Quinta, 29 Outubro 2020, OTL
Breaking News

Jumat, 24 Apr 2020, 22:07:34 OTL, 193 View Ruben Conceicao da Silva, Kategori : Nacional

RTKNews(ed.sabado.25.abril.2020)Partido Democrático  liu husi conferencia imprenssa  husu atu atu cidadão hotu fo contribuição ba prevenção covid-19 iha Timor-Leste.

Hare ba situação nebe mundo tomak infrenta hatudu katak COVID-19 hamate ona ema rihun ba rihun no kuaze ema barak mak infetado inklui mos iha ita nia rai TL. Tamba nee,  governo TL iha inisiativa hodi hamosu desizão estado emergência no hari mos komição integrado Gestão Crize haodi halo servisu ba prevenção COVID-19 no comição nee rasik nia servisu lao ona durante fulan ida no rezultadu hatudu diak tamba moras COVID-19 nee rasik lahadaet ba cidadão sira seluk nebe iha railaran.

“Partido Democrático hakarak fo apresiação ba estado, PN, governo no cidadão hotu nebe contribui makas ba prevenção COVID-19 iha TL, dehan Mariano Assanami Sabino iha konferensia ba imprensa iha sede PD colmera, sexta ne

Atu garante COVID-19 labele daet governo deside implementa estadu emergência hodi suspende actividade hotu-hotu atu bele hamate transmição moras COVID-19 husi cidadão ida ba ida seluk. Husi implementação estadu emergência ida nee povu kiik sira começa sente impacto tamba laiha rendimento uma kain hodi sustenta moris familia nian.

Presidente Partido Democrático nee hatutan, Povu komesa tama ona ba iha situasaun defisil tamba laiha rendimentu iha seitor privado no situação nee halo povu sei infrenta tan problema foun hodi difculta deznvolvimento iha ambiente construção estdo no construção nação.

 Tamba nee partido democratic husu:

  1. Comunidade nafatin halo “distancia sosial” hodi salva an husi moras COVID-19
  2. Fo nafatin confiança ba comição integrado gestão crize halo serviço professional tuir ida-idak nia knar
  3. Hare ba condição moris comunidade nian nebe tama ona ba situação deficil, husu ba guverno atu halo ação imediata maka hanesan tuir mai nee:
  • Apoio fos n material nessesidade basico seluk ba comunidade sira, ba komunidade familia kiik bele hetan fos karon 2 no comunidade nebe familia boot bele hetan karon 3
  • Apoio subsidio sosio-economia ba kada familia hetan osan U$ 100 hodi bele aguenta moris loron-loron nian,
  • Apoio trabalhador nebe maka ohin loron lacontinua serviço no hela deit iha uma, hodi bele hakat liu situação defisil ida nee,
  • Apoio estudante nebe hela iha rai liur no mos trabalhador sira nebe servisu iha rai liur hanesan iha Irlanda, Inglatera, Australia, Korea do Sul no seluk-seluk
  • Apoiu ba PNTL no entidade seluk nebe serviço iha front line (primeiro linha) hodi halo prevenção ba moras COVID 19
  • Husu mos entidades hotu atu iha sensibilidade no sentiment ba maluk sira nebe hetan difikuldade moris iha imi nia let atu nafatin fo solidariedade ba malu hanesan kultura natural Timor oan nian.

“Partido Democrático nafatin fo solidariedade ba sira nebe hela iha Quarentena atu nafatin halo tuir regras professional sira no nafatin fo confiança ba entidade hotu atu lolo liman ba malu hodi comvate COVID-19,” tenik Assanami

Partido Democrático mos iha sentiment klean ba Timor oan sira nebe ohin loron hasoru dificuldade moris iha fatin hotu-hotu.

Escritor :V2

Photo   :Especial



ARQUIDIOCESE DILI HALAO MISSA ABERTURA DA EXISTENCIA BA DALA 80
Segunda, 07 Sep 2020, 13:29:37 OTL, Le'e : 129 Dala
ARQUIDIOCESE DILI HALO TINAN 80
Segunda, 07 Sep 2020, 11:59:46 OTL, Le'e : 133 Dala
ARCEBISPO DOM VIRGILIO: PARABENS BA SARANI HERA
Segunda, 07 Sep 2020, 09:34:04 OTL, Le'e : 144 Dala

Komentariu