Segunda, 26 Outubro 2020, OTL
Breaking News

Sexta, 08 Mei 2020, 18:22:02 OTL, 289 View Ruben Conceicao da Silva, Kategori : Igreja Local

Opinião

Quem não quiser trabalhar não tem o direito de comer (IITes3,10). O trabalhador merece o seu salário (1Tim. 5,18).  Semana nee nia laran, Notícia husi media mainstream ho Media social hanesan Facebook rame ho polémica remuneração ba pessoa Linha Frente sira. Maioria pessoa Front liner sira lamenta tanba sira hetan subsídio kiik tebes compara ho risco nebé sira hasoru. Imagina, durante Estado emergência fase rua tu-tuir malu, político ho povo sira toba hakmatek iha uma (Stay Home), enquanto pessoa linha frente sira hanesan médiaco tenke fo-an hodi tau matan no cura paciente sira, Força armada (F-FDTL) ho Segurança (PNTL) tenke hader kalan tomak hodi halo vigilância tanto iha fornteira, aeroporto no mos iha fatin quarantena sira. Cleaner sira arisca vida hodi hamos fatin público ho fatin isolamento ho fatin quarantena sira, inclui entidade relevante sira......sira tuir los, sira merece hetan subsidio boot. Problema mak, ema nebé la arisca vida enfrenta Covid19 hetan subsídio boot pelo contrário ema nebé arisca vida hetan subsídio oitoan. Governante sira favor tetu didiak subsídio nee molok fo. Poder nee sementara deit maibé, político nebé fuan mos, nia naran sei morin wainhira mandato remata. Se lae Papa Francisco dehan:”Político sem sabedoria, prejudica a sociedade”.

Evangelho define Igreja nudar comunidade discípulo sira nebé lao tuir “dalam/caminho”  Jesus – “caminho” nudar obediência ba Aman Maromak no dom da vida ba maun-alin sira. Jesus fo certeza ba Ninia Apóstolo sira, ao mesmo tempo ba ita nobun nudar Timor oan nebé incerteza hela ho pandemia Covid19 ho situação política no economia Timor Leste. Jesus fo aten brani ba ita hodi dehan: ”Imi neon keta susar. Imi fiar Maromak, sei fiar mos Ha’u. Iha Ha’u Aman nia uman, fatin wa’in. La hanesan ne’e karik, Ha’u sei la hateten ba imi, katak Ha’u ba hadi’a fatin ba imi”. Pessoa Linha frenta sira fo ona laran metin ba ita nia moris, se bele keta halo sira laran taridu (lamenta) tan deit recompensa nebé sira hetan la digno. Sira oitoan maibé, servi comunidade Timor Leste tomak. Ida nee mak ita precisa orgulho no basa liman ba sira.

Liturgicamente, oras nee, ita sei lao iha ambiente páscoa. Se surto Covid19 la impede ita nobun iha tinan nee karik, certamente horas nee ita nia concentração sei namanas hela ba Jesus nia moris hias (Ressurreição). Maske Covid19 horas nee sei halo ita hotu laran tarido, maibé, ita nia fira no esperança ba Maromak fo netik matak malirin hodi encoraja ita hotu funu hasoru surto nee. Jesus nia moris hias, sei nafatin halo ita aten brani hodi hamrik luta hasoru Covid19.

unifica ho Cristo glorificado;(...) iha nebé Ha’u hela ba, imi mós hela iha nebá. Maske ita nobun tauk ho processo mate maibé, ita nia fiar ba Cristo fo netik roman laran metin. Nee significa katak; maske ita hotu sei mate ou seja sei husik mundo provisório nee maibé, ita laran metin tan Cristo moris hias ho fatin nebé nia promete (celestial eterna).

Los duni, moris no mate nee mistério boot ida nebé segredo ba ser humano no providencia ba Maromak. Basá, mistério nee la iha ema ida bele muda no prediz (siik/ramal). Mistério mate, ita bele analogia hanesan oinsa ema normal ida explica conceito/sentido cor (warna) ba ema matan delek. Analogia seluk mak; mistério nee bele compara hanesan anin. Ita sete anin hu husi direção ba dirção seluk maibé, ita la haré nia medida. Perante realidade ida nee, ema laran susar (cemas) maibé, Jesus dehan;... “ Imi neon keta susar. Perante Covid19, povo hot-hotu pánico, tauk, laran susar maibé, estado fo laran metin katak keta tauk basá, ita iha linha frente sira hanesan professional saude, Força armada (F-FDTL), Segurança (PNTL) inclui entidades relevantes hamriik iha povo nia oin. Basta cumpri ordem STAY HOME ou STAY IN FRAME inclui ordem sanitação husi estado.Problema mak período Estado de Emergência segundo turno atu remata ona maibé, mosu fali lamentação sobre remunerção ba pesspa Front Liner sira nebe considerado injusto.

Na realidade, hanesan estado Timor Leste la husik nia povo mate leet tan deit Covid19, nunee mos Maromak la husik ema fiar nain sira horik iha situação ignorância. Maromak la husik nia povo moris iha nakukun laran. Jesus nia afirmação hanorin ita kona ba lalaok fundamental moris rohan laek ba klamar hamutuk ho Cristo ressuscitado.

Iha Encíclica Spe Salvi (Hetan salvação tanba Laran metin/esperança), husi Papa Emérito Bento XVI. Papa nee fo atenção ba ema hirak be la iha esperança ba moris rohan laek. Ohin loron ema oportunista sira dehan, moris nee dala ida deit, tanba nee aproveita kedas para mate tiha hotu ona. Ema optimista sira dehan moris nee graça ida tanba nee uza didiak hodi halo buat diak para wainhira ita mate ona, ema sei temi netik ita nia naran.

Ohin loron, ema balu haré Igreja Católica hanesa tropeço (batu sandungan) nebé teri netik sira nia ambição hodi kaer ukun no hariku nia grupo partidário ho família. Político balu aproveita kaer ulun hodi hamohu Timor nia riku soin nebé tuir lolos merece uza hodi halo desenvolvimento ba Timor no ba povo tomak. Santo Padre Bento XVI iha nia enciclica nee, considera ema hirak nee hanesan figura nebé aproveita kedas mundo nee molok mate (molok mandato remata ou partido pecat).

Enciclica Spe Salvi número 12, Papa descreve katak; tuir lolos moris rohan laek nee nudar condição livre ida nebé dook husi mundo nia desafio sira. Iha enciclica ida nee, Papa Bento XVI haklean liu tan hodi tenik:”Moris rohan laek nee hanesan ita hamout-an ba oceano (samudra) domin nebe unlimited (ilimitado). Momento ida nebé la existe tempo antes no depois”.

Iha livro Génesis (Antigo Testamento), relata, depois de ema monu ba pecado, Nai lia tun:” "Comerás o teu pão com o suor do teu rosto, até que voltes à terra de que foste tirado; porque és pó, e pó te hás de tornar”/Dengan berpeluh engkau harus mencari  makananmu, sampai engkau kembali lagi menjadi tanah, karena dari situlah engkau diambil; sebab engkau debu dan engkau akan kembali menjadi debu” (Gén 3,19).

Kona ba ema nia destino ho animal nia destino final, livro Eclesiastes (Antigo Testamento) hakerek:” "Todos caminham para um mesmo lugar. Todos saem do pó e para o pó voltam. Quem sabe se o sopro de vida dos filhos dos homens se eleva para o alto e o sopro de vida dos animais desce para a terra//“Kedua-duanya menuju satu tempat; kedua-duanya terjadi dari debu dan kedua-duanya kembali kepada debu. Siapakah yang mengetahui, apakah nafas manusia naik ke atas dan nafas binatang turun ke bawah bumi” (Ecl 3,20-21).”

Maibé, iha redação final livro Eclesiastes nee, escritor sagrado halo distinção entre ema ho animal: “"antes que a poeira retorne à terra para se tornar o que era; e antes que o sopro de vida retorne a Deus que o deu//Debu kembali menjadi tanah seperti semula dan roh kembali kepada Allah, yang mengaruniakannya” (Ecl 12,7).

Wainhra época Novo Testamento atu hahú daudaun ona, ambiente socio-cultural povo Israel mosu conceito popular sobre recompensa ba ema lós/justo wainhira mate ona. Husi ambiente ida nee mak hahú mosu defini,cão kona ba Ressurreição dos mortos (Moris Hias) maibé, ho definição nebé malahuk (seidauk claro) tanba grupo saduceu sira iha altura nebá rejeita conceito Moris Hias (Ressurreição).      

Kreda Católica utiliza formula iha quarta feira cinzas hodi bolu atenção ba povo sarani sira katak; o mai husi rai, sei fila ba rai ou hakribi salan fiar Evangelho. Ita nia fiar no hahalok mak bele justifica sentido moris hias iha loron ikus.

Jesus rasik fo laran metin ba ita hodi tenik:” Imi neon keta susar”. Pano do Fundo husi Antigo Testamento halo ema laran susar oitaon tanba haré imagem Maromak hanesan figura castigador. Então, Jesus Cristo mao hodi halakon impressão ida nee. Jesus apresenta Maromak nudar figura domin, figura nebé fo laran metin (esperança) iha qualquer situação. Tanba nee mak Jesus tenik:” Imi neon keta susar. Imi fiar Maromak, sei fiar mos Ha’u (…) iha nebé Ha’u hela ba, imi mós hela iha nebá” (Jo 14,1.3).

Nee mak fundamento no resposta fundamental ba fiar Cristão Católica nian, hodi responde ba problema fiar Cristianismo no crença religião sira seluk. Emar otas nee, hasoru divergência conceito no idea oi-oin; husi biólogo, físico, m’edico, ateu, gnóstico, político,....nst. conceito hirak nee bele mosu-bele lakon tuir ida-idak nia evolução enquanto cristianismo (Catolicismo) continua persiste ho doutrina fundamental; Fé, Esperança no Caridade ba Aman Maromak iha Jesus Cristo nia personagem ressuscitado.

Tuir sasukat fiar sarani nian, Mate laos rohan husi Vida ida nee maibé, apenas processo mudança husi forma mundana (mundo) ba forma celestial (Rohan laek). Ba ita nobun nebé fiar iha Jesus Cristo no simu ona we baptismo iha kreda Católica, mate nudar processo ida atu ita unifica ho Cristo glorificado;(...) iha nebé Ha’u hela ba, imi mós hela iha nebá. Maske ita nobun tauk ho processo mate maibé, ita nia fiar ba Cristo fo netik roman laran metin. Nee significa katak; maske ita hotu sei mate ou seja sei husik mundo provisório nee maibé, ita laran metin tan Cristo moris hias ho fatin nebé nia promete (celestial eterna).

Papa Bento XVI acrescenta liu tan katak moris rohan laek laos nudar sequência (urutan) data calendário maibé, nudar topo (puncak) satifação coração (fuan) nebé perfeito (sempurna) totalmente.

Mensagem principal ba ita nobun mak; Jesus moris hias ba ita hotu nebé horas nee sei iha processo funu hasoru Covid19. Dala ida tan Jesus dehan:”...Imi neon keta susar. Imi fiar Maromak”.Ita moris iha rai nee sementara deit hodi prepra-an didiak ba moris rohan laek. Problema pessoa Linha Frente hirak nebé simu remunerção la justo, governante sira precisa resolve hodi fo ba sira ho digno. Sira merece hodi hetan subsídio boot bas’a, sira fo vida iha linha oin atu ita sira seluk bele hetan salva. Maske loron ida, ita sei mate maibé pelo menos mate natural laos mate tanba Covid19. Tan nee mak Jesus dehan:”Imi neon keta susar. Imi fiar Maromak”. Assim Seja e Bem Haja (ignasoliveira2020)

Hakerek Nain : Inacio de Oliveira

 



ARQUIDIOCESE DILI HALAO MISSA ABERTURA DA EXISTENCIA BA DALA 80
Segunda, 07 Sep 2020, 13:29:37 OTL, Le'e : 128 Dala
ARQUIDIOCESE DILI HALO TINAN 80
Segunda, 07 Sep 2020, 11:59:46 OTL, Le'e : 129 Dala
ARCEBISPO DOM VIRGILIO: PARABENS BA SARANI HERA
Segunda, 07 Sep 2020, 09:34:04 OTL, Le'e : 141 Dala

Komentariu