Quinta, 29 Outubro 2020, OTL
Breaking News

Segunda, 07 Sep 2020, 11:59:46 OTL, 131 View Ruben Conceicao da Silva, Kategori : Igreja Local

Iha loron 4 fulan Setembru, Arquidioseze Dili halo tinan moris ka eresaun nian. De facto, iha loron 4/9/1940, Amo Papa Pio XII (dehan Piu Doze), ho surat ka bula Solemnibus Conventionibus, harii iha Kolónia portugés Timor, Dioseze ida. Iha dokumentu ne’ebá, Amo Papa Pio XII hakerek: “Ikus liu, iha illa Timor, iha rejiaun ne’ebé depebnde ba República Portuguesa, to’o agora jurisdisaun dioseze Macau nian, ami haketak hosi Macau no foti hensan dioseze ne’ebée sei bolu Díli, no ami konstitui nia sufragánea hosi Igreja Metropolitana Goa nian, no ami sujeita bispu sira pro tempore ba direito Metropolitano Arcebispo Goa, Damão no Diu”.

 

Ho surat, Amo Papa Pio XII foti Bispo ba Dioseze foun, Vigário jeral no Superior das Missões de Timor, padre Jaime Garcia Goulart, ema hosi Açores; ne’ebé iha loron 18 fulan Janeiru tinan 1941, sai Administradro Apostólico ho dignidade Moseñor nian.

Iha tinan 1940, Dioseze Díli halaran (abranje) rai Timor Loro sa’e tomak. Misaun ka parókia iha tinan ne’ebá: Paróquia de Díli, Missão de Manatuto, Missão de Soibada, Missão de Oe-Cusse, Missão de Baucau, Missão de Ossú, Missão de Hatolia, Missão de Suro (Ainaro), Missão de Alas.

 

Amu-lulik sira Iha Díli: Monsenhor Jaime Garcia Goulart, Administrador Apostólico; padre Artur Basilio de Sá, ecónomo, padre Jacinto António de Campos; Iha parókia Díli: padre Porfírio Francisco Campos no padre Alberto da Ressurreição Gonçalves; Missão Manatuto: padre Diogo José d’Almeida no padre Ezequiel Enes Pascoal; Missão Soibada: padre Januário Coelho da Silva no padre Jorge Barros Duarte no padre Manuel Luís; Missão Oe-Cusse: padre Francisco Durão Quintão; Missão Baucau: padre Francisco dos Santos Afonso no padre Manuel António Serra; Missão Ossú: padre Norberto Parada; Missão Hatolia: padre Francisco Madeira, no padre Carlos da Rocha Perira, Missão Suro (Ainaro): padre Norberto Amaral no padre António Pires; Missão Alas: padre António Grebaldo Fernandes.

 

La kleur de’it funu japonés hahú: Tan ba situasaun susar, Mgr. Jaime Garcia Goulatr ho amu-luluk balu no madre Kanosiana sira sees tiha hodi ba hela iha Australia, to’o fulan Dezembru 1945. Iha fulan Outubru, Mg. Jaime simu ordenasaun episkopal iha Sydney. Nia mak Bispo Dili nian ba dala uluk. Dom Jaime ukun Dioseze Dili to’o tinan 1967.Troka nian, amu Bispo Dom José Joaquim Robeiro. Iha tinan 1975, hahú invazaun Indonesia. Tanba situasaun polítika, iha loron 1(1) 1976, amo Papa Paulo VI halo dekretu ida hodi submete Dioseze Dili ba Santa Sé (Vatikanu). Iha tempu okupasaun. La iha Bispo residencial, maibé Administrador Apostólico ad nutum Sanctae Sedis. ukun Dioseze Dili Administrador Apostóliku Monseñor Martinho da Costa Lopes(1978-1983) no Monseñor Carlos Filipe Ximenes Belo,SDB (1983-2002).

Iha tinan 1996, Dioseze Dili fahe ba rua: Dioseze Dili no Dioseze Baucau (Bispo Dom Basílio do Nascimento). Bispo Carlos Filipe rezigna tiha, ukun Dioseze Díli hanesan Administrador Apostóliku, Dom Basilio do Nascimento, Bispo Baucau nian. Iha tinan 2004, tan ba situasaun normal fali ona, Santa Sé foti Dom Alberto Ricardo ba Bispo de Dili. Tan ba Dom Alberto mate, Vatikanu foti tan Dom Basilio hanesan Administadór Apostóliku.

 

Iha tinan 2010, Dioseze Dili fahe tan dala Ida: Dioseze Díli no Dioseze Maliana (Bispo Dom Norberto Amaral).

 

Iha tinan 2014, Santa Sé hili Dom Virgilio do Carmo da Silva, S.D.B. ba Bispo Diocese Díli, no iha loron 11 fulan Setembru 2019, Amo Papa Francisco harii Província Eclesiástica iha Timor-Leste, no foti Dom Virgilio Ba Arcebispo.

 

Bispo sira ne’ebé ukun Dioseze Díli, no ikus ne’e Arkidioseze Metropolitana:

D. Jaime Garcia Goulart (Administrador Apostólico: 1941-1945; Bispo: 1945-1967)

D. José Joaquim Ribeiro (Bispo Coadjutor: 1965-1966; Bispo: 1967-1977)

Mgr. Martinho da Costa Lopes (Administrador Apostólico: 1977-1983)

D. Carlos Filipe Ximenes Belo, S.D.B. (Administrador Apostólico: 1983-1988; Bispo: 1988-2002)

D. Basílio do Nascimento (Administrador Apostólico: 2002-2004)

D. Alberto Ricardo da Silva (Bispo: 2004-2015)

D. Basílio do Nascimento (Administrador Apostólico: 2015-2016)

D. Virgílio do Carmo da Silva, S.D.B. (Arcebispo: 2016- …)

Parabéns ba Arkidioseze Dili, Parabéns ba Amo Arcebispo, amu-lulik sira, madre ka irmã sira, irmaun relijiozu sira, katekista sira , seminarista sira no sarani no povu tomak. PARABÉNS!

 

Lisboa, 3 de Setembro de 2020

Dom Carlos Filipe Ximenes Belo,SDB.

 



ARQUIDIOCESE DILI HALAO MISSA ABERTURA DA EXISTENCIA BA DALA 80
Segunda, 07 Sep 2020, 13:29:37 OTL, Le'e : 129 Dala
ARQUIDIOCESE DILI HALO TINAN 80
Segunda, 07 Sep 2020, 11:59:46 OTL, Le'e : 131 Dala
ARCEBISPO DOM VIRGILIO: PARABENS BA SARANI HERA
Segunda, 07 Sep 2020, 09:34:04 OTL, Le'e : 142 Dala

Komentariu