Quinta, 29 Outubro 2020, OTL
Breaking News

Segunda, 07 Sep 2020, 13:29:37 OTL, 128 View Ruben Conceicao da Silva, Kategori : Igreja Local

RTKNews (Ed.06-09-2020)-Arquidiocese dili iha loron 06 fulan setembro tinan 2020 Celebra Missa iha Igreja Catedral dili hodi halao abertura existencia Arquidiocese nian ba dala 80 nebe nia actividade sira sei halo durante fulan tolu (3) Husi Setembro ba to Desembro.Missa Ne Preside husi Arcebispo Arquidiocese Dili, Mgr. Dom Virgilio do Carmo da Silva SDB

“Masque agora dadauk mundo Hasoru hela Pandemia Covid-19 maibe Arquidiocese Dili nebe sei halo nia tinan ba 80 sei la husik liu deit momento histórico ida ne tanb ne convida ema hotu  atu halo barulho maibe nia finalidade ida deit, atu convida sarani hotu-hotu atu hola conciencia ida kona b aita nia identidade nudar sarani, ita nia missão nudar sarani iha Creda no Arquidiocese ida ne” dehan Mgr Virgilio iha ninia Homilia.

Bispo husi Congregação Salesiano ne mos hatutan, momento preparação ba fulan hira ne nial aran sai oportunidade ba sarani hotu atu recopera fila fali karik durante ne Missão no serviço la lao tuir Maromak nia hakarak depois de comemoração tinan 80 ho haraik an ema hotu bele iha fali coragem.

“hanesan iha evangelo ohin, Iha coragem atu fo hatene ba Malu no haraik an atu simu nune maka ita bele hamutuk lao ba oin hodi mehi diak liu tan lao nudar Maromak nia povo. Lao nudar familia, comunidade lao nudar diocese ida ho ida ne maka nia finalidade atu halo abertura ida ne, hodi agradese ba Maromak” Arcebipo hateten.

DOm Virgilio mos husu atu hare Nain Feto nebe maka nudar mahein Arquidiocese nian atu sai hanesan modelo no lao hamutuk h Nain feto hodi ba hasoru Jesus.

Tema ba Comemoração ne rasik mak “Per Mariam ad Iesum” ka ho lian Tetum dehan Ho Virgem Maria ba To’o Jesus

Escritor: Ruben

 

 



ARQUIDIOCESE DILI HALAO MISSA ABERTURA DA EXISTENCIA BA DALA 80
Segunda, 07 Sep 2020, 13:29:37 OTL, Le'e : 128 Dala
ARQUIDIOCESE DILI HALO TINAN 80
Segunda, 07 Sep 2020, 11:59:46 OTL, Le'e : 131 Dala
ARCEBISPO DOM VIRGILIO: PARABENS BA SARANI HERA
Segunda, 07 Sep 2020, 09:34:04 OTL, Le'e : 142 Dala

Komentariu