Quinta, 29 Outubro 2020, OTL
Breaking News

Sabtu, 25 Apr 2020, 11:42:06 OTL, 431 View Ruben Conceicao da Silva, Kategori : Nacional

RTKNews (Ed.Sabado.25.abril.2020) – Arcebispo Arquidiocese Dili Dom Virgílio do Carmo da Silva,SDB sexta ne’e (24/04/2020) convoca reunião ida ho nailulik sira tanto religioso no religiosa hodi forma equipa de apoio pastoral Covid-19 Arquidiocese Dili ninian ho objetivo hodi fo assistência Espiritual, assistência moral no mós assistência Social ba comunidade liu-liu ba hirak nebé afetado ba covid-19.

Arcebispo Arquidiocese Dili Dom Virgílio do Carmo da Silva, SDB remata tiha sorumutu ne’e haktuir katak “Ita hare ho aumenta tempo estado de emergência ne’e, família barak afetado mós ba economia tanba ema hotu la serviço. Então Diocese iha semana ne’e nia laran koko atu forma mós equipa ida sei serviço hamutuk ho Cáritas, atu equipa ne’e hare ba buat rua: oinsa Uma Creda liu-liu housi Arquidiocese Dili nian atu fo apoio liu housi moral, espiritual no seluk tan. No oinsa mós Uma Creda tau hamutuk nia força atu bele mós fo apoi ruma ba família sira nebé kbi’it laek liu iha ita nia rain iha tempo ne’e nia laran”.

Arcebispo Dili Dom Virgílio do Carmo da Silva, SDB relata mós tan katak “Hakarak atu fo hatene mós katak hetan fundos oituan housi Igreja Corea nian nebé fo apoio liu housi Nunciatura, então iha Nunciatura oferece fali ba iha Conferência Episcopal Timorense (CET) no liu housi fundo refere uja hodi prepara netik aihan ruma ba ita nia maluk sira nebé mak kbiit laek, tenik  Arcebispo Dili Dom Virgílio do Carmo da Silva, SDB

Iha ocasião ne’e mós Arcebispo Dili Dom Virgílio do Carmo da Silva, SDB Recomenda ba pároco sira atu iha Arquidiocese Dili nian atu hola iniciativa rasik prepara netik aihan ruma tuir Paróquia nia kbiit, atu wainhira situação ne’e obriga, Paróquia mós bele fo apoio ba nia paroquiano sira.

Iha sorin seluk Presidente equipa de apoio pastoral Covid-19 Arquidiocese Dili, Pe. Ângelo Salsinha sublinha katak equipa de apoio pastoral Covid-19 Arquidiocese Dili ninian ne’e composto housi Padre pároco sira housi Diocese Dili nian, Vigário Forâneo sira, no cordenador Superiores Maiores no Superiores Congregação hot-hotu nebé existe iha Arcquidiocese de Dili nian hodi hare ba assunto rua inportante hanesan oinsa Uma Creda liu-liu housi Arquidiocese Dili nian atu fo apoio liu housi moral, espiritual no seluk tan. No oinsa mós Uma Creda tau hamutuk nia força atu bele mós fo apoi ruma ba família sira nebé kbi’it laek liu iha ita nia rain iha tempo ne’e nia laran, dehan Pe. Ângelo Salsinha. (Equipa DCAD)

 



ARQUIDIOCESE DILI HALAO MISSA ABERTURA DA EXISTENCIA BA DALA 80
Segunda, 07 Sep 2020, 13:29:37 OTL, Le'e : 129 Dala
ARQUIDIOCESE DILI HALO TINAN 80
Segunda, 07 Sep 2020, 11:59:46 OTL, Le'e : 133 Dala
ARCEBISPO DOM VIRGILIO: PARABENS BA SARANI HERA
Segunda, 07 Sep 2020, 09:34:04 OTL, Le'e : 144 Dala

Komentariu