Quinta, 29 Outubro 2020, OTL
Breaking News

Segunda, 07 Sep 2020, 09:34:04 OTL, 142 View Ruben Conceicao da Silva, Kategori : Igreja Local

RTKNews (Ed 05-09-2020)-Quase Paróquia São Tiago Hera Canónicamente iha loron 5 fulan stembro tinan 2020, eleva sai Paróquia hafoin durante tinan 9 nudar Quase Paróquia. Arcebispo Arquidiocese de Dili Mgr Dom Virgilio do Carmo da Silva SDB hato’o nia parabens ba Paróquia foun ne.

“Hau nia parabens ba sarani Paróquia Hera nian nebe maka sai ona Paróquia depois de tinan 9 nudar quase Paróquia. Momento ida ne acontece tanba esforco husi sarani tomak no servico hamutuk ho entidade hotu” dehan Primeiro Arcebispo ba Igreja Timor ne.

Arcebispo mos hatutan, sai ona Paróquia laos katak serviço mos remata ona, maibe ba oin koko atu lao hamutuk nafatin atu lori Paróquia ne ba oin.

“Paróquia ne compara hanesan Ró ida, tanba ne sarani hotu tenque tama gotu iha laran no Amo Pároco maka hanesan capitão ba Ró ne no ema hotu esforço atu lori ro ne ba to iha nia rohan tanba laos sai ona Paróquia sira hotu contente ona maibe ba oin koko atu lao hamutuk nafatin hanesan sira mahein São Tiago rasik dehan Fiar nebe laiha obra katak mate” Dom Virgilio hateten.

Quase Paróquia São Tiago rasik durante ne hola parte ba iha Paróquia Sagrado Coração de Jesus Becora no nudar Pároco ba quase Paróquia ne maka Padre Jose Tcain SVD

Escritor: Ruben



ARQUIDIOCESE DILI HALAO MISSA ABERTURA DA EXISTENCIA BA DALA 80
Segunda, 07 Sep 2020, 13:29:37 OTL, Le'e : 129 Dala
ARQUIDIOCESE DILI HALO TINAN 80
Segunda, 07 Sep 2020, 11:59:46 OTL, Le'e : 132 Dala
ARCEBISPO DOM VIRGILIO: PARABENS BA SARANI HERA
Segunda, 07 Sep 2020, 09:34:04 OTL, Le'e : 142 Dala

Komentariu