Sexta, 03 Julhu 2020, OTL
Breaking News

Senin, 20 Apr 2020, 09:34:31 OTL, 32 View Administrator RTK, Kategori : Nacional

RTKNews 16 april 2020 DILI: “ Caso actual covid-19 ba loron ohin nian, suspeito hamutuk 229, provavel haat (4), negativo hamutuk 195, sei hein rezultado iha 12, no ohin caso positivo aumenta tan nain 10, no sira nain  10 ne`e nebe halao quarentena iha Hotel Katuas. Tanba nee sira nebe confirmado positivo corona virus iha 18, no ida recoperado, caso activo iha 17 ” esplica porta-voz Centro Integrado Gestão de Crise (CIGC) Dra. Odete Viegas relaciona ho dados nebe recolha husi Sistema vigilância epidemol­ógica Ministerio Saude nian liu husi conferençia da imprença nebe realisa iha sala situação, Centro Convenção de Dili (CCD) Caicoli, Quinta (16/04/2020).

Dra. Odete Viegas hatutan dadaun ne’e total quarentena hamutuk 567, iha Dili 456, Municipio 111. Auto Quarentena iha Dili zero (0), Municipio neen (6), no sira nebe passa ona quarentena durante loron 14 nia laran hamutuk 1339, husi Dili 1129, Municipio 217.

Porta-voz CIGC ne’e dehan tan quarentena obrigatorio sei aplica nafatin no dadaun ne’e muda ona ba Tasi Tolu, tuir nia katak sei fo vantagem liu ba maluk sira nebe iha quarentena no mos ba professional saude sira atu halo controlo.

“ Tuir ita hotu hatene katak ita sei aplica nafatin quarentena obrigatorio no oras ne’e muda on aba Tasi Tolu, ita bele oucupa espaço katak ema ida iha quarto ida atu nune bele fo vantagem liu ba maluk sira nebe iha quarentena no mos ba professional saude sira atu nune bele halo acompanhamento diak liu tan ” dehan Dra. Odete Viegas.

Nia mos relata ba publico katak relaciona ho condição maluk nain hitu (7) nebe iha hela fatin isolamento, sira iha condição diak, significa la iha sintomas hanesan isin manas no mear, maibe nafatin iha acompanhamento husi professional saude sira. Alem de nee medico sira mos buka hela meios atu iha mos psicologo atu fo apoio moral ba maluk sira nebe mak halao hela quarentena nune mos familia sira.

Antes ramata nia parte husu ba publico copera no cordena ba malu atu bele serviço hamutuk nune bele atinji objectivo final katak hamutuk combate pandemia covid-19 atu la bele aumenta barak no liu-liu la bele iha transmisao local. Nia parte husu mos ba ema hotu atu tau fiar nafatin ba professional saude sira, countinua serviço hamutuk, nune bele hetan resultado nebe ema hotu hakarak. Q2



CASO POSITIVO COVID-19 AUMENTA 10
Senin, 20 Apr 2020, 09:34:31 OTL, Le'e : 32 Dala

Komentariu