komentariu