DOUTOR RUI HUSU PUBLICO ATU FIAR DEIT INFOMACAO NEBE FO SAI HUSI CIGC

RTKNews (Ed.Terça.21.abril.2020)DILI- Relaciona ho informação la lo’os barak nebe espalha iha media social, nebe mak cria confusao iha pùblico nia le’et, porta-voz Centro Integrado Gestao de Crise (CIGC) Doutor Rui Maria Araujo husu ba Pùblico atu fiar nafatin ba informaçao nebe maka fo sai husi sala de situaçao Centro Integrado Gestao de Crise (CIGC) nebe nia fatin iha Centro Convencoes Dili (CCD). Nia mos husu ba pùblico atu tau confiança ba iha Governo ba prevençao Covid-19, colabora no participa ho diciplina iha distanciamento social, distanciamento fìsico no higenia pessoal. Doutor senior ne’e mos husu atu pùblico hakmatek  hodi la lao ba mai, evita halibur malu,fase liman beibeik, no uza mascara wainhira sai husi uma.

Iha sorin seluk mas que estado liu husi Presidente da Repùblica declara ona estado emergencia nebe iha nia pontu balu husu atu povo hakmatek iha uma no evita movimento, maibe aconteçe iha terreno hatudu katak movimento sira sei lao nafatin mas que la hanesan iha situaçao normal. Movimento sira hanesan iha Parte Audian, Colmera, Mercado Taibessi, Bairo-Pite no fatin seluk tan.

Escritor: Ruben

Editor: Q2