Quinta, 29 Outubro 2020, OTL
Breaking News

Tersa, 25 Agu 2020, 08:14:49 OTL, 137 View Ruben Conceicao da Silva, Kategori : Igreja Local

RTKNews (Ed.22.Agosto.2020)– Arcebispo Arquidiocese Metropolita de Dili Dom Virgílio do Carmo da Silva, SDB hateten, Igreja servisu hamutuk ho Governo hodi promove fatin sira nebe categoria sai Turismo Religioso laos deit visitante sira ba hare no sente deit paisagem furak sira Timor ninian, maibe considera mos hsnesan fatin bele manan graça Na’i Maromak nian.

“Ita hakarak promove turismo religioso ida nebe ita desemnolve hanesan fatin sagrado atu ema haboot sira nia fiar, hetan força no kbiit, hetan coragem atu continua halao moris ida nebe ho influencia Maromak nian, tenik Arcebispo Arquidiocese Metropolita de Dili Dom Virgílio do Carmo da Silva, SDB hafoin preside celebração Eucarística Nain Feto Peregrina iha Fatubessi sábado (22/08) foin lalais nee.

Tuir Arcebispo katak, Fiar sarani tama ona 500 resin ona tanba nee iha ain fatin culturais no religioso barak mak existe nebe seidauk identifica hotu.

“Iha Uma Kreda iha Comissão ida liu-liu iha diocese Dili ninian ne’e tau matan hela ba Turismo Religioso ne’e rasik no oinsa hodi serviço hamutuk ho Governo hodi identifica tan fatin sira nebe categoria sai turismo. Atu nune’e ema ba visita atu hare rai no fatin furak timor ninian, maibe liga mos ita nia fiar sarani hanesan mos fatin diak ida atu peregrino sira bele manan graça Na’i Maromak nian, haktuir Arcebispo Dili Dom Virgílio do Carmo da Silva, SDB”.

Destino turístico religioso ne’ebe identificado ona mak Santuário Ramelau, Cristo Rei-Dili no Cristo Liurai-Letefoho, Estátua São João Paulo II-tasi Tolu, Nossa Senhora Peregrina-Fatubessi, Senhor Morto-Oe-Cusse no seluk tan nebe sei iha hela processo identificação.

Iha Biban hanesan, Arcebispo ne mos husu ba Sarani sira atu labele sunu rai arbiru tanba agora tama ona iha tempo bailoron.

“Tinan kotuk hanesan ne acontece incendio makas iha parte Urahou nian, ema barak lakon sira nia plantação, uma no sasan sira seluk, tanba ne agora tama ona tempo bailoron husu ita hotu atu labele soe ahi arbiru, sunu arbiru no ahi lakan karik ita hamri’ik atu hamate lalais, tanba ital abele garante ba Corpo de Bombeiros nebe dook iha Dili” Dehan Amo Bispo

Jornalista : Alin Soares/ Ruben

Editor : Angelson

 



ARQUIDIOCESE DILI HALAO MISSA ABERTURA DA EXISTENCIA BA DALA 80
Segunda, 07 Sep 2020, 13:29:37 OTL, Le'e : 129 Dala
ARQUIDIOCESE DILI HALO TINAN 80
Segunda, 07 Sep 2020, 11:59:46 OTL, Le'e : 132 Dala
ARCEBISPO DOM VIRGILIO: PARABENS BA SARANI HERA
Segunda, 07 Sep 2020, 09:34:04 OTL, Le'e : 142 Dala

Komentariu