Quinta, 29 Outubro 2020, OTL
Breaking News

Tersa, 18 Agu 2020, 11:33:51 OTL, 256 View Ruben Conceicao da Silva, Kategori : Igreja Local

RTKNews (Ed.15-08-2020) - Arcebispo Metropolitá de Dili Dom Virgílio do Carmo da Silva, SDB wainhira preside Solenidade Assunção Virgem Santa Maria nian iha Paróquia Same hateten, se ita sarani mak tuir didiak Maromak nia Ukunfuan 1 to’o 10 karik, la precisa tan Lei sira ne’e atu halo, tanba iha Maromak nia Ukunfuan 8 nee dehan tiha ona “KETA DUN MATAK KETA BOSOK”.

“Loron hirak ne’e no tempo hirak ne’e iha ita nia rain buat ida ne’ebe naran boot teb-tebes hodi halo discução manas iha média, iha ema barak nia oin kona ba Lei Defamação. Maibe se imi compreende didiak Lei Defamação ne’e ita dehan, se ita sarani mak tuir didiak Maromak nia Ukunfuan 1 to’o 10 karik, la precisa tan Lei sira ne’e atu halo tanba iha Maromak nia Ukunfuan 8 nee dehan tiha ona “KETA DUN MATAK KETA BOSOK”. Dala barak ita sidauk kaer ba facto ita dun matak no lori lia falso hodi bobar ema, dehan Arcebispo Metropolitá de Dili Dom Virgílio do Carmo da Silva, SDB wainhira preside Solenidade Assunção Virgem Santa Maria nian iha Paróquia Same sábado (15/08) foin lalais nee.

Líder Igreja local nee mos afirma, Ohin loron ita discute malu makas, maibe desde uluk tinan 2000 ona, iha timor tinan 500 ona mak Evangelização tama iha rai Timor. Se ita Timoroan kiik too boot se ita comunga duni Doutrina Católico ninian, fiar sarani ninian la precisa halo Lei bar-barak, atu nunee mak ita bele moris tuir tanba Maromak nia Ukunfuan ne’e los ba ita maibe tanba deit ita nia ulun fatuk toos sira nee mak tem que halo Lei bar-barak atu ita bele cumpre didiak. Tan nee ita precisa presença Espírito Santo nian iha ita nia moris hodi sai hanesan mestre guia ita iha moris lor-loron.

Além de nee mos Arcebispo Metropolitá de Dili Dom Virgílio do Carmo da Silva, SDB questiona mos kona ba hahalok juramento nebe hakat sees husi fiar sarani nian.

“Buat seluk nebe naran bot mos mak ida ne’e halo juramento. Ne’e duni atu halo juramento iha ne’e ka iha fatin ne’ebe de’it, ita precisa mak ida nee, ita sarani precisa husu nafatin molok ita atu hakat sees husi ita nia fiar nu’udar sarani. Ita precisa atu husu ba ita nia an molok iha conciência crítica ida atu ita bele brani confronto ita nia an katak hau nu’udar sarani ida buat ida ne’e vale ka serve ka la serve. Então fila ba ita ida-idak nia an tanba Uma Kreda fo mai ita hotu graça sacramento sira.

Jornalista : Silvestre/DCAD



ARQUIDIOCESE DILI HALAO MISSA ABERTURA DA EXISTENCIA BA DALA 80
Segunda, 07 Sep 2020, 13:29:37 OTL, Le'e : 129 Dala
ARQUIDIOCESE DILI HALO TINAN 80
Segunda, 07 Sep 2020, 11:59:46 OTL, Le'e : 132 Dala
ARCEBISPO DOM VIRGILIO: PARABENS BA SARANI HERA
Segunda, 07 Sep 2020, 09:34:04 OTL, Le'e : 142 Dala

Komentariu